مش عارف انا اول مرة اقول الكلام دا بس لقيت الكل هنا بيفيد بعضه من غير كسوف فتجرأت انى اتكلم
حب النساء دا هل هو مرض نفسى ولا دا طبيعى طبعا البعض منكم هيقولى غض بصرك اكيد كلامكم مظبوط بس الموضوع بردو بيحصلو فلتات مع العلم انى متزوج وبحب زوجتى جدا جدا واكتر من ازواج كمان اصدقاء بس مصرحتهاش بحاجة زى كدا بس هيا عارفة كدا وعارفة انى بحبها جدا
وانا مليش فى العلاقات المحرمة
بس مش عارف ايه الى بمر بيه دا
لو حد عند نصيحة او افادة ياريت ميتأخرش عنها
تم النشر الاثنين، ٢٦ فبراير ٢٠٢٤
انا مش مختص نفسي بس عندي تعليق صغير، طالما متجوز ، حاول تفتكر بيتك ع طول لو عينك جت ع واحده، وفكر كويس جدا ف بيتك، لان ان اطعت نزواتك افسدت عليك بيتك، وبالتاكيد ان حاولت تعرف او تشوف واحده غير مراتك، انت نفسك هتتغير ف معاملتك ف البيت ونفسيتك هتتغير من غير ما تحس، ومراتك هتاخد بالها من التغيير، وهنا تقدر ترحب بالمشاكل ومشاكل مش معروف اسبابها وملهاش نهاية طيبة. ان شاء الله المختصين هنا هيفيدوك من ناحية اذا كان مرض ولا عرض، وربنا يكتبلك الخير.
تم النشر الاثنين، ٢٦ فبراير ٢٠٢٤
انا هكمل على كلام الاستاذ جاد ..لانى كنت هذكر نفس النقاط وكمان من قراءة التعليقات وردودك على الاعضاء فى مشاركاتهم محدش هينكر انه الاحتياجات هى اكبر دافع للانسان ...احتياجك هو الدافع هنا ...انت محتاج كلام رومانسى وحب يروى اذانك واشكال معينه من الحب ( والطبيعى انك تعرف ان مصدرها هو الجنس الاخر ) فتشعر بانك تحب النساء او ملهوف عليهم بالمعنى العامى . الحقيقة انت ظمأن فقط من احتياجك. هل سألت نفسك لماذا الان شعرت بذلك وليس من بداية الزواج ؟ الاجابه انك كنت مكتفى بزوجتك كما هى ...لكن مع استقرار الاحتياجات الاخرى تجد الشيطان يأتى ليسلط لك الضوء على احد الاحتياجات االغير مستقره لكى يذهب بك فى اتجاه يستطيع ان يوقعك منه. دعنا نذهب للحلول : يمكنك ان تخصص وقت بينك وبين زوجتك بدون الاولاد وتتفق معها ان يكون يوما فى الشهر مثلا -- على ان تقوموا بتقسيم اليوم الى نصفين ..نصف تقوم انت فيه بعمل كل ما هى تحبه ولو انك لا تحبه ...والنصف الاخر ان تفعل هى ايضا ذلك ....بالتدريج ستفهم زوجتك ان الامر مثمر ومهم وستكون طريقة لحل الامر . او يمكنك ان تستعين باخصائى علاقات وتربية مثلا وتطلب منها ان تجلسوا معه لاخذ بعض النصائح من اجل الاولاد ويمكن ان تتطرقوا للامر اثناء الحديث فيستطيع المختص توصيل الفكره بشكل افضل . او يمكنك ان تعتبر نفسك المعلم وتبدع فى اساليب التعليم لايصال الفكرة لها ...كلنا ننشأ على افكار ونتعود على اشياء رغما عنا ...زوجتك ببساطة لم تتعلم التعبير بهذا الشكل ...مهمتك هنا يا بطل ..لتثبت انك استطعت ان تحى شيئا فيها وهنيئا لك جنى الثمار باذن الله
تم النشر الاثنين، ٢٦ فبراير ٢٠٢٤
والله انا رايي يبقى اكيد في حاجات بتلفت نظرك للست فممكن تعرف ايه هي الحاجه دي اللي في دماغك وتطلبها من مراتك ان هي تعملها ليك واظن ان ده مش عيب ولا غلط ولا حرام لان دي حلالك في الاول وفي الاخر
تم النشر الاثنين، ٢٦ فبراير ٢٠٢٤
من إتجاه إن دا أمر طبيعي فهو طبيعي ومش مرض نفسي ربنا خلق الرجل ميال للأنثى .. وإلا ليه ربنا أمرك بعض البصر؟ ربنا قال في سورة النور ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللهَ خَبِيرٌ بِمَا يَصْنَعُونَ ) و مينفعش تستهين بالنظرة وتقول طالما مفيش علاقات محرمه يبقى مستني حد يقولك لا إنت تمام وعادي .. لقوله صلى الله عليه وسلم: العينان تزنيان وزناهما النظر. فكل ما تلاقي حصل فلتات إستغفر ربنا وغض بصرك تاني وربنا يقويك..
تم النشر الاثنين، ٢٦ فبراير ٢٠٢٤
افتكر ثلاث حاجات ديما أمام عينك وصدقني هتلاقي المشكلة دي اتحلت بسرعة جدا طالما بتحب زوجتك اكيد بتغير عليها جدا صح افتكر الثلاثة دول اولا كما تدين تدان ثانيا لا يكن الله أهون الناظرين إليك ثالثا احمد الله على الزواج واعلم أنه نعمة كبيرة من الله غيرك محروم منها
تم النشر الاثنين، ٢٦ فبراير ٢٠٢٤
لعرض السؤال في فدني اضغط هنا