السلام عليكم ورحمه الله وبركاته. انا هقول لك حاجه ويعني اتمنى ان انت يعني ترد علي وتقول لي اذا كان دي حقيقيه وانت حاسسها ولا لا لانه دي ممكن تكون هي سبب كل الاذى. اه هل انت عندك مشكله ااا فان اهلك طول الوقت كانك مش موجود كانهم مش شايفينك مش حاسس انهم فخورين بيك مش حاسس انهم مهتمين بيك. النقطه دي انا شايفاها كثير قوي في كل الكلام اللي انت بتقوله ااا ممم حاسس انك مش متشاف ده ماثر عليك وعامل لك شكل من اشكال الاحباط اجتماعيا او من ناحيه الصحاب مش حاسس ان في حد باصص عليكوا مهتم وانك مميز لدرجه ان حد يقول ااا انا عايزه ابقى صاحب فلان او حد من اهلك يبقى دائما بيدور عليك وانت فين وبتعمل ايه اعتقد انك مفتقد الحته دي قوي قوي حتى في مساله التمثيل والاعلانات انت نفسك انك تبقى متشاف ممكن النقطه دي تكون من وانت صغير مفتقدها جدا. احتمال تكون انت الابن الاصغر يعني اصغر واحد او الوسطاني اوقات في عائلات الوسطاني بيبقى شبه مش متشاف ااا مش واخد الاهتمام الكافي او الصغير لانه مثلا صغير قوي قوي قوي وكل الاخوات التانيين اكبر منه بكثير فبرده ما بيبقاش واخد اهتمام قوي لو الاب والام سنهم كبير. فاقول لي لو النقطه دي موجوده عندك؟ لو هي موجوده زي ما انا استنتجتها هتبقى هي دي الحل ان شاء الله لو اشتغلت عليه تقدر تطلع من الازمه اللي انت فيها باذن الله.
تم النشر الخميس، ١٤ نوفمبر ٢٠٢٤
3 تعليق
اكيد بس اوقات بوصل لمرحله مش فارقه ، بس مش بتعمد أذي نفسي
تم النشر الجمعة، ١٥ نوفمبر ٢٠٢٤
انت بتخاف من الالم ؟ بيفرق معاك انك تتوجع عموما او تتعور
تم النشر الجمعة، ١٥ نوفمبر ٢٠٢٤
لا انا الكبير ، ممكن ده كان وانا صغير شوية وفي حاجات كتير كان نفسي ادرسها او اعملها وموافقوش وبعد اول مره تعبت فيها كانت مامتي جنبي لكن ابويا مازال لحد دلوقتي 24 سنه مش بيعاملنا علي اننا ولاده بينزل يجيب الفلوس اللي يجيبها وخلاص ودي علاقتنا بيه ، وماما بتدعمني في اللي انا فيه وجنبي وبتساعدني وبتسمعني بس انا مش فاهم فيا ايه ولا هي فاهمه وعاوزة تساعدني ومش لاقيين حل وضاغط علي نفسي وضاغط عليها كتير ، انا النهاردة مثلا زي ما قولت فوق نفسي ف شغل احبه بس بقيت مثلا بنزل شغل اتعب ، ف كان عندي شغل في المسرح خلصت روحت لصاحبي ساعده في شوية حاجات روحت ، ومن ربع ساعه كدا قبل ما اكتب الكومنت كنت حاسس اني هبانيك اتاك مش عارف من الضغك ولا فكرة الشغل حتي لو حاجة بحبها مش عارف ومش فاهم حاجة ، ومعتقدش نقطه الظهور دي سبب لإني إنطوائي وفاكر موقف اني اختارت التمثيل بس مكنتش عاوز امثل وكنا داخلين مسابقه في المدرسة ولحد اخر وقت منطقتش وكنت واخد بطولة لحد قبل المسابقة بكام يوم يعني
تم النشر الجمعة، ١٥ نوفمبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك