السلام عليكم .انا بنت عندى ١٥ سنه والحمد لله لبست الخمار من سنه وقدرت اخلى لبسى كله فضفاض المشكله بقى أن كل ما حد اعرفه من قرايبنا أو معرفوش بيسغرب من سنة كلهم مفكرينى عندى ٢٠سنه أو اكتر وبيقولولى الخمار مكبرك واللباس الواسع لو لبستى طرحه تتناسب سنك اكتر وعيسى سنك بلاش الكبرى نفسك انتى لسه صغيره والكلام ده كله. وانا فعلا التدين اتعقد ومبقاش عندى ثقه ف نفسى خالص بقيت خايفه حتى اتعامل مع الناس وخايفه من رد فعلهم لما يعرفوا سنى وكمان لما بشوف صحابة إلى ف سنى عايشين حياتهم وحتى أهلى واخواتى وقرايبى كلهم للعلم انا عيلتى مش متدينه اوى انا بس الى حبيت فكره الخمار ويعتبر انا الوحيده إلى مؤتمر ف عيلتنا .ياريت حد يفيدني ويقول اعمل اى
هقول لك على نصيحه تستغربيهاش تعرفي تبتسمي طول الوقت. خلي الناس طول الوقت تشوفها على وشك ابتسامه جميله جدا جدا جدا خليهم يحسوا انه لبسك للخمار ده خلاك اكثر تفائلا خليكي اكثر ابتساما وخلاك طول الوقت بتبصي للناس وبتقولي كلام جميل مش هيشوفوا خالص ولا حاجه من اللي انت بتقوليها لكن لو انت تقمصتي الدور اللي هم بيقولوه وانك لبست الخمار فبقيتي وقوره فمعنى كده انك تبقي مكشره فمعنى كده انك تبقي ما بتشتريش حاجه حلوه مثلا وانت ماشيه ما تعمليش الحاجات دي خالص عيشي نفس التفاصيل سنك؟ واضحكي واتبسطي ولما تكوني في البيت وعايزه تتنططي اتنططي اعملي كل حاجه عادي جدا جدا جدا زودي ابتسام للناس هيشوفهم وشك بالخمار نور وبقيتي اجمل وهينزل خالص موضوع انه انت عندك كم سنه لا ده مكبرك ولو انت لسه لابسه الخمار جديد فممكن تكوني يعني ملتزمه بس بالالوان اللي هي الساده جدا او اللي كلها لون واحد نفس لون. نفسي لون الجلباب مثلا او الفستان لا يعني غيري في الالوان شويه والموضوع هيبدا يكون الطف ان شاء الله. ربنا يثبتك ويقدرك انك تقدري تتعاملي معه اراء الناس لانه دي بتبقى واحده من الاختبارات واحده من الامتحانات ما فيش حاجه بتبقى سهله اما الواحد بيلتزم الالتزام اكبر معضله فيه انك تتحملي المقاومات اللي هي هتبقى قصاد الالتزام بتاعك. الشيطان بس انت مش كده تغلبتي على مقاومتك لقصصه الشيطان انك بلاش تبقي ملتزمه لا لسه في مقاومات تانيه كتير وفي اغراءات في الدنيا وفي حاجات شكلها حلو فيه لبس هيبقى شكله حلو وما ينفعش تلبسيه عادي جدا كل الحاجات دي تكون قدامك وتتعاملي معاها باهم حاجه ابتسامه جميله واحساس فخر وسعاده بالتزامك ومش مهم اي حاجه ثانيه لا يوصل لهم حتى لو ما وصلش لسه عشان لسه الموضوع في الاول هيوصل لهم بس لسه قدام.
تم النشر الأحد، ٢٦ مايو ٢٠٢٤
متفهمة ده بس أفتكري أنك لابسة الخمار عشان ربنا يرضي عنك فمش لازم الناس تكون راضية أو عاجبها لبسك ومين قال أن الخمار واللباس الفضفاض للعواجيز لا اللبس الفضفاض للستر و العفة أنا مش فاهمة مين قال أن اللبس الواسع وحش وبيكبر وبتاع يعني هو التبرج هو اللي حلو سيبك من ده كله وكفاية بس أنك ترضي ربنا مش لازم ترضي رغباتهم وطبعا شكلك بالخمار مش هيبقي أحلي من شكلك وأنتي بشعرك وهو ده الغرض أصلا أنه يقلل جمالك وربنا يهدينا جميعا يارب
تم النشر الأربعاء، ٢٩ مايو ٢٠٢٤
تجاهل كلامهم عشان هم عاوزين بكسرو ثقتك في نفسك وعايزينك تمشي براحتك عشان متبقيش احسن منهم وانتى ماشاءالله عليكي في سنك دا واختارتي طاعة ربنا وسبتي شهوات الدنيا ربنا يثبتك وانا متأكدة انك حلوه فيه احسن مئة مره من البنطلونات وحاجات الغريبه إلى طالعه اليومين دول وبعدين دا اختيارك وحريتك انتى مش هم
تم النشر الاثنين، ٢٧ مايو ٢٠٢٤
اللهم بارك بجد ربنا يثبتك دى خطوه حلوه جدا وانك تاخديها من بدرى فا دى حاجه أجمل اوعى اوعى تمشي وراء حد بجد انتى كدا صح محدش هيجي يتحاسب مكانك انتى هاتبقي لوحدك وانتى بتتحاسبي عادي تعيشي سنك باللبس الفضفاض والخمار بجد متسمعيش لحد واثبتي عند رائيك متديش فرصه لحد يهز ثقتك في نفسك انا عارفه بجد انك مش هتسلمي من الكلام ومن القريب قبل الغريب لكن هل حد منهم هيتحاسب مكانك بجد فوتي واسمعي وطلعى من الناحيه التانيه ربنا يثبتك يارب
