انا افتقدت ابي 😭ابي كان كل حاجه لي يعني الطيبه والحنان ابي كان ونعم الاب مش ببالغ والله فعلا كان اب بمعني الكلمه ابي جوزني وفرح بيه وعملي اجمل فرح وكونت حزينه جده عشان بفارقه وهو كذالك بعد ما رحت علي بيت جوزي ابي😭 فضل يعيط بجد كان كل ما يطلب حاجه بينادي باسمي في البيت وابي جاني في بيت جوزي وحضني حضن جامد اوي اوي وكان فرحان بيه اوي مرت الايام وعده ٤٠ يوم بزبط وفجاء جاني اتصال من اخي بيقلي ابوكي تعبان وعايزك تجي مع العلم ابي لم يتعب او يزور دكتور في حياته وكان بكامل صحته قلبي المني اوي ورحت ولقيت ابي 😭 مات مات ابي😭 فجاء خرج علي الشغل واكل عيشه وفجاء ابي 😭راح ولم يعد لقيت ناس كتير اوي اوي وانهيار وحاله ما بيعلم بيها غير ربنا بس والله العظيم انا معرفش اتمالك اعصابي اذي كان عندي كميت هدوء مش طبيعيه كل الاهل والناس كانو متوقعين رد مني غير كده بسبب حبه لي وحبي لأبي كانت علاقتنا بجد حلوه ده ابي الأمان والسند والقوه كان حنين جدا😭😭 وفجأه انا طلبت اشوف ابي بكل هدوء فعلا دخلت بفضل الله علي اني حافظه سورة يس وفضلت اقراها بصوت واضح وكل من حولي في حالة ذهول وانا بحضن وابوس في ابي وقبلت جبينه لأبي وعمي كان لي قريب جدا فضل يحضن فيه وقلي اخرجي كفايه كده وانا بكل هدوء خرجت وبره عياط وحاله صعبه كله كان في حاله من الصدمه وانا خرجت وبعد ١٠ دقيق بزبط وقعت واغمي عليه مشفتش حاجه تاني كله فضل يفوق فيا بكل الطرق لكن للأسف أخدت وقت طويل ولما فقت قلتلهم ابي فين فين ابي واول مره استوعبت انو مات ودخلت في حالت انهيار وعياط جامد اوي بس انا عرفه ان البكاء بيتعب الميت ومن حبي له فضلت ادعيله ومن فضل ربنا علي اني بصلي وعلاقتي بربنا حلوه وعارفه اني ده قضاء وقدر وفجاء بعد تاني يوم من موت ابي تعبت تعب جامد جوزي وأهلي ودوني لدكتور واكتشفت اني حامل بجد اهل زوجي فرحو جد وانا محستش بطعم الفرحه اي فرحه الي بحس بيه دي وابي لا يتعوض رحل ولم يعد ومن كتر ما بدعي لأبي ان ربنا يرحمه ودايما بقول يارب جازي ابي عنا خير الإحسان وهل جزاء الإحسان إلا الإحسان وأفضل بجد بدعي لأبي من أعماق أعماق قلبي😭 والله العظيم زي ما بقلك والله علي شهيد اني رايت ابي في رؤية ويالها من رؤية... رأيت ابي في مكان جميل جدا حوليه خضره من كل مكان ولابس لبس ابيض في ابيض ومبتسم ابتسامه عريضه وشاور علي بطني وقلي انتي حامل مبروك الحمل يابنتي قلتله ايه عرفك ضحك وقلي عرفت وانا فضلت اعيط في الحلم واقوله ابي لما رحت عن عالمني وتركتنا 😭😭😭 انا بقول لمين ابي احمد رحل وكان مفيش غير ابي الي اسمه احمد بين الأهل والله قلي هيجي احمد من جديد وتفضلي طول الوقت تقولي احمد احمد بصيتله وقلتله منتا مت شاور علي بطنى وقلي فيكي احمد ومشي وفضلت اجري وانده عليه ابي متسبنيش قلي ارجعي انا رايح الي مكاني قلت له هل مكانك ده احسن من عندينا قلي بكتير يا بنتي ارجعي وفضل يقول كده ورجعت وفقت من الحلم منشرحه الصدر وحاسه بسعاده بالغه علي اطمأنني علي ابي وكان في أبهى صوره لما اره في حياتي بهذا الشكل والجمال وكنت في أول