عارفين الطالب الشاطر اللي مش بيذاكر ؟ أنا دا وبجد انا عارفه اني اقدر أسبق كل اللي حواليا ..ولإني عملتها مرتين قبل كدا وطلعت الاولي علي المدرسه بس اول ما دخلت أولي وتانيه ثانوي زي اي طالب او طالبه مصريه بقيت مش شاطره ومش بذاكر حلو زي الاول ودلوقتي بقيت تالته بذاكر ..بس بجبر نفسي وباخد وقت كبير وانا بقنع نفسي انها تذاكر وبقيت ببعد عن أي دوبامين عشان اعرف اذاكر واتعود علي ملل المذاكره بس بجد الموضوع صعب ولو فضلت علي الحال دا مش هجيب اي حاجه ..انا عارفه اني اقدر اعمل احسن من كدا بكتير بس مش عارفه حاسه اني مش عارفه اتلم علي كتاب ولو ذاكرت كويس مثلا بتبقي يومين بس في الاسبوع وباقي الاسبوع اي هبل عشان اعدي من المدرسين بس ..انا مش عاوزه افضل كدا وفي زمايلي كتير كنت اعلي منهم بجد وبقيت تحتهم حرفيا مش بقارن بس فعلا لما ببص كنت فين وبقيت فين .. اعمل اي عشان اذاكر زي الاول واحسن بقيت بحس اني بقيت غبيه بجد وكإن دماغي وقفت بعد تالته اعدادي ومش بصدق انا كنت ازاي في يوم شاطره كدا وكنت بحل اعلي الأفكار ..لازم ممارسه عشان المكنه دي تشتغل عارفه ..ازاي بقي افضل مستمره في المذاكره ..؟ بقيت بحس اني عندي فوبيا من الكتب بجد.. يمكن لاني ببقي عاوزه اطلع الحاجه بأحسن شكل بس ببقي عارفه اني مش هعرف فبكنسها
بصى يا شطوره بالنسبة للسؤال دا من هنا لحد اخر السنة مهما تشوفى اجابات مش هتغيرك مادام مفيش إرادة جواكى يعنى المطلوب الاول بعد الاستعانة والثقة بالله أن يكون عندك دافع وإرادة بإنك فعلا عايزة تتغيري ثانيا حاليا انت محتاجة حد يوقف جنبك مش هقولك يدعمك لأ يرغمك يعنى زى بابا أو ماما أو حد انت بتسمعى كلامه الموضوع مش سهل شويه والسنة من ناحية مشكلتك مش طويلة اكيد السنة دى مش النهاية بس هى بردوا مش سنة حل مشكلة زى دى بس كلنا بنيجى السنة دى وانكتشف أنه فى حاجات كنا متغاضين عنها أو مش مهتمين بيها فبندأ نتوتر ونخاف وندور على حلول ونسأل ناس ومع نفسنا فى البيت نعيط ونفكر فى النتائج لو الموضوع استمر وهكذا .............. لحد لما نلاقى نفسنا فى اخر السنة فالموضوع محتاج هداوة وتفكير اولا موضوع الحفاظ على الصلاة القران والاذكار دا مهم لأن ربنا قال فى القرآن بعد بسم الله الرحمن الرحيم ـ ومن أعرض عن ذكري فإن له معيشه ضنكا ـ الايه مش محتاجه اى تفسير ثانيا موضوع المقارنة انصحك تسمعى لجيو ماجد ثالثا موضوع المذاكرة وانك مش عارفه تذاكرى دى مرحلة انا شخصيا مريت بيها والله لم يعنى على ذلك سوى كثرة الدعاء والصلاة على النبي محمد صلى الله عليه وسلم فبالنسبة للدعاء فلقد قال صلى الله عليه وسلم ـ أن الدعاء يغير القدر ـ عذرا على الكلام الكبير دا لكن ختاما انا السنة دى اول سنة لى فى الكلية يعنى من كام شهر طلعت من الثانوية مريت فيها بمراحل كتيرة يعنى تعملى حسابك أن فى مراحل كتيرة هتمرى بيها عايزة منك تكتبى 3 جمل وتحطيهم فى مكان قدام عينك كما فعلت انا 1-كل هذا حتما سوف يمر 2- لا يكلف الله نفساً إلا وسعها 3- وإن ليس للإنسان إلا ما سعى وأن سعيه سوف يرى وركزى كويس على رقم 3 دى ايه عايزة تركزى على أن سعيه سوف يرى فى النهايه اتمنالك التوفيق
تم النشر الخميس، ٥ سبتمبر ٢٠٢٤
