السلام عليكم
مش عارفه ابتدي منين
كل حاجه وحشه بتحصل جوا الانسان بتبقى من الطفوله دايما اول كل حاجه بتبقى معلمه جوا الانسان وانا دا تعبي النفسي
الطفوله عباره عن ضرب واهانه وزول ومرمطه وشقا الخ شفت ايام كل يوم بتاثر عليا كنت فاكره اني هنسى بس لما كبرت كل حاجه بتتثبت اكتر حتى اول حب ف حياتي كان سبب في تعبي بعد 5سنين حب اهلي بعدوني عنه عشان كان احسن منهم وهو ساعدهم في دا ولما حاولت احب بعده واخيرا حبيت وعرفت اعمل موڨ اون واقيت انسان حنين بجد قالي انا ماحبتكيش... انا لقيتك بتبتدي بتحبني قلت اجرب بس انا معرفتش احبك
اهلي.. هما السبب الرئيسي فكل حاجه وحشه متشوفتش حاجه كويس منهم لما بشوف ام اي بنت بتسمعها وبتقعد تتكلم معاها زي صحبتها ببقى بتحسر على امي اللي بتعاملي اني ماليش رأي وماليش كلمه وان كلمتها هي اللي تمشي وهي اللي صح حتى لو غلط بس ف الاخر تقولي انتي مين اصلا انتي ملكيش كلمه اللي انا أقرره هو اللي هايمشي انتي مالكيش راي
ابويا.. لازم اي اب يبقا حنين على بنتو عشان ماتحتجش للغريب وماتدورش على حد يحضنها برا ويحسسها بالامان انا بقا ابويا عمل كدا فخلاني اشوف الامان برا
واشوف حد يطبطب عليا ويقولي معلش لاني مش لاقيه اللي يعمل كدا وفي الاخر طلعو كلهم زي بعض مفيش حد حنين
ماليش صحاب ماليش بيست معرفتش اعمل صاحبه واحده لاني مش عارفه اثق ف حد
الشغل بقا تعب جدا بس لازم اكمل فيه عشان انا اللي شايله نفسي فمستحمله قرف وزعيق وصوت عالي مدمرني حتى في الشغل في صوت عالي مبقتش عاوزه حاجه ولا اكمل في حاجه كل اللي عاوزه اخد المنوم وأنام
وف الاخر لا طولت اللي حبيته وحبني وخطب وعاش ولا طولت اللي حبيته وهو ماحبنيش وكان لازم احترم مشاعره وابعد ولا عاوزه اهلي لانهم تعبوني نفسيا حتى اني نفسي اكمل تعليمي زي صحابي بس انا نزلت الشغل عشان ابويا قالي مش هجهزك عشان مصاريف البيت واخواتك انتي الكبيره جهزي نفسك وشيلي نفسك وعاوزه تكملي تعليم بعد الدبلوم مع نفسك كنت جايبه 88٪ جالي الالسن اللي كان نفسي فيها وماقدرتش ادخلها دا غير اني باذي نفسي وصحتي بحاجات كتير وحشه زي الشيشه والڤيب والسجاير بحاول اطلع النفس اللي جوايا بحاجه مرتاحها معاها وبحبها فعلا برتاح معاها
محتاجه اروح لدكتور نفسي
وعليكم السلام ورحمه الله وبركاته. اد ايه انا مقدره انه في حاجات كتير اوي اوي مزعلاكي ومضايقاكي. وخليني اقول لك انه دي بتبقى من اكثر الحاجات اللي انت تقدري اما تخليها دافع لك في انك تحسني من حياتك وتخليها بالشكل اللي انت حباه او انك هتستسلمي ليها وهتكون دي سبب لاستمرار الحزن انت حابه انك تخليها دافع لايه ده هيرجع لك انت ده هيفرق جدا جدا معك انت اختيارك هيفرق عشان كده احنا عندنا نعمه الاختيار احنا نقدر نختار نقدر نختار انه دي بتكون ادوات في ايدينا احنا نقدر نطوعها ونخليها تؤدي الغرض اللي احنا عايزينه. فاتمنى ان انت تبصي كويس قوي من المنظور ده وتشوفي انك ممكن تحسني حياتك بسبب الظروف السيئه اللي وجعتك بدل ما تكوني بتساعديها في انه تفضل هي السبب في الحزن. انت حاليا عندك دخل، للاسف بتوجهي الدخل ده وجزء من الدخل ده في انك تاذي نفسك وصحتك زي الشيشه والفيب والسجاير الفلوس اللي انت بتحطيها دي كلها ليه ما تحطيهاش انك تدفعي جلسات مع أخصائي او مع طبيب نفسي يبدا يشتغل معاكي على كل الحاجات القديمه اللي مأثرة عليك اللي انت مش عارفه تنسيها ان انت مش عارفه تتخطيها انت مش عارفه تاخديها وتوجهيها علشان تكون سبب في انك تحسني من حياتك. لو قررتي القرار ده اعتقد دي حاجه هتفرق كثير قوي في اللي جاي.
