مش عارفه اتخطي حب تلات سنين مش عارفه اتاقلم مع عدم وجوده مش عارفه اشتغل من كتر التفكير فيه مش عارفه اعمل اي حاجه في حياتي من غيرو كان كل حاجه مكنش عندي صحاب ولا بكلم حد غيرو نفسيتي مدمره مش عارفه ارجع زي ماكنت 💔
محتاجه وقت صحبتى حبت واحد وبعدت عنه وكانت نفسيتها مدمره بعدها قربت من ربنا واشتغل وحاولت تنتظم ف الجيم وكنا ساعتها داخلين على الفاينل وضغط بس هى شغلت وقتها كله واشتغلت مفيش كام شهر نسيته خالص واتقدملها واحد احسن منه ف نظرها ساعتها هى فاقت وعرفت أنه عادى فيه زيه واحسن منه كمان وأنه كان فيه عيوب كتير اوى هى مش شيفاها من حبها فيه لأن مرايه الحب عمياء ف انت حاليا محتاجه وقت وف الوقت ده علشان يعدى بسرعه محتاجه تشغليه ب حاجات كتير زى مثلا إقرار كتب تسمى بودكاست العبى رياضه تشتغلى وغيرها كتير اوى واطلعى اتمشى ...هيجيلك فترات ف النص تقعى فيها وتفتكريه وتزعلى زى ما حصل مع صحبتى بس اوعى ترجعى تكلميه أو تبعتيله انتى غاليه وهو بتفتكريه كام يوم كده بس بعدها بترجعى تانى زى الفل ف اشتغلى واهتمى ب نفسك اوى عيشى حياتك واهم اهم اهم حاجه قوى علاقتك ب ربنا وقيمى الليل وقوى علاقتك ب اهلك لأنها اظن ف الغالب ضعيفه وهو فيه عيوب زى ما فيه مميزات اى حد أصله بنى آدم بس هو الوقت ووالله شويه وقت وهتبقى تمام وزى الفل بس علشان الوقت ده ميعديش عليكى صعب اوى اشغليه ب اللى قولتلك عليه شغل ورياضه وقرأه وبودكست وكده ولو مش بتحب القرأه فيه يوتيوبر بيلخصو كتب وفيه بيشرحوها زى دوباميكافين جامد اوى اسمعه واسمعى كتاب العادات الذريه هيفيدك واعاده التفكير بردو حلو وفيه كتب كتير اوى حلوه واعملى كل يوم حاجه جديده بسيطه تخلى اليوم مميز واكتبى وطلعى كل اللى جواكى ف الكتابه أو ف اى حاجه وان شاء الله فتره وهتعدى على خير متقلقيش انتى جميله وقمر وتستاهلى كل خير
تم النشر الأربعاء، ١٦ أغسطس ٢٠٢٣
ايه اللي ادي للانفصال؟ السبب مهم جدا علشان نبني عليه الشغل اللي محتاجه تعمليه مع نفسك علشان تتخطي بصورة كويسة .. ولكن لو هنتكلم بشكل عام .. اللي انتي فيه ده طبيعي لحد دلوقت، الموضوع في الاول محتاج وقت وهتمري بمراحل كتير في رحلتك للتخطي .. واولهم الانكار .. انك مش مصدقة اللي حصل ومش عايزة تصدقي. وتتوالي طبعا المراحل بعد كده الى ان توصلي لمرحلة التقبل ... طيب هتعملي ايه؟ تقبلي اللي حصل - تقبلي انكم خلاص سبتوا بعض، تقبلي ان ممكن جدا اي علاقة متكملش .. تقبلي حزنك، خدي وقتك في الحزن زي ما انتي عايزة .. المهم المرحلة ديه متاخدش وقت معاكي زيادة عن اللزوم، فرغي حزنك واكتبي كل يوم .. او كل ما تحسي انك متلغبطة، جواكي مشاعر مش عارفه تخرجيها. من اهم الحاجات انك تاكدي على نفسك اسباب الانفصال .. يعني ايه اللي ادي للانفصال من الشخص ده؟ اكيد في حاجات كتير حصلت؟ هل كان شخص مش كويس؟ هل كان خاين؟ هل اهلك رفضوه؟ هل كان بيتسلى؟ جمعي كل عيوبه واسباب انفصاله وحطيها قدامك .. هتكون دافع ليكي انك تطلعي قدام .. حاولي تفكري بالمنطق شوية في الموضوع .. قولي لنفسك هل ده الشخص المناسب فعلا؟ هل كان هيكون زوج مناسب؟ يعني نركن الحب شوية على جمب ونفكر في صفات الشخص نفسه. اللي انتي فيه ده كمان طبيعي شوية (الفراغ الكبير) ليه؟ انتي قولتي انك مكانش عندك اصحاب وهو كان كل حاجه .. يعني هو الشخص الوحيد اللي يكاد يكون فقط اللي بتكلميه وبتحكي له عن كل حاجه، وهنا بقى الغلط .. فكرة وجود شخص وحيد تعلقي عليه كل حاجه في حياتك .. يكون هو الدنيا وما فيها بالنسبالك ده اكبر غلط، لان ببساطة مينفعش يكون هو الحياة .. علشان لو اختفى متختفيش معاه الحياة .. ويكون لاموضوع اصعب بالنسبالك بمراحل .. زي مثلا لو حد عايش مع الكلب بتاعه او القطة وبالنسبة للشخصية ديه الحيوان ده كل حياتها .. مفيش اهل مفيش صحاب مفيش اي حد .. تخيلي لو الحيوان ده مات هيكون حال الشخص ده ايه؟ علشان كده مينفعش نتعلق بالشخص ونعتبره هو الحياة وما فيها .. لازم يكون ليكي حياة مع وجود شريك حياتك .. صحاب وزمايل ومعارف واهل .. ومن هنا لازم تعملي نشاطات زي مثلا تروحي تلعبي رياضة - تنزلي تطوع - تاخدي كورسات هتفيدك .. لازم تعملي حياة .. وتتعرفي على ناس .. من الممنوعات بقى؟ بلاش علاقات بديلة - بلاش شخص يدخل حياتك بهدف انه يكون بديل احنا كده مش هنكون بنعمل حاجه بالعكس الموضوع هيكون سئ جدا، لانك هتكوني بتعوضي العلاقة اللي فاتت مش اكتر. بلاش تتابعيه .. بلاش اونلاين ولا لا؟ طيب مين ديه اللي كتبت له كومنت؟ واضطر بقى اتابعهم هما الاتينين .. بلاش لان مجهودك هيتحرق. بلاش ندم، بلاش انا مش هلاقي زيه تاني؟ هو مين قال اننا عايزين زيه؟ يعني هو مشي علشان يكون له زي كمان! اكيد انتي مش محتاجة مصبتين في حياتك ولا ايه؟ فترة وهتعدي صدقيني مهما تطول فترة وهتعدي .. بس لازم تعدي وانتي بتتعلمي من اللي بيحصل .. فكري معايا كده هو اللي حصل ده حصل ليه؟ اكيد فيه حكمة من عند ربنا لكل اللي حصل ده مش كده ولا ايه؟ مش يمكن ربنا عمل كده لانه مكانش مناسب ليكي؟ مش يمكن ده حصل علشان تفوقي لنفسك.. اه تفوقي مش معقول اللي انتي كنتي فيه - معلقة حياتك كلها على الشخص ده وهو كان الدنيا بحالها .. هل ده اساسا كان كويس؟ في الحقيقة لأ. حاولي تشوفي الايجابيات .. وبصي لقدام بلاش تبصي وراكي .. وهقولك تاني برضه .. بلاش تتابعيه 😂
تم النشر الأربعاء، ١٦ أغسطس ٢٠٢٣
حبي انا ٥ سنين تخطيت والحمدلله الموضع بس انك تعرفي دا الشخص ميستاهلك
تم النشر الثلاثاء، ١٥ أغسطس ٢٠٢٣
استعيني بالله و خدي وقتك عياط و زعل و صدقيني الوقت بيعالج كل شئ
تم النشر الأربعاء، ١٦ أغسطس ٢٠٢٣
الشغل
تم النشر الثلاثاء، ١٥ أغسطس ٢٠٢٣
ممكن يكون الموضوع صعب ف اوله لكن الحياة بتمشي من غير حد انا معرفش السبب ايه لي الانفصال ولكن فكري في نفسك اكتر وشغلي بالك بي اى حاجه اقرائي كتير قربي من ربنا اكتر العبي رياضه غيري نظام يومك شوفي حاجه انتي مقصره فيه واشتغلي علي نفسك
تم النشر الثلاثاء، ١٥ أغسطس ٢٠٢٣
لعرض السؤال في فدني اضغط هنا