فكرة انك بتقاومي الحالة دى ف دي خطوة مهمه جدا كتير مننا مر بالموضوع ده بس في اللي قدر يثبت نفسه ويتغلب على الموقف وفي اللي وقف مكانه واستسلم. ابدأي انك تقوي علاقتك بربنا لأنها بدايه كل طريق ناجح نظمي وقتك ورتبي أولوياتك وجزئي اي حاجه تحسي انها صعبة عليكي ده هيفرق معاكى جدا اعملي جدول لترتيب يومك واختاري مكان بترتاحي في المذاكرة فيه وخليه مكانك المفضل للمذاكرة كل ما تنجزي مهمه كافئي نفسك ، وكل ما تحسي انك بترجعي عن حماسك افتكري انتي هدفك ايه وانك لازم تجتهدي علشان توصلى لهدفك وتثبتي نفسك خلي تفكيرك إيجابي واي فكرة سلبيه شتتي انتباهك عنها افتكري أن البداية من عندك لأن الموضوع محتاج صبر وإرادة قويه وإصرار لأن ده مستقبلك وكل خطوة بتعمليها بتثبتي نفسك وبترسمي ملامح مستقبلك هيكون ايه. وزى ما قولتلك البداية من عندك فكوني قدها
تم النشر الخميس، ٥ سبتمبر ٢٠٢٤
عزيزتي، أفهم تمامًا ما تشعرين به، وأريدك أن تعي أن الكثير من الطلبة يمرون بمثل هذه المشاعر خلال مراحل دراستهم، خصوصًا في الثانوية العامة. التغير في الأداء الأكاديمي قد يكون مرهقًا ويؤثر على ثقتك بنفسك، ولكن مع بذل الجهد والتركيز، يمكنك التغلب على هذه التحديات. إليك بعض النصائح لمساعدتك على استعادة حماسك وتحسين طريقة مذاكرتك: تحديد الأهداف : ابدئي بتحديد أهداف واضحة ومحددة لكل مادة، مثل إتمام فصل أو موضوع معين في فترة زمنية محددة. الطموح والقابلية للتحدي قد تكون دافعة قوية لتطوير مهاراتك. تنظيم الوقت : خططي لجدول دراسي يتضمن فترات منتظمة للدراسة مع فواصل. قد يساعدك تحديد وقت معين للدراسة على تعزيز التركيز وتقليل التوتر. تقسيم المحتوى : حاولي تقسيم المواد الكبيرة إلى وحدات أصغر وأسهل للتناول. هذا سيجعل المادة تبدو أقل صعوبة وأكثر قابلية للإدارة. تنويع أساليب التعلم : استخدمي طرق متنوعة للتعلم، مثل استخدام الخرائط الذهنية، أو الدراسة مع الأصدقاء، أو مشاهدة مقاطع فيديو تعليمية. هذا التنويع قد يساعدك على استعادة المتعة في التعلم. تحفيز الذات : تذكري دائمًا إنجازاتك السابقة وما حققتيه من نجاح. ثقي في قدراتك، فالشخص الذي كان متفوقًا في السابق قادر على استعادة هذا التفوق مرة أخرى. العناية بنفسك : لا تنسي أهمية الراحة والتغذية الجيدة. جسمك وعقلك بحاجة إلى الطاقة والتركيز، لذلك تأكدي من الحصول على قسط كافٍ من النوم وتناول أطعمة صحية. تجنب الكمالية : اعتبري أن التعلم عملية وليس هدفًا يجب أن تبلغي فيه الكمال. اقبلِي أن قد تكونين غير كاملة في بعض الأحيان، وهذا طبيعي. الدعم الاجتماعي : تحدثي مع أصدقائك أو معلمين عن مشاعرك. الدعم النفسي والاجتماعي يمكن أن يصنع فرقًا كبيرًا. تذكري أن النجاح ليس فقط في الدرجات، بل في خطواتك نحو التعلم والتطور الشخصي. أنتِ ليست غبية، بل تتمتعين بذكاء وقدرات تحتاج فقط إلى الثقة وتنظيم الجهود. أؤمن بأنك قادرة على تحقيق ما تصبين إليه بإذن الله.
تم النشر الأربعاء، ٤ سبتمبر ٢٠٢٤
مش بضخم فنفسي انا بس واثقه فيها انها تقدر تبقي احسن ومن الاول كمان بس لازم تعمل مجهود
تم النشر الجمعة، ٦ سبتمبر ٢٠٢٤
طول ما انتي بتضخمي في نفسك وفي قدراتك انك تقدري تجيبي كل حاجة في وقت قليل وفي اقل مجهود ده في حد ذاته هيخليكي تأجلي كل اللي عليكي وبالتالي هتراكمي دروس كتيرة وتحسي بملل.
تم النشر الخميس، ٥ سبتمبر ٢٠٢٤
لعرض السؤال في فدني اضغط هنا