ارجو حد يفدني
انا بنت عندي ١٧ سنه، باختصار كنا قاعدين ف مصر بعيدا عن ابويا وبعدين سافرنا لابويا وقعدنا معاه وبعدين طريقته وحشه في المعامله وفي مرة اتعصب في البيت وانا معملتش حاجه قام ضربني وضربني بخشبه علي دماغي ومن بعد الخبطه دي وانا عندي اكتئاب وبنسي وتايهة، وبتوه ف الاماكن حرفيا.
ودوني لدكتور ف البلد الجديده واداني علاج نفسي ومرتحتش في العلاج وكده هو كان بيضربني وكده وضربني حوالي ٦ مرات وضرب جامد حرفيا فضلت من الاكتئاب اللي انا فيه اعيط سنه كامله وعمري ما عاملته وحش برغم ان اللي حصلي بسببو.
هو مش حد محترم، بيكلم علي امي وكده وزي ميكون بيبصلي بصات مش حلوه ولا كأني بنته ولمساته وحشه وكده.
نزلنا مصر ورحت لدكتوره نفسيه وبروح جلسات للتركيز والنسيان والتفكير سؤالي بقى، هو انا وحشه اني كرهته؟ حرفيا وجوده بيؤذيني مع العلم اني قبل اليوم اللي اتخبطت فيه كنت مش بنسي ولا مش بركز ولا عندي مشكله في الاستيعاب، من بعد اليوم ده وانا دماغي حصل لها كده.💔💔💔💔💔💔💔💔💔💔💔💔💔💔💔
السلام عليكم ورحمة الله وبركاته. يارب تكوني أحسن دلوقتي ي قمر بصي مش رغمًا عنكِ ولا حاجه ولكن ان احتسبتي فعلك لله يبقى " وصاحِبهُما في الدُنيا معروفًا ". م لأجله ع ربنا وفقط بعد الأب ع البيت عمومًا بيعمل مشاكل للأبناء وهو تصرفاته معاكم انتِ ووالدتك غالبًا م كلامك غير سويّه تكرهيه تحبيه دي مشاعر عمر م حد غيرك يقدر يسيطر عليها الحرام ف انك متطيعهوش ف معروف يطلبه متساعدهوش ف تعبه تذمي فيه قدام حد ده كله هيُحتسَب عليكِ وهتتجازي عنه ك وِلْد ليه وربنا نهانا ع مَساس الوالدين بسوء وإن طلبوا منك الكفر والعياذ بالله وقالنا وصَاحِبهُما بالمعروف. اللي لازم أنصحك بيه انك تبعدي عنه شويه لِتهدأ نفسِك و تركزي ف انك تستعيدي صحتك وسلامك النفسي وسلامتك تاني مش شرط متكونيش معاه فالبيت انما اقصد اعتزلي بنفسك خليكِ مختصرة حاضر ونعم ان طلب شئ بس كدا خليكِ ف حالكِ ومتركزيش ع سلبيّاته لأنك هتكوني مشحونه منه بطاقه سلبيه ع اللي عمله وتكرهيه ونرجع نتكلم ف اللي قولناه فوق تاني شفاكِ الله وعافاكِ ي عمري وربنا معاكِ والأكيد واللي لازم تعمليه انك تخلي بالك من نفسك وبس
تم النشر الأربعاء، ٣٠ أكتوبر ٢٠٢٤
هو أنا وحشه إني كرهته ؟في فرق كبير بين أننا نكره تصرفات الأب المؤذيه والبر ، الفرق كبير ، لكي كل الحق في مشاعرك لأنها نتيحه لتصرفات مؤذيه ، لكن سلوكك في علاقتك معه هي التي بينك وبين ربك ، بمعني معاملتك له الطيبه في اقل الحدود لحمايه نفسك من حقك أكيد ،و التسامح ليس معناه قبول الاذي ولكن معناه أني متقبله ان أبي شخص مؤذي ، لكن سأتعامل معه بحدود لحمايه نفسي اولاً ولاستمر في بره ثانيا .
