حاسس ان مشكلتي صعبه ومش لاقيلها حل
انا ممكن بحاول اربط اللي انا فيه من وانا صغير عشان يمكن يكون ده سبب في اللي انا فيه فهحكي من وانا صغير.
انا كنت إنطوائي وكانوا بيتنمروا عليا ومليش صحاب وبعدين كان في مشاكل في البيت ومكانش قريبين أسرياً من بعض خالص وبعدين كبرت وكان كل صحابي سوشيال علي الفيسبوك مثلا بس كانوا بيبعدوا من غير سبب وكنت بضايق اوي واشوف نفسي وحش بس مكانش في اي اعراض جسدية،
وبعدين بقى ليا 2 صحاب واحد منهم خذلني واتصدمت فيه وبعدنا والاكس خانتني وجات تقولي وكنت بعرف انزل اشتغل عادي ( عشان دي ليها مشكلة قدام ) فتعبت جامد وبعدين فقت شوية وبعدت عن صاحبي ده ، بس تعبت تاني مكنتش بعرف اتنفس وكان بيبقي عندي قئ وضغطي واطي وجسمي مش حاسس بيه،
ورحت لدكاترة معده كتير وكان في ادوية كتير وتشخيصات كتير بس اخر دكتور قالي انت مفيش فيك اي حاجة عضوية انت كل اللي انت فيه مشكلة نفسية ، مكنتش عارف ايه السبب، رحت اتطوعت في جمعية خيرية وبقيت اشغل نفسي عشان دماغي وتفكيري مش بيسكتوا ، ورجعت امثل مسرح تاني مرجعتش زي الاول بس رجعت،
كنت دايما بدور علي علاقة حب بجد وشغل واستقرار ولما خلصت دراسة وجات البنت وجه الشغل تعبت تاني نفس التعب ( علي مدار الفترات اللي فاتت كنت بتعب كل فترة لما اشوف الحب القديم مثلا او يتراكم عليا ضغوط ومشاكل كتير ) فتعبت لما نزلت شغل بقيت احس اني بتخنق ومش بقدر.
كل حياتي اتشقلبت من بعد ما تعبت اول مره بقيت دايما بحس اني بموت مشاكلي مش بحلها وبعيش اليوم بيومه وبتأقلم مش بعيش حياتي.
الإنبساط ممكن يبقي لحظي وممكن في ثانية اتخنق، سبت الشغل عشان ارجع تاني احس اني كويس وبعدين قعدت ممكن اسبوعين ونزلت شغل تاني اهو مش بعمل فيه اي حاجة حرفيا وتعبت تاني والمره دي اصعب عندي قئ وجسمي همدان ومش باكل ومضغوط كتير ودماغي سحلاني بفكر في كل حاجة حرفيا وحرفيا خايف الناس تقول عليا فاشل او مش قد المسؤولية او اخسر البنت اللي معايا
الفترة الاخيرة بقي مع اكتئاب الشتا كمان بقيت احس ان كل حاجة بتتقفل في وشي وكل ما احاول افشل
ورحت لشيخ عشان الهبل اللي بيحصل مع اني مش بحب الحاجات دي ولا بقتنع بيها والمفروض اني بحاول مع واحد صاحبي نعمل شغل في مجال الاعلانات عشان احنا بنمثل مسرح فبنحاول نشتغل حاجة بنحبها وكدا
بس مقفله اوي برضو والفلوس بيدفعوا قليل اوي مع انهم ممكن يجيبوا بلوجرز يدفعولهم ألوفات وكدا واغلب الاماكن الجديدة اللي بتفتح في المدينة اللي انا فيها بيجيبوا بلوجرز والاعلان اللي مثلت فيه بنفسي كان هيبوظ ومفيش حاجة جايبة همها وفي صراع بين نفسي واكتئابي واني اسيب كل ده يا اكمل يا اخش الجيش واطلع ده لو طلعت منه عايش او سليم حاسس اني يا هموت يا هتجنن ولو طلعت بقى اشتغل اي حاجة بس هكتئب زيادة هبقي بلا روح وكمان عشان اللي بحسه وبيحصل وقلت عليه فوق فهتعب وكدا انا تايه بجد ومش عارف اعمل ايه
