انا عندي افكار كتير ودماغي مكركبه محشيه كده افكار ومش بتقف ومش بعرف اوقفها ، بفتكر مواقف كتير حصلت في الماضي ممكن ابقي ماشي في الشارع افتكر موقف من فتره كبيره حصل وساب اثر سلبي فيا او حتي لو كان وحش وممكن افنكر حاجه اضحك كده تلفائي وممكن العكس احزن و ترومات بقي كتير لأن حياتي كانت عباره عن ترومات من اقرب الناس ليا امى وابويا وقرايبي كل دول اتدمرت بسببهم ولجأت بسببهم لإدمان الأفلام الاباحيه والاستمناء وبحاول ابطل بس مش عارف ، انا محتاج بس دماغي تبطل تفكير عشان اركز في حياتي ومذاكرتي انا عندي اهداف وطموحات كتير مش عارف احققها ولا انظم وقتي انا امتحاناتي قربيت ومبذاكرش وفي شيتات لازم تتسلم مكسل عنها مش عارف اعيش حياه صحيه ساعدونى
بص ي حبيبي انا فاهم كلام ومقدره وبغض النظر عن الظروف اللى بتتعايش معاها من أسرتك ..بس فى الاول والاخر هما اكتر ناس هيحبوك ...بس طبعا انا معرفش اى داير بينكم فهقولك تقرب من ربنا وتشكيله همك واتكلم معاه وانت بتصلى كأنك بتفضفض مع حد بتحبه ...ربنا لما يلاقيك مكسور هيقويك ومش هيسيبك بقولك كدا علشان فى يوم من الايام كنت انا زيك..خليك مع ربنا هو سر كل حاجه وكمان لو بتحب تسمع بودكاست انا بسجل وعندى حلقتين منهم ممكن يفيدوك حلقة عن الرضا وحلقة عن التسامح على Spotify او Google podcast أتمنى تسمعهم وهيفيدوك جدا بودكاست ونس ل Mr Sayed Ibrahim Ahmed
تم النشر الأربعاء، ٨ مايو ٢٠٢٤
كتير وكركبه محتاجين نعرف مصدرها الاساسي ايه الكركبه دي محتوياتها ايه حاجات في الماضي ندبانين عليها ولا حاجات في الماضي عندنا اسئله فيها ومش عارفين نحط اجابات فمش عارفين نقفلها. ولا حاجات خاصه بالمستقبل خوف من المستقبل او قلق بخصوص المستقبل التفاصيل دي هي اللي هتفرق لازم نعرف الكركبه دي شكلها ايه محتوياتها ايه عشان نقدر نعرف نرتبها الترتيب الصح لو هي كركبه حاجات قديمه فهنبقى عارفين ان احتمال واحنا بنرتبها هنرمي اغلبها طب ولما نرمي احنا عارفينها نرمي فين ولا مش عارفين طيب في حاجات بتبقى قديمه وقبل للتصليح ونقدر نصلحها ونظبطها ويكون لها لسه مكان عندنا. طب لو في حاجات ولا عايزين نرميها ولا عايزين نصلح فيها نبقى عارفين ازاي نقدر نحفظها اللي هو صندوق ونقفله ونركنه خالص ما يبقاش عامل لنا كركبه ما يبقاش عمل لنا دوشه انت قلت تفاصيل كتير وقلت حاجات كده كلها يعني بالمختصر. كل الاب والداون اللي بيحصل معك سببه كركبه والدوشه اللي انت فعلا وصفتها بالوصفه اللي ممكن يكون هو ضاق شيء في عندك كركبه ودوشه طيب متمسك بيهم ليه هل مش عارف انت لوحدك تخلص منهم لو مش عارف تخلص منهم لوحدك فانت محتاج مساعده حد يقعد معك بس يرتب معك الكركبه تمام طب لا انت عارف الكركبه عامله ازاي وانت تقدر ترتبهم لوحدك ممكن تكون فاكر انك ما تقدرش ترتبهم او ممكن تكون فاكر ان دي حاجات ما ينفعش تتخلص منها وترميها او مش عارف ازاي تلمها في صندوق وتقفل عليه فلو مش عارف تعمل الحاجات دي لوحدك ممكن تقولهم حاجه حاجه واحنا نساعدك تراتبهم ازاي؟