شهر لي في الحمل وحكيت هذا الحلم لكل اهلي كلهم اطمانو علي مكانه ابي وعمي قلي لو كان بجد في ولد وهو احمد هذا الحلم صادق ومره الايام وتعمدت اني معرفش نوع الجنين وفي الشهر ٥. رايت لأبي حلم كان بيدني فلوس بكمايات كتيره اوي قلتله ده كله لمين قلي ليكي ودايما احلم اني ابي يحتضني واقبل يده ابي في المنام واكون مطمئنه جدا وبفوق والله العظيم وانا بحس احساس الحضن الي كان في الحلم المهم ومرت شهور الحمل وفعلا جه اجمل احمد في الكون وفضلت اعيط مش عشان اجاني ولد والله فضلت اعيط من صدق الحلم واني فعلا هسميه احمد علي اغلي اسم كان لي في الكون هو احمد بجد الاب ده نعمه كبيرها اوي ومرة سنين علي فقدان ابي وآلله ولحد هلحظه وانا كل ما فتكره افضل اعيط وبحس اني بفتقد حنان الاب وفتقد كلمه ابي رغم انه والله العظيم دايما بيجيني في المنام انا اكتر حد في اخواتي الي ابي يجيني في المنام ودايما بيدني حاجات كتير اوي والله وانا في حملي الثاني اول شهور الحمل حلمت اني ابي أهداني خاتم دهب وجبت بنوته ومره جاني قلي هوديلك حاجات في بيتك الجديد مع العلم اني ممعيش بيت جديد وفعلا عده شهر وزوجي من حيث لا ندري واشتري لينا بيت جديد ودايما كل ما أحلم بابي يأتي علي الخير صبا صبا بجد انه حبيت احكي لكم قصتي وحبيت أوجه كلمه لكل من يقراء هذا المنشور ان الاب اكبر نعمه في حياتنا ومبنكش وخدين بالنا بيها اوي وبنستصعب فكره الموت بنحس اانها بعيده اوي اوي اتمنا من كل حد له ابي علي قدي الحيآه يحاول علي قدر المستطاع علي بره ورضاه عليه واتمنا بجد انكم تدعو لأبي بالرحمه والمغفره بس بجد حبيت افضف لكم الي جوايه من نحيت ابي واسفه علي الاطاله
الله يرحم والدك ويسكنه الفردوس الاعلى من الجنة ، نحسبه على خير ولا نزكي على الله احدا يبدو كمان انك طيبة وروحك نقية ، ادام الله عليك فضله ونعمته مقدرة جدا كلامك ومتفهمة لمشاعرك وافتقادك لوالدك ، وحقيقي ان من اصعب التجارب في الدنيا هي تجارب الفقد خاصة لو حصلت فجأة .. ولكن هي دي الدنيا ، لا تخلو من الابتلاء ونسأل الله الصبر عليها والاحتساب .. ربنا يبارك لك في اولادك ويجعلهم ذرية صالحة طيبة بارة بك وبوالدهم نصيحة ، لا تحكي رؤياك الا للي تحسي انه بيحبك فقط وليس لكل العائلة او الاقارب ، وتصدقي لوالدك بصدقة جارية تنفعه في داره الان. الله يرحم والدك ويرحم اموات المسلمين اجمعين. ملحوظة اخيرة ، اذا حاسة ان تجربة الفقد لسه مأثرة على نفسيتك ، فالافضل اللجوء لاخصائي او معالج نفسي يساعدك على التعافي منها.
تم النشر السبت، ٣ أغسطس ٢٠٢٤
هذا يا جميلة لا نحزن عليه بل نحزن على أنفسنا، هي أيام معدودات ونرحل. لكن هل تعرفي كيف تنيري لوالدك قبره وتؤنسيه؟ بالدعاء. أكثري من الدعاء له واعلمي أنك امتداد لعمله في الدنيا وكل عملك الصالح في ميزان حسناته بإذن الله. وصبري نفسك بمن هم أشد منك بلاءً، وهم أولئك الذين يذوقون أمر الويلات من آبائهم ويشعرون بمرارة اليتم وآباءهم على قيد الحياة. رحم الله والدك وموتانا وموتى المسلمين، ورحمنا إذا ما صرنا إلى ما صاروا إليه.
