انا المفروض السنه اللى جايه هقدم ف كلية تكنولوجيا ومعلومات بس انا حاسه انها هتكون صعبه عليا وحاسه ب ضغط من دلوقتي وعايزه ادخل كلية سياحه وفنادق لاني بحب التاريخ جدا بس اهلي مش موافقين علشان سياحه ملهاش مستقبل وقالولي لازم تكنولوجيا او بلاش اصلا مش عارف اعمل اي
لو تقصدي حاسبات ومعلومات فدي كلية برمجة ومشاريع وتسليم وهكذا .. دي طبيعة الدراسة فيها .. هي كلية علمية زي ما أنتي شايفة الجزء الإنساني فيها هو تعاملك مع زمايلك في المشاريع! شوفي أنت عقليتك علمية أم أدبية وهل حابة تشتغلي في مجال البرمجة ومجال تكنولوجيا المعلومات بعد التخرج أم لا.
تم النشر الأربعاء، ٢١ يونيو ٢٠٢٣
نصيحه عن تجربه اتعلمي زي ماانتي عايزه مش زي ما عايز اهلك عايزين علشان انتي اللي هتدفعي التمن بعدين مش هما انا اهلي غصبوا عليا وانا في سنك كدا ودخلت مجال انا مش حابه وفي الاخر فشلت فيه عشان مكنش اختياري من الاول اتمسكي بحلمك واوعي تستسلمي مهما كان التمن
تم النشر الأربعاء، ٢١ يونيو ٢٠٢٣
على حسب ما انتي عايزة ادخلي .. لانك في الاخر اللي هتدفعي التمن. واقنعي اهلك بكده، قولي لهم انا لو دخلتها وانا مش بحبها، او هتكون صعبة عليا انا ممكن منجحش فيها .. ف ليه اعمل كده؟ ومن دلوقتي حاولي تاخدي فكرة عن طبيعة المجالين كويس سواء بمقالات او فديوهات .. او تجارب اشخاص تانية. وكمان شوفي باقي المجالات متقفيش عند المجالين دول، يمكن تعجبك حاجات تانية واهلك يوافقوا عليها. وبالتوفيق.
تم النشر الأربعاء، ٢١ يونيو ٢٠٢٣
بصي هقولك حاجه بس مش شرط تعملي بيها لان كل إنسان عنده طاقه واعشان متضغطيش ع نفسك زياده.. ايه هى بقى اعملي الاتنين مجال التكنولوجيا حاليا مطلوب وحلو يكون عندك ادارك فيه فادحلي الكليه.. و ف اجازه الصيف دوري ع أماكن تعلمك عن التاريخ كورسات بقى كتب ورش عمل تشوف مثلا مرشدين او حاجه تتعلمي منهم او فديوهات حتى ع النت وتتفرج كتير ع صور كل حاجه بتقريها اوتتعلميها.. ولما تتخرجي شوفي حابه تشتغلي ف ايه فيهم دلوقتي ناس كتير بقيت بتشتغل حجات غير تخصصها بسبب الكورسات او التعليم الذاتي واصلا ممكن ف السنين دي تكتشفي حجات تانيه وتجربي حاجه تانيه تحبيها اكتر بإذن الله
تم النشر الأربعاء، ٢١ يونيو ٢٠٢٣
لو بتعرفي تتعاملي مع الكومبيوتر حلو والبرمجة والكلام دا ف تكنولوجيا افضلك ومستقبلها حلو لو لا فهميهم كدا وادخلي سياحة
تم النشر الأربعاء، ٢١ يونيو ٢٠٢٣
ادخلي اللي انتي عايزاه وبس علشان تقدري تنجحي فيه
تم النشر الأربعاء، ٢١ يونيو ٢٠٢٣
لعرض السؤال في فدني اضغط هنا