تم النشر الأربعاء، ٨ مايو ٢٠٢٤
بالنسبة للافكار اللى مش بتسيطر عليها اولا حاول تراقب افكارك و تعرف انت ليه فكرت فىالموقف او الفكرة دى دلوقتى و حاول تغيرها او تشغل نفسك بحاجة تانى و اذا معرفتش ففتكر دايما ان مع كل حاجة وحشة بتحصلنا فيه جانب ايجابى فى الموضوع و احنا اللى بنقرر نشوف اى جانب فدايما حاول تطلع اى جانب حلو او حتى درس اتعلمته من المواقف دى و افتكر ان محدشيقدريدمر حياتك الا لو انت سمحتله بدا فمتسمحش لاى حد انه يدمركاما بالنسبة للافلام و اى عادة غلط انت ممكن تشوف فيديوهات على النت فى مثلا قناة وعى حلوة و هتساعدك و لو عايزتعيش حياة صحية لازم تتعب شوية دلوقتى و تشتغل على نفسك اكتر يعنى حاول تكتب ايه اهم العادات اللى لو بطلتها هتفرق معاك و العادات اللى لو عملتها برضه هتفرق معاك و شوف هتبدأ فى ايه و هتلاقى ادوات كتير تساعدك و ناس كتير يساعدوك فى الحاجات دى حدد اولوياتك و اتبعها و ان شاء اللهحياتك تتغير بإذن الله و خلى اولى اولوياتك انك تتقرب من ربنا صدقنى هيفرق بشكل مش طبيعى انت بس حاول تقرب منه و حياتك لوحدها هتتغير و زى ما قال ربنا ان احنا علينا السعى فاسعى لتغير نفسك و متيأسش و اتمنالك حياة طيبة اخى الكريم
تم النشر الأربعاء، ٨ مايو ٢٠٢٤
تابعي عند مختص نفسي
تم النشر الثلاثاء، ٧ مايو ٢٠٢٤
ان شاء الله تكون تجربه موفقه وهتفرق مع حضرتك كتير ، في فريق معالجين هنا في التطبيق ممكن تختار منهم الأقرب ليك أو لو حد مناسب وبعيد ممكن اونلاين أو تشوف في محيط سكنك وتعمل مقارنه وحط فيها اهم حاجه السعر والكفاءة ودي غالبا هتعرفها من الفيد باك بتاع المعالج علي صفحته أو ريڤيوهات الناس عنه وإن شاء الله تلاقي حد مناسب
تم النشر الأربعاء، ٨ مايو ٢٠٢٤
لا خالص دا مش حقيقي الجلسات العلاجيه من أهم أسسها السريه مفيش اي معلومه جوه الجلسه بتتقال بنوصلها للاهل ، التواصل معاهم بيكون شكل من أشكال الطمأنه أو الإرشاد ( بتسمع المشكله من وجهه نظرهم ونوجههم ازاي يتعاملوا في المواقف المعطله ) ومش بيحضروا الجلسه حتي لو مرافق معاك بينتظر في الخارج
تم النشر الأربعاء، ٨ مايو ٢٠٢٤
الأفكار دي محتاجه تقيم وتشخيص من متخصص ، هيقدر يساعد حضرتك تفهم نوعيه الأفكار هي هل افكار تلقاىيه ولا افكار ملحه ، هيساعد حضرتك تدرب علي تغير افكارك ومعتقداتك وكمان تكنيكات وقف الأفكار ، بالنسبه للاباحيه والعاده السريه المعالج هيساعدك تفهم هل وراها احتياج جسدي ولا طريقه لتفريع الضغط بسبب عدم قدرتنا علي وقف الأفكار ووقتها بتكون اشبه بسلوكيات إيذاء الذات ، تواصل مع معالج نفسي هو اكتر حد ممكن يساعدك بموضوعيه ويفضل طبعا رجل عشان يكون في اريحيه وتحقق أقصي استفاده من الجلسات
تم النشر الأربعاء، ٨ مايو ٢٠٢٤