راجع علاقتك بربنا تقريبا انت فاقد الشغف في الحياه وروحك مكسوره وانت محتاج تقوي علاقتك بربنا اقراء في الدنيا اي الحكمه من وجودنا عليك وع القرآن، بودكاست، دروس دين في مسجد، اذكارك وردك وصلاتك ذكاتك،،،، الي الي اتكسر هيتصلخ بأذن الله كلنا ع فكره هذا الشخص الضائع الجيل بتاعنا ٣ ارباعه نفس الشعور والتوهان والاكتئاب تصدقني بسبب المعاصي والسوشيال مديا الي خلتنا بعيد عن ربنا وبقينا في عصر التفاهه و كثرة المقارنات بينا وبين الناس الي ع وسوشيال مديا مع انها مقارنه فاشله للاننا مشفناش هما تعبوا اد اي علشان يوصلو للنقطه دي او الناس الي بتطلع فلوس كتير من مفيش دا كلو بيخلينا نوصل لعدم الرضا عن الذات والسخط،،،،، في حاجات كتير متأكده حصلت في حياتك جميله وكويسه بس انت اخترت تركز ع الوحش ودا الي مخليك مكتئب صدقني علاجك تراجع علاقتك بربنا انا زيك وبحاول ارجع ربنا يوفقك ويرفقني ♥️
تم النشر الأربعاء، ١٣ نوفمبر ٢٠٢٤
السلام عليكم يا أخي الفاضل أولا حضرتك معندكش اكتئاب لأنك لو عندك مش هتدور عن حل حضرتك بس يأس من التجارب الكتير التي لم تنجح انا همشي معك وحده وحده زكري شويه معي ثاني أنك انطوائي دي حريه انك مرتاح لوحدك مش حكايه انك مش عارف تتفهم مع الناس لاء انت مش عارف تشوف ناس زيك والبنت الي سبتك دي خير لان ربنا بعدها عنك مش لازم كل حاجه نحبه تكون لنا او تكون خير ربنا بيحبك لانو بعده واضح من كلامك ان البنت دي طماعه وهي انه لقت حبيب جديد غيرك بسرعه كده انه عوزه تلعب مش اكتر لاكن انت شاب عسل والف بنت تتمنك وخليك عندك ثقه بنفسك انك قد اي حاجه وانت لسه شاب ليه تقول ان مشكلتك ملهاش حل إن شاء الله تطلع من الدوامه دي ثالثا حكايه الشغل انك مش عارف تشتغل في مجالك والبلوجز في إحنا في زمان اشغل اي حاجه في مجال التاني اجتهد ودور واياك تيأس ابدا حاول تشغل مع صحابك مادام انت مرتاح ومتخدش كلام الناس في اي اعتبر ألا في صح انت مسؤول لانك بدور وصحابك إلا خذلك دي مكنش يستهلك علي فكره لانك واضح انك نضيف من جوه وشخصيتك حلوه وبحت التحديات مش كده برضوا ومتقلقش من البنت طالما انت هتكون مسؤول وهتحمل مسؤول بيت اكيد مش هيكون في ارتباط لان دا حرام هي لو خير فربنا يجعله من نصيبك اما لو شر فربنا يبعدها عنك ومتزعلش انك بتشوف البنت الي انت حبته مع حد تاني لان احنا ملناش تحكم في فطره الحب بس استحمال لانه والله كانت شر انت مش تائه ولا حاجه انت مش عارف تأخذ قرار صحيح وكمان لو انت عاوز تروح الجيش ليه تقول انك مش هترجع انت غالي مش عمله رخيصه إن شاء الله ترجع بسلامه متروحش عند دكاتره لانك مش مريض ومتقنش نفسك انك مريض خليك واثق من نفسك واستعين بالله واقترب من ربنا وصلي وأقرأ قران وصلي التهجد وإن شاء الله تكون احسن ممثل في الخير وانا هكون مبشرك يلا اضحك بقا عايزه اشوف تضحك الجميله 🥰
تم النشر الأربعاء، ١٣ نوفمبر ٢٠٢٤
اخي وحبيبي في الله ليس عندك اكتئاب ولا غيره وانت علاجك في ايد نفسك مش بإيد حد تاني فقط حدد هدفك وحدد التحديات والمشاكل اللي بتواجهك وخطوات توصلك لهدفك في حدود امكانياتك واكتب كل ده في ورقه ولا تلقي بالا لاي أشخاص محبطين واصنع قرارك بنفسك واصنع هدفك بايدك وافكارك وصدقني هتوصل لكل اللي انت عاوزه بسهوله فقط ردد مع نفسك كلما ضاقت بك السبل فقل وردد انا استطيع انا قادر علي تحقيق حلمي والوصول لهدفي
تم النشر الخميس، ٢١ نوفمبر ٢٠٢٤
