البطاطس علفكره نشويات مهمة جدا فأي نظام غذائي بس من غير زيت يعني أعملها ف الفرن أو القلايه الهوائية أو مسلوقة.. خد بالك بس تاكل بروتين أوفر يأثر علي مفاصلك. ال نشويات مينفعش تتمنع كلها ولكن بتوزنها ومعدلها يبقي طبيعي. بلاش أي سمنه خالص وممكن لو متوفر معاك ماديا زيت جوز هند بيساعد علي الحرق أو زيت زيتون ع البارد مش تسخنه.. اختار يوم أجازه فالاسبوع ترتب فيه جدول وجباتك وتجهزها ع التسخين.. تتبيلات كارفور مفهاش أي مشكله عادي إنت بس بدل الفطير بفواكه و الرومي ب تونه أو بيض أو ذره مسلوق كل ده سهل وسريع وصحي والبطاطس تحفه عن الرز والمكرونه لازم نشويات وهي أفيد حاجه فيهم بس بلاش مقليه خالص. بلاش تاكل وتنام نهائي وبلاش تشرب صودا وبلاش شيبسي بدله بفشار ومكسرات. وبلاش سكر فالعموم بدلة بنص معلقه عسل نحل و هتتعود بعد كده علي الطعم من غير سكر.. سهل تجيب طبق خضار متقطع جاهز وتعمله سوتيه مع كبده فراخ مثلا بتتشوح برضو بسرعه وبسهولة.
تم النشر الأربعاء، ١٥ مارس ٢٠٢٣
طبيعي ان الاكل ده يزود في الوزن او يكون عندك دهون في مناطق معينة زي البطن، طبعا التمارين مهمة في الحالة ديه والتمارين اللي هتساعدك تحرق دهون بطريقة مباشرة هي المشي والجري اما اللي هتساعدك تحرق دهون البطن ولكن بطريقة غير مباشرة هي تمارين المقاومة، لانها بتكبر في جسمك العضلات، وكل ما عضلات جسمك بتكبر كل نسبة الدهون بتقل .. ولكن طبعا بتاخد وقت. اما نظامك في الاكل في الحقيقة النظام ده مش صحي خالص، وزي ما قولتلك طبيعي انه يزودك في الوزن. علشان تقل في وزنك اتبع الصيام المتقطع .. صيام 16 ساعة عن الاكل فقط وعادي انك تشرب مشروبات ولكن من غير سكر + انك تعمل نظام لوكارب والنظام ده بيعتمد على البروتين والدهون اكتر من النشويات والنشويات هنا مش منعى ان في رز ومكرونة والكلام ده .. وعيش وفطير .. ده كله ممنوع .. النشويات ممكن تبقى فاكهة وبطاطس مسلوقة وبطاطا مسلوقة.
تم النشر الأربعاء، ١٥ مارس ٢٠٢٣
😇
تم النشر الأربعاء، ١٥ مارس ٢٠٢٣
لعرض السؤال في فدني اضغط هنا