مشكلة الأفكار التي تملء دماغك , أنه يوجد قواعد في عقلك في الأصل قد وضعتها للبشر وتعاملهم على أساسها وفروض اذا فعلوا هذا فسأشعر بكذا وكذا , أنت لن تستطيع التحكم في تصرفات الناس ولكن ستتطيع التحكم في المعنى الذي تفسر به سلوكياتهم وتوقف الألم , والاباحية والاستمناء محاولة للقضاء على المشاعر الأليمة التي برأيك لا تحتمل . تابع مع معالج وإن كنت لا تريد , التزم بجماعة صحبة صالحة
تم النشر الأربعاء، ٨ مايو ٢٠٢٤
لا تجعل أحد يرقيك لكي لا تخرج من دائرة ال ٧٠ الف الذين يدخلون الجنة من دون حساب ولا سابقة عذاب إن شاء الله والله اعلم
تم النشر الثلاثاء، ٧ مايو ٢٠٢٤
السلام عليكم ورحمة الله وبركاته هقولك شوية حلول وإن شاء الله ربنا يشفيك/ي لاني بمر بنفس اللي انت/ي فيه ....... اولا ..( الدعاء والاذكار ) .. لأنها بفضل الله بتبعد الوساوس .. ثانياً..( التجاهل ، التجاهل ، التجاهل ).. وحُط/ي تحتها مليون خط _______ .. ثالثاً..(اشغل/ي نفسك بأي شيئ مفيد )..مثل , قراءة القرآن الكريم ، التسبيح ، التهليل ، ممارسة هواياتك المفضلة ، التَنَزُه في رحلة أو التجول في أماكن طبيعية أو أماكن جميلة هادئة ، الجلوس مع الأصدقاء .. رابعاً..(اذهب/ي إلي اليوتيوب ).. ابحثي عن علاج التفكير الزائد أو ال over thinking .. خامساً واظن وأخيراً..(اذهب/ي إذا لم تتحسن حالتك/ي إلي طبيب نفسي والافضل الذهاب إلي شيخ القراء عليم/ي الرقية الشرعية أو اقرأ/ي انت الرقية علي نفسك لكي لا تخرج من دائ ال٧٠ الف الذين يدخلون الجنة من دون حساب ولا سابقة عذاب إن شاء الله ربنا يجعلنا منهم وطريقة الرقية الشرعية سهلة ممكن تعرف/بها من علي الإنترنت بسهولة و..واتمني أن لا اكون طولت عليكم واتمني لك/ي الشفاء العاجل يارب وان تتق/الله في نفسك وان تتوقف/ي عن العادة السرية لكثرة أضرارها في الدنيا والآخرة ، واسأل الله العظيم الشفاء العاجل ولا تنسا اخي في الله أو اختي في الله الدعاء لي بالشفاء العاجل من كل مكروه وسوء ومرض ولن انساكم من دعائي اخوتي والسلام عليكم ورحمة الله وبركاته .
تم النشر الثلاثاء، ٧ مايو ٢٠٢٤
ياريت حد يساعدني
تم النشر الثلاثاء، ٧ مايو ٢٠٢٤
انا عندي نفس المشكلة حالياا ومش عارف افرح حتى كل اما افرح دماغي تفكرني بحاجة تجبلي اكتاب ليومين قدام قول ي الحاجة الي جابت نتيجة معاك ي بعد اذنك
تم النشر الاثنين، ١ يوليو ٢٠٢٤
تمام ميرسي جداً
تم النشر الخميس، ٩ مايو ٢٠٢٤
تمام هتوكل علي الله واروح لثيرابيست بس الجلسات سعرها عالي في اماكن بتقدم جلسات بأسعار مخفضه؟ عشان ظروف شغلي والماديات معايا مش مظبطه
تم النشر الأربعاء، ٨ مايو ٢٠٢٤
انا كنت مقرر اني اروح لمعالج بس خايف من الخطوه دي خايف يجيب اهلي ويحكيلهم اللي هقوله لأن سمعت انك بتاخد حد من اهلك معاك ف قلقان
تم النشر الأربعاء، ٨ مايو ٢٠٢٤
لعرض السؤال في فدني اضغط هنا