تم النشر الأحد، ٩ فبراير ٢٠٢٥
وعليكم السلام و رحمة الله كلنا عندنا مشاكل متفاوتة في الصعوبة من الطفولة و للأسف المشاكل مبتخلصش و هتفضل معانا لحد اخر يوم في حياتنا وده عشان احنا في دار اختبار. بلنسبة للأهل فمحدش بيختار اهله احنا بنيجي و بناخد نصيبنا و الخير فيما كتبه الله،اهلك ممكن عيوبهم كتير و مبتخلصش بس اهلك ولازم تستحمليهم و تكوني بارة بيهم،ممكن ابوكي ظروفه وحشة و مش هيقدر يدخلك كلية السن وحتى لو مش ده السبب اديله الف سبب لأنه ابوكي ،انا ابويا مش موجود خالص وعمره مصرف على دراستي او اكلي و الحمد لله على كل حال اما امك الست كتر خيرها ربتك و كبرتك و بلنسبالها انتي لسة طفلة لحد دلوقت حتى لو وصلتي ٥٠ سنة ،لما تعارضك في حاجة قوليلها حاضر و متكلميهاش لو زعقت في مرة متركزيش الكلمة مش هتنقص منك حاجة او هتلزق فيكي و بلنسبة للحب و كلام الشباب فهو حرام مهما كانت صورته ،لازم تتمسكي بعفتك و متكلميش حد و مترخصيش نفسك لأي كلمة حلوة من شاب شكله حلو خليكي غالية محدش يوصللك غير اللي يتقدم و يدخل البيت من بابه مع حد من اهله عشان يبقى الكلام كلام كبار مش لعب عيال و برضك صدقيني مفيش اي حب صادق او حقيقي بعد سنة٦ ابتدائي كلها عبارة عن شهوة و اعجاب و حب يعني مقرف و اخرته دايمآ سيئة و عمر محد للأسف مهيديكي حنان زي ابوكي او امك او يعوضك عنه حتى الفيب الحمد لله سهل انك تبطليه لو كسرتي الفيب و دي خطوة شجاعة و كبيرة تجاه طاعة الله و اللي بيخطو خطوة في سبيل الله بيخطو الله نحوه الف خطوة و ربنا يعينك و يوفقك ان شاء الله
تم النشر الأحد، ٩ فبراير ٢٠٢٥
السلام عليكم، متفهمة جدًا مشاعرك وتجاربك الصعبة ومش بقلل أبدًا من معاناتك لكن لو فضلتِ تاركة الماضي مأثر عليكِ وفضلتِ تدوري في نفس الدائرة وتفكري في قد إيه تعرضتِ لظلم وحياة صعبة وقد إيه أهلك عملوا فيكِ مش هتقدري تتقدمي في حياتك. عارفة الوضع صعب لكن مش لوحدك اللي بتمري بابتلاءات صعبة ولو خرجتِ من دائرتك وبصيتِ حولك أو في العالم ككل هتلاقي ناس عندها ابتلاءات أكبر منك بمراحل. هل الحل إنك تفضلي تتألمي وتتحسري على وضعك؟ مفيش حد بيختار أهله وأحيانا الابتلاء ممكن يكون في إن الإنسان يولد وسط أسرة صعبة وبتؤذيه سواء عمدًا أو دون ما يشعروا لأنهم تربوا بطريقة خطأ. ابتلاءك مع أهلك ممكن جدًا يكون طريق يرفعك عند ربنا ويدخلك الجنة لو قدرتِ تتعاملي مع الابتلاء ده بحكمة زي إنك تبريهم وتتحملي وتسألي ربنا يهديهم لك ومفيش حاجة كبيرة على ربنا ولو استمر آذاهم فأكيد ربنا هيجعل لك مخرج أو يجعل صبرك على الأذى طريقك للجنة. ** اقفي مع نفسك واكسري الدائرة اللي انتِ فيها وبطلي تدوري على مبررات لاستمرارك في حياة مش مناسبة أو إنك تلجأي لتصرفات غلط عشان تهربي من واقعك زي إنك تدوري على العاطفة في علاقات حرام أو إنك تشربي سجائر وغيرها. ** ممكن تسمعي الفيديو ده مناسب جدًا لمشكلتك وهيساعدك إن شاء الله تخرجي من دائرة الضحية لدائرة الإنسان الناجح اللي قادر يحول ابتلاءه لنجاح وقوة. https://www.youtube.com/watch?v=8xO-FS0IJKs&t=876s&ab_channel=dr_AsmaaElkady وافتكري إن ربنا قال (لا يُكلف الله نفسًا إلا وسعها) يعني مهما كان ابتلاءك والوضع اللي انتِ فيه صعب فربنا عارف إنك قوية وقادرة تتجاوزيه بنجاح إن شاء الله. ربنا يهدي لك أسرتك ويوفقك في حياتك. تحياتي