تم النشر السبت، ٣ أغسطس ٢٠٢٤
السلام عليكم ورحمه الله وبركاته. مش قادره اقول لك يعني ربنا يرحم باباك لانه عايش جواكي وعايش معاكي واعيش معاكي كل التفاصيل. باباكي موجود. مسابكيش وهو بس في مكان اعلى وباصص عليك من فوق هو. كانكم في بيت واحد وهو في الدور اللي فوقيكي بيكلمك من البلكونه اللي فوق. يا رب دايما كده تفضلي مستشعره وجوده. والانسان اثر وواضح انه والدك اثر وطيب في كل المحيط اللي حواليكي في العيله وفي الشغل وفي كل حاجه و ده الارث الحقيقي يعني زي دي الحاجه اللي ورثتيها منه بشكل حقيقي تخليك فخوره طول الوقت ومبسوطه طول الوقت وما تحزنيش ما تزعليش خالص ما تزعليش انه جسده بس ما بقاش موجود لان هو موجود بكل حاجه موجود بافكاره موجود بتربيته الصالحه ليكي موجود كل الحاجات الحلوه اللي زرعها. وانت عايشه في الخير بتاعها وموجوده بكل البشريات الحلوه اللي بتجيلك في الرؤى ربنا يديمها عليك وما يقطعهاش عنك ابدا. الاب طبعا نعمه واهالينا كلهم نعمه ما تتعوضش. استشاري دائما النعمه استشعري وجودها واستشعري فقدانها وكلها منع وعطاء من الله عز وجل والحمد لله في المنع وفي العطاء الحمد لله في السراء والضراء وربنا يزيدك ايمان ويطبطب على قلبي من كل البشريات الحلوه اللي بتجيلك من والدك يا رب. ويا رب دائما انت تكوني ذريه صالحه ليه تدعي له وتكملي كل الاخلاق الحسنه من وراه واتعلمي كمان ولادك نفس الحاجات اللي هو اعلمها لك عشان يكونوا هم كمان تكمله في سيرته الطيبه وباذن الله.
تم النشر السبت، ٣ أغسطس ٢٠٢٤
حبيبتي، أنا آسفة إنك بتمرّي بكل الألم ده. فقدان الأب بيكون فعلاً من أصعب التجارب في الحياة، وخصوصًا لو كان شخص مميز زي أبوك. واضح إنه كان ليكِ السند والأمان، وكل ذكرياتكِ معاه مليانة حب وحنان. أنا بقدّر قد إيه الكلام عن أبوك يعني لك، وفهمت قد إيه مواقفك معاه كانت قوية ومؤثرة. والدعاء له هو فعل جميل، وكونك حسيتِ برحمته في أحلامك ده شيء يطمن القلب. حاولي تعيشي اللحظات الجميلة اللي عشتوها معاه، واحتفظي بذكراه، لأنه في قلوبنا بيبقى العيش في ذكرياتنا الجميلة. ولأن حبك وأفكارك عن الأب دائماً ترافقك، حاولي تربي ابنك بنفس الحب والحنان اللي كان أبوك يمنحك إياه. وما تخجليش من مشاعرك، البكاء شيء طبيعي وفيه شفاء. عيشي ألمك بس دوري على طرق تعززي بها نفسك وتسمحي لنفسك بالأسف والفرح في ذات الوقت. مافيش أسرع من الزمن في الشفاء، بس إنتي قاعدة في قلب الذكريات. إذا احتجتي تتكلمي أو تحكي، أنا هنا ليكي دايمًا.💖
تم النشر الجمعة، ٢ أغسطس ٢٠٢٤
ربنا يرحمه ويغفر له ويصبرك على فراقه ويربط على قلبك يا رب... تعيشي وتفتكري 💚 💚
تم النشر السبت، ٣ أغسطس ٢٠٢٤
لعرض السؤال في فدني اضغط هنا