ازاي اغير حجات من شخصيتي وحشة أو ممكن تكون عادات سيئة ازاي أتعامل يعني انا مثلا شخصيتي مش بتحب تتعب نفسها بكبر دماغي مبذاكرش ضعيف إيرادة ممكن يكون امتحان بكره وانا مش عارف حاجة في المادة فأقول لنفسي هنجح بالغش وخلاص ضعيف إيرادة ازاي اغير عادة دي مثلا اتربيت في مجتمع في كدب وكده واتعود علي كدب ازاي اغير عادة سيئة دي او اي عادة زيها وازاي أحاول شخصيتي من واحد مثلا عادة غيبة ممكن اغتاب حد اتربيت علي كده وياريت حل للي مش متعود يذاكر ممكن تكون ضعف إيرادة أو تساهل يعني انا مش متعود اذاكر حتي لو امتحان بكره وانا مش عارف حاجة في المادة تمام وممكن أسقط وانا عارف ومدرك بكده وكمان عارف اني مش هغش وانا مبقتش بحب الكدب يعني انا حمدالله ملتزم فبحاول اثبت في استقامة بتاعتي مهم يعني ومدرك بكل ده وفي آخر برضو مذاكرش مش عارف انا شارح شرح مفهوم ولا لا بس الي عايز أقوله ازاي اغير حاجات سيئة في شخصيتي أو عادات سيئة لكي انجح في حياتي واوصل للإنسان الي عايز ابقا زيه الي في شغفي أو في دماغي
اقرأ قرآن عشان تتخلص من عادات سيئه فيك و فكر ف اي حاجه وحشه قبل متعملها و امنع نفسك عن الوحش حتى لو في ضرر ليك يمكن لو صبرت ربنا يعوضك خير اكيد مش من اول مره هتعرف تفكر قبل متعمل حاجه وحشه بس حاول ف المره اللي بعدها و مع مرور الوقت هتتعود تفكر ف اي حاجه وحشه قبل متعملها بالنسبه للمذاكره ف انت لازم تفكر كويس اوي ف مستقبلك و ان مفيش حد بيوصل لحلمو منغير ميتعب او بالغش ممكن توصل و تبقا دكتور بسبب الغش بس دكتور فاشل ف لازم تبطل عاده الغش دي ع قد متقدر عاقب نفسك مثلا لو عينك جت ع اجابه صحبك ف الأمتحان متغيرش اللي اخترتها حتى لو صاحبك عامل اجابه صح و انت غشتها و لو كتبتها هتقفل الأمتحان بس لاء عاقب نفسك و اعمل عكس اللي شوفتو بعملها كتير اوي و ف الأخر بطلع انا صح يعني ربنا بيجازيني خير ف الأخر اسمع بودكاست بيشجع ع المذاكره او عود نفسك ع الجداول و اتعرف ع حد يشجعك ع المذاكره و تذاكروا سوا ف مكان بتحبوه مثلا او شجع نفسك بنفسك جيب اكله بتحبها مثلا و خبيها و خد قرار انك مش هتقربلها غير لما تخلص مذاكره كذا و كذا أو اديها لحد من عيلتك يخبيها لحد متخلص مذاكره هتيجي و انت بتذاكر هتحس انك عايز تخلص بسرعه و تنجز ف المذاكره و مش هتتكاسل عنها عشان تاكل الأكله اللي بتحبها دي و في برنامج اسمو pomodoro بينظم وقت المذاكره و في برامج تانيه بتساعدك عن طريق انها بتقفل البرامج اللي انت بتفتحها كتير لفتره معينه لحد متخلص مذاكرتك او بتقفل تليفونك خالص لمده ساعه عشان متقدرش تفتحو لحد متخلص و جرب تصحى الفجر و صليه و اقرأ اذكار و ادعي ربنا يوفقك و انصحك ب سوره يس بتخلي الواحد عارف ينجز كل اللي عايز ينجزو و حاول تفتح حتى لو مذاكره قليله درس صغير او نص درس حتى ع الأقل بتذاكر حاجه مش مهم كتيره او قليله بس احسن من انك متذاكرش خالص و ربنا يوفقك و إن شاء الله تقدر تنجز مذاكرتك و تتخلص من عاداتك السيئه
تم النشر الخميس، ٤ يناير ٢٠٢٤
انا ممكن اقولك حاجات كتير اوى بس أسهل سكه هى الصحبة الصالحة دور على صحبه بره العادات السيئة دى كلها هتلاقى عاداتك اتغيرت من غير ما تحس
تم النشر الثلاثاء، ٢ يناير ٢٠٢٤
الصحبة الصالحة بتعين كتير ، اهم حاجه ان يبقي عندك نية وإرداة حقيقة للتغير وربنا هيعينك هيبعتلك ف طريقك إشارات و ناس تساعدك، المهم تبدء بنفسك وتسيبك من المجتمع الي حواليك انت مسؤول ع نفسك بس انت هتتحاسب لوحدك محدش هينفعك " وكلهم آتيه يوم القيامة فردا " ، انت مش بتذاكر وبتغش علشان مش عارف ايه الفايده من المذاكره، اخنا بنذاكر علشان احنا خلفاء الله ف الارض وواجب علينا تعميرها ف هنعمرها بالعلم والعمل ودي نطقة البداية تتعلم علشان تشتغل وتعلم غيرك وتنفع غيرك وتتجوز وتبقي اب صالح ينشأ ذرية صالحة تعمر الأرض وهكذا انت ليك هدف ورسالة ركز عليهم علشان يبقي عندك سبب تقوم من النوم علشانه، بجانب اهتمامك بصحتك تلعب رياضه تنزل الجيم تتمشي حتي ، ترفهه عن نفسك تخرج مع صحابك تزور أقاربك تساعد والدتك او والدك ف البيت ، المسلم انسان متكامل يحافظ علي كل جوانب حياته ونيته فيها خالصة لوجه الله مش علشان حد ، لما تحس نفسك تعبان فاقد الشغف تايه اقرء قرآن حتي لو صفحه حتي لو مش خاشع الاستمرارية ف اي عمل بتخليه مؤثر وفعال مع الوقت وطبعا صلي ف المسجد هتقابل شباب صالحين هناك وتقدر تشاركهم ويساعدوك
تم النشر الجمعة، ٥ يناير ٢٠٢٤
ذاكر واعمل مجهودك ان شاءالله يكون خير السبب أنك هيك لأنو أنت شخص سلبي للغاية حاول تبقى إيجابي
تم النشر الاثنين، ٨ يناير ٢٠٢٤
لعرض السؤال في فدني اضغط هنا