تم النشر الأحد، ٩ فبراير ٢٠٢٥
السلام عليكم ورحمة الله وبركاته، أختي العزيزة، أقدر تمامًا مشاعرك ومعاناتك التي تمرين بها. من الواضح أن لديك الكثير من الأعباء النفسية التي تؤثر عليك بعمق، وأن التجارب التي مررت بها في طفولتك قد تركت أثرًا كبيرًا في شخصيتك وحياتك. من المهم في هذه الحالة أن تعطي لنفسك فرصة للتعبير عن مشاعرك والعمل على شفائك. زيارة طبيب نفسي ستكون خطوة جيدة، حيث يمكنه مساعدتك على فهم مشاعرك بشكل أفضل وتقديم الاستراتيجيات اللازمة للتعامل مع الصعوبات التي تواجهينها. أيضًا، قد تجدين أنه من المفيد البحث عن الدعم الاجتماعي، مثل الانضمام إلى مجموعات دعم أو العثور على صديقة موثوقة يمكنك الثقة بها. تواصلك مع الآخرين يمكن أن يساعدك أيضًا في تخفيف الشعور بالعزلة. لا تنسي أن تعتني بنفسك، سواء من خلال ممارسة الهوايات التي تحبينها أو محاولة التعلم أو إكمال تعليمك، كما كنت ترغبين. أذكرك أيضًا بأهمية الصلاة والدعاء في معالجة آلامنا النفسية، فهي سبيلاً للحصول على السكينة. تذكري أنك لست وحدك في هذا الطريق، وهناك دائمًا أمل في التغيير والتحسن. تابعي رحلتك نحو الشفاء والتطوير الذاتي ولا تترددي في البحث عن المساعدة المهنية التي تحتاجينها. أسأل الله أن يخفف عنك وييسر لك كل خير.
تم النشر الأحد، ٩ فبراير ٢٠٢٥
قال لي أحدهم يوما أن ما وقع لك من الغير في صغرك ليس مسؤوليتك .. ولكن تعافيك مما حدث مسؤوليتك وحدك. قد تظلين طوال عمرك ترددين هم السبب هم السبب هم السبب .. ولكن لن يتغير شيء ستظلين تعانين إلى الأبد. الحل إذا في أن تبدأي في تحمل مسؤولية ذاتك والتعافي مما وقع عليك من أذى، ابني حياتك تعلمي اعملي اذهبي إلى طبيب افعلي أي شيء المهم أن تتوقفي عن عيش دور الضحية أكثر من هذا انزعي عنك هذا الثوب وابحثي لنفسك عن ثوب آخر أكثر جمالا وراحة لك .. عفا الله عن قلبك ورزقك راحة البال
تم النشر الاثنين، ١٠ فبراير ٢٠٢٥
بجدد فخورة بيكي انك بتحاولي شابو ليكي كملي وعالجي نفسك روح لدكتور الافضل نعالج انفسنا ونحب نفسنا علشان نقدر نغيرها.
تم النشر الثلاثاء، ١١ فبراير ٢٠٢٥
عاوزه اقولك انك حد قوي جدا جدا كل اللي مريتي بيه ده بيعلمك وبيقوي شخصيتك بس حاولي تقربي من ربنا وتطلبي القوه منو لازم تتشافي عشان ترجعي كويسه روحي ل دكتور او اتفرجي ع اليوتيوب ع دكتوره سميه الناصر ومها الخمشي ومها عجاج هيساعدوكي كتير إنك تتشافي من كل اللي مريتي بيه وتتحرري من كل اللي حصلك في حياتك حرفيا هتحسي إنك اتولدتي من جديد ولو تقدري تروحي ل دكتور احمد هارون ممتاااااز والله وتابعي دكتوره هاله سمير ومصطفي حسني واسمعي كلامهم هترتاحي كتير اوي بجد ربنا يعفو عنك ويفرح قلبك الحلو ويجبر بخاطرك يارب 🫂🤍
تم النشر الاثنين، ١٠ فبراير ٢٠٢٥
انا حاسه بيكي وحاسه بوجعك لأني حرفياً مريت بكل اللي انتي مريتي بيه ده واصعب والله..
تم النشر الاثنين، ١٠ فبراير ٢٠٢٥
تم النشر الاثنين، ١٠ فبراير ٢٠٢٥
تم النشر الأحد، ٩ فبراير ٢٠٢٥
تم النشر الأحد، ٩ فبراير ٢٠٢٥
تم النشر الأحد، ٩ فبراير ٢٠٢٥
لعرض السؤال في فدني اضغط هنا