تم النشر الأربعاء، ٣٠ أكتوبر ٢٠٢٤
السلام عليكم ورحمه الله وبركاته. الجميله اللي عندها 17 سنه. الظروف بتاعت باباكي اللي بالشكل ده هي ابتلاء وبتبقى من اصعب الابتلاءات انه الابتلاء يكون في الاب والام ان هم يكونوا مش كويسين شكل من الاشكال الحب مرتبط بان يكون في رصيد حلو افعال حلو. فهنقول دلوقتي لو بابا ده ملهوش اي افعال حلوه فهو للاسف ملهوش رصيد حلو تقدري تحبيه على اساسه. لكن انت ضروري لازم تفضلي تحترميه لازم تفضلي تقدري ولازم تفضل مكانته زي ما هي هي كده كده هتفضل قدام ربنا. لكن حبك لي. مرتبط بحاجه لو هي مش موجوده خلاص يبقى الحب مش هيكون موجود طبيعي جدا ان انت كل المشاعر السيئه اللي هو ملاكي بيها في في المواقف اللي انت حكيتيها دي. يكون ده الوضع معاكي. يعني هوني على نفسك ما تبصليش لنفسك كده ببصه انه انت اللي مقصره هو اللي مقصر في حقك. خلينا نقول برده اتجاه ثاني عشان الصوره تبقى كامله وارد يكون والدك عنده مميزات وكويس في اوقات بس بيجي في اوقات للاسف بيفقد اعصابه مش شرط تكون السبب تكون في اي حاجه في الحياه بتضغط عليه لدرجه ان هو يفقد اعصابه وبيجي تفريغ عصبيته دي للاسف فيكم فبيخرجها بالشكل ده. لو هو ده بيحصل معاه فهو فيه جزء احنا هنبقى باصين له بعين الشفقه ان هو شخص مش قادر يسيطر على نفسه وبتصدر منه الافعال السيئه دي رغم ان هو عنده يعني صفاته مواقع تانيه كويسه. وفي كل الاحوال اللي ما لك انت اكتر هو الحاجات السيئه. مش شرط تكوني انت عملتيه وحش علشان هو يعمل معاكي كده خالص مش دايما هيكون الضرب الاهالي بتضربه لاولادهم بيكون مبرر ان هم تعاملوا وحش كانوا قله الادب سمع الكلام في ولاد ممكن تعمل موقف صغير والاهليه يرد عليه برد شديد جدا يعني ما يسويش في المقدار اي حاجه من اللي عملها الاولاد برده ده هيبقى في الاخر بيتلخص انه ده شكل من اشكال الظلم. همم الاهلي دول عملوه في حق الاولاد انت هتتحاسبي لوحدك وبابا هيتحاسب لوحده فعلشان حسابك انت يقل لوحدك. في تعاملاتك بس اتعاملي معاه باحترام حتى لو هو للاسف بيصدر منه تصرفات سيئه. هو هيتحاسب لوحده وربنا هيساله على كل الحاجات اللي هو اثر فيها في حقك او ان هو اذاكي او اذى اا مامتك او حد من اخواتك هيسال عليها وفي المواقف اللي زي دي بطمنا وبيريحنا اكثر حاجه ان ربنا عدله هو اللي نافذ في النهايه فاعل ربنا هيحكم ما بينا كلنا في الاخر واللي ظلم هاخد عقاب ظلمه واللي اتظلم ربنا هيراضيه بحق الظلم اللي اتظلم. المشكله اللي عندك بتاعه النسيان والتركيز وكل الكلام ده اا ده شكل اخر من الابتلاءات باباكي بس هو كان سبب فيه كان وارد جدا يحصل لك نفس الحاله دي لاي سبب ثاني انا عايزاك بس يعني تفكري في الفكره دي علشان تخففي على نفسك شويه همم انك تبقي مش قادره تقاومي اللي بيحصل معاكي ده او تطوري من نفسك العلاج اللي بتتحالجيه كملي فيه ما توقفيهوش قومي الحاله دي على قد ما تقدري وبقد الجهد اللي عندك وان شاء الله ربنا يكرمك وتبقي احسن تبقى زي الفل.
تم النشر الأربعاء، ٣٠ أكتوبر ٢٠٢٤
عزيزتي مروة، أقدر مشاعرك الصادقة وأفهم تماماً معاناتك. ما تعرضت له من عنف جسدي ونفسي هو أمر غير مقبول على الإطلاق، ويفترض أن تشعرين بالأمان في منزلك ومع أفراد عائلتك. إن مشاعر الكره تجاه من يسيء إليك، خاصة عندما يتعلق الأمر بالعنف، هي مشاعر طبيعية. فليس من العيب أن تشعري بعدم الراحة أو الكره تجاه شخص يسبب لك الألم. من المهم أن تدركي أن هذا لا يعني أن لديك مشكلة، بل هو رد فعل طبيعي لأي إنسان يتعرض للإيذاء. من الجيد أنك تسعين لطلب المساعدة والعلاج، وهذا هو الخطوة الصحيحة للتعافي. استمري في الذهاب إلى الجلسات النفسية وكوني صادقة مع المعالجين حول مشاعرك وتجاربك. قد تجدي أن التعبير عن مشاعرك وأفكارك يساعدك على فهم ذاتك بصورة أفضل ويساهم في عملية healing. كما أنه من الضروري أن تحصلي على الدعم من الأشخاص الذين يساندونك، سواء كانوا أصدقاء أو أفراد من العائلة غير المعنيين بالحادثة. لا تترددي في التحدث عن مشاعرك معهم. تذكري أن ما حصل لك ليس خطأك، وأن حقك في العيش بسلام وأمان. إذا كان بالإمكان، حاولي البقاء بعيداً عن بيئة تؤذي مشاعرك وصحتك النفسية. ابدأي في بناء مستقبل يسوده الأمان والصحة النفسية. إذا كنت بحاجة إلى أي شيء آخر، فلا تترددي في طرحه. أنا هنا لدعمك.
تم النشر الثلاثاء، ٢٩ أكتوبر ٢٠٢٤
لعرض السؤال في فدني اضغط هنا