السلام عليكم ورحمه الله وبركاته. انا هقول لك حاجه ويعني اتمنى ان انت يعني ترد علي وتقول لي اذا كان دي حقيقيه وانت حاسسها ولا لا لانه دي ممكن تكون هي سبب كل الاذى. اه هل انت عندك مشكله ااا فان اهلك طول الوقت كانك مش موجود كانهم مش شايفينك مش حاسس انهم فخورين بيك مش حاسس انهم مهتمين بيك. النقطه دي انا شايفاها كثير قوي في كل الكلام اللي انت بتقوله ااا ممم حاسس انك مش متشاف ده ماثر عليك وعامل لك شكل من اشكال الاحباط اجتماعيا او من ناحيه الصحاب مش حاسس ان في حد باصص عليكوا مهتم وانك مميز لدرجه ان حد يقول ااا انا عايزه ابقى صاحب فلان او حد من اهلك يبقى دائما بيدور عليك وانت فين وبتعمل ايه اعتقد انك مفتقد الحته دي قوي قوي حتى في مساله التمثيل والاعلانات انت نفسك انك تبقى متشاف ممكن النقطه دي تكون من وانت صغير مفتقدها جدا. احتمال تكون انت الابن الاصغر يعني اصغر واحد او الوسطاني اوقات في عائلات الوسطاني بيبقى شبه مش متشاف ااا مش واخد الاهتمام الكافي او الصغير لانه مثلا صغير قوي قوي قوي وكل الاخوات التانيين اكبر منه بكثير فبرده ما بيبقاش واخد اهتمام قوي لو الاب والام سنهم كبير. فاقول لي لو النقطه دي موجوده عندك؟ لو هي موجوده زي ما انا استنتجتها هتبقى هي دي الحل ان شاء الله لو اشتغلت عليه تقدر تطلع من الازمه اللي انت فيها باذن الله.
تم النشر الخميس، ١٤ نوفمبر ٢٠٢٤
أخي العزيز، أشعر بمعاناتك وأتفهم ما تمر به من ضغوط وتحديات، فمواجهة مشاعر الحزن والاكتئاب يمكن أن تكون تجربة شديدة الصعوبة، خاصة عندما تتعدد الأسباب وتزداد الضغوط. من المهم أن تتعرف على أنك لست وحدك في هذه المعاناة، فقد مر العديد من الأشخاص بتجارب مشابهة. وفي مثل هذه الحالات، من الضروري أن نجعل اهتمامنا بالصحة النفسية في المقدمة، حيث أن التحدث مع متخصص في الصحة النفسية يمكن أن يساعدك بشكل كبير. فهو سيمكنك من فهم مشاعرك بشكل أعمق وتقديم استراتيجيات عملية للتأقلم مع الوضع الذي تمر به. إليك بعض النصائح التي قد تساعدك: تواصل مع مختص نفسي : أخبر نفسك بأن طلب المساعدة هو علامة على القوة، وليس الضعف. وجود مختص نفسي بجانبك يمكن أن يسهل عليك الكثير ويمنحك أدوات لتجاوز المشاكل. تعبير عن المشاعر : حاول الكتابة عن مشاعرك، أو تحدث مع شخص موثوق به. التعبير عن مشاعرك يمكن أن يخفف من الضغط النفسي. التركيز على النشاطات الإيجابية : حاول تخصيص وقت لممارسة نشاطات تحبها أو اكتشاف هوايات جديدة، فهذا يمكن أن يمنحك شعوراً بالإنجاز والسعادة. تجنب العزلة : ابذل مجهودًا للتواصل مع الأصدقاء والعائلة، حتى لو كان ذلك عبر وسائل التواصل الاجتماعي. البقاء على اتصال قد يفيد حالتك النفسية. تنظيم الروتين اليومي : وضع جدول زمني لنشاطاتك اليومية قد يشعرك بمزيد من السيطرة على حياتك، وينظم أفكارك. كن لطيفًا مع نفسك : تذكّر أن التقدم يستغرق وقتًا وأن كل خطوة صغيرة نحو الشفاء تعتبر نجاحًا. من المهم أن تتذكر أن الأمور يمكن أن تتحسن وأنه يمكنك التغلب على هذه المرحلة الصعبة. وفقك الله وجعل لك مخرجًا قريبًا من همومك.
تم النشر الأربعاء، ١٣ نوفمبر ٢٠٢٤
لعرض السؤال في فدني اضغط هنا