تم النشر الاثنين، ٢٧ مايو ٢٠٢٤
سيبك من الناس طالما انتى لبساه على اقناع خلاص ربنا أمرنا باستر وبالعكس دة الخمار بيجمل الى لبسه وتشوفيش نظرة الناس ليكى شوفى نظرة ربنا ليكى فى الاخر كل واحد بيتحاسب سعتها مفيش حد هاينفع التانى طالما لبساه وانتى حابه ومقتنعه خلاص كل واحد بيعيش سنة بالشكل إلى هو عايزة ربنا يثبتك
تم النشر الأحد، ٢٦ مايو ٢٠٢٤
أولاً يبدو أنك فتاة مسؤولة وصائمة، وقد اتخذتِ قرارًا جيدًا بارتداء الحجاب. الناس قد يكون لديهم آراء وتعليقات، لكن الأهم هو ما تشعرين به داخليًا. الأمر الأساسي هو أن تكوني مرتاحة ومرتبطة بثقافتك وعقيدتك. شخصيًا، أرى أنك تقدم تجربة مختلفة في عائلتك، وهذا شيء إيجابي. تذكيرك بعمرك هو أمر شائع، لكن يجب أن تعرفي أن الخمار هو عبادة وقرار شخصي، وليس فقط مسألة عمر. أنا أقول لك: استمري في ارتداء الحجاب بثقة، وحافظي على إيمانك. حاولي تجاهل تعليقات الناس السلبية واستمتعي بتقربك من الله. لا تدعي انتقاداتهم تؤثر على راحتك وثقتك بنفسك. فيما يتعلق بالتعامل مع الناس والأصدقاء، فأنصحك بأن تكوني صادقة معهم حول قرارك وتوجهك الديني. من المهم أيضًا أن تعرفي أن من يحبك ويحترمك سيدعمك في قراراتك. عليك أن تثقي بنفسك وتعيشي حياتك بالشكل الذي يجعلك تشعرين بالسعادة والرضا الداخلي.، انتِ شخص فريد وعلى الرغم من خلاف معتقدات العائلة، هذا لا يمنعك من اتخاذ خطواتك نحو الدين. اعتبري نفسك قوية واستمري في النمو والتطور الروحي.
تم النشر الأحد، ٢٦ مايو ٢٠٢٤
ميهمكيش حد يكفي ان ف سنك الصغير ده قدرتي تسلكي طريق جميل أغلبنا ف سن العشرينيات بنتمناه ولكن أدائه بيكون صعب لمجرد اننا اتعودنا ع نمط حياه معين خلاص و م قادىين نخرج منه بعد م كل الناس شافتنا بعد م كبرنا بهذا الشكل انتِ كدا وضحتي شخصيتك المستقبليه ومهدتيها لكل اللي حواليكِ انتِ هتبقى عاملة ازاي كمان كام سنه🤍🤍🤍 هتبقي فتاه مسلمه مثاليه جدا ولكن الأهم أن تتمسكي بالقيم والمبادئ الإسلاميه بدون تشدد وخصوصًا انه عذرًا يعني انك بتقولي العيلة م متدينه اوي فحاولي تحافظي على مبادئ سليمه جواكِ بدون م حد يأثر عليها الإسلام م خمار بس اقصد اقول يقولك دايمًا "الدينُ المعامله" يعني م ف اللبس والاحتشام بس ممكن تشوفي بنت محجبه ولكن ذات أخلاق سيئة والعكس صحيح حد تاني غير محجب ولكن أخلاقها كويسه. وآخر حاجه كلامك يبسط ف كملي وخلي عندك ثقه ف نفسك انتِ لسه مخسرتيها متخافيش فخليكِ متشبثه بيها وكملي ز م انتِ
تم النشر الاثنين، ٢٧ مايو ٢٠٢٤
أنا عارفه أن كلامهم صعب بس تجهلليا و دائماً تفتكري انتي لبسه الخمار الواسع انتي ملكه في السماء ربنا مبسوط منك لانك شابه نشأت في طاعه الله أي متدين بيحصلوا حاجات من اللي اللي حوليه رفضا الموضوع بس و انتي عايشه حياتك لتكوني ملكه بس في الأرض و انتي الان ملكه عند المحترمين مقصدش انو دول مش محترمين بس انتي فعلاً اجمل و انقي بالخضار و لا تخلعي و تمسكي بيه و الله يعينك بإذن الله و انتي كده مايشه أن شاء الله علي خطي امهات المسلمين
تم النشر الاثنين، ٢٧ مايو ٢٠٢٤
علي فكرة انتي صح جدا و دي حريتك محدش ليه الحق في انه يتدخل في لبسك طالما هو صح و انتي كمان حباه لأن محدش هينفعك و انا برضو كنت زيك في بداية حجابي الكل كان رافضه لأني كنت في رابعة إبتدائي بس انا اصريت عليه لأني حباه و لأن ده الصح و حاليا انا لابسة الخمار من سنة و محدش بقا يتدخل في لبسي لأنهم عارفين اني مش هتأثر بكلامهم و علي فكرة انا مش كبيرة انا اكبر منك بسنة واحدة فدي حريتك لأن دي حياتك و هما مع الوقت هيسكتو و ده عن تجربة
تم النشر الأحد، ٢٦ مايو ٢٠٢٤
لعرض السؤال في فدني اضغط هنا