السلام عليكم أسمي أمنية كان عندنا فرح في5/2 وأحنا من عادتنا نودي العزال قبل الفرح بأسبوع في الفلاحين وفي يوم العزال ودنا العزال وأحنا جايين في السكة قعدنا نهزر ونضحك وع بالليل قعدنا نهزر أنا وأولادي وفجأة لقيت نفسي الضغط نزل فجأة وجع في صدري بسيط ثم ذاد وضربات القلب عآلت مع تنميل شديد من القدم الي أعلي جسمي كان والغريب في دا كله التنميل اللي جه في جسمي كله انتباني شعور الهرع والهلع من الموت روحت عملت أشعة ع القلب ل اجد شيئا ورحت معمل التحليل ووصفت حالتي وعملوا للتحليل اللي تودي الأعراض دي برضوا مفيش حاجة طلعت فيها واخر حاجة روحت للدكتور مخ واعصاب وقال دي حالة اكتئاب ووصف ليا علاج بس للأسف أخد الأعراض الجانبية للعلاج ومستفدتش منه مع قلة نوم مع فقدان الإحساس بأولاد وزوجي والأكل والناس فقدت الاحساس للحياة لحد ماجابولي شيخ ورحت لشيخ والتفسير لحالتي من قبل الشيوخ كان معمول سحر لحد وانتي اخدتيه وبقيت حقل تجارب لدكترة والشيوخ وتنميل جالي كام يوم وبعد كده قلت لنفسي خليه روتين يومي وقومية لحد ماراح من عندي الحمدلله بس لسه القلق والتوتر موجود بذات توتر وخوف الموت وكل ما اقعد مع حد التوتر واتخنق ولاعب وينتنبيني شعور الموت أنا ليا اربع أخوات منهم واحد مقربه ليا نتشارك مع بعض اغلبيت الأمور وماكنتش متوقعة اني ابعد عنها أنا بكلامها في التليفون بس لو اتقبلنا اتعب نفسينا أنا نفسي ارجع زي الاول مع العلم من الناحية الدينية الحمد الله ملتزمة بصلاة وقوم الليل واصلي الضحي واقر في المصحف وأقول الاذكار وبشغل إذاعة القرآن الكريم ع مدار 24ساعة والحمدلله مابتفرجشي ع التلفزيون اقدم كده معظم أوقات التلفزيون الكرتون او القنوات الدينية اسفه لاطاله السؤال هو انا كده اروح للدكتور تاني ولا واحدة واحدة هخرج من الشعور دا
وعليكم السلام هو واضح من اللى وصفتيه ان تأثير الموضوع روحانى بشكل كبير طالما عملتى فحص عضوى ولم تجدى شىء فالتفسير الروحانى هو الاوقع والاقرب لما تشعرين به اذا استطعتى ان تستمرى على الرقيه لنفسك باذن الله ينتهى الامر او استعينى باحد يكون ذو ثقه (وليس اى شيخ او من يدعى ذلك ) ويقوم بقراءة الرقية بنية التفريج عن هذا الامر
تم النشر الجمعة، ٢٤ مايو ٢٠٢٤
شفاك الله وعافاك انصحك تلتزمي بسورة البقرة يوميا او كل ثلاث ايام اسمعيها واقرأيها اد ما تقدري واقرأي ايات الرقيه الشرعيه على زيت زيتون وادهني جسمك به واقرأيهم على ماء بنية الشفاء واشربي منه باستمرار وادعي ربنا كتير انرف عنك هذا الاذى ويعافيك
تم النشر الجمعة، ٢٤ مايو ٢٠٢٤
ربنا يشفيكى ويعافيكى يارب، بس ممكن تجربى تروحى لدكتور نفسي ولو مجبش معاكى نتيجه يبقى متروحيش لدكاترة تانى ع كتر الادويه والحجات متاذيكيش وان شاء الله تكون فتره وتنتهى 🤍
تم النشر الخميس، ٢٣ مايو ٢٠٢٤
تابعي مع دكتور نفسي هيفيدك جدا
تم النشر الجمعة، ٢٤ مايو ٢٠٢٤
تابعي مع دكتور نفسي وهتكوني كويسه وحاولي تعملي اي حاجه جديده فيومك عشان الشعور اللي بيجيلك دا يختفي ومتوتريش نفسك وان شاء الله خير وادعي ربنا كتير وصلِ على النبي كتيرر وهتكوني زي الغزاله بإذن الله ♥
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا