السلام عليكم ورحمه الله وبركاته انا عندي مشكل من فتره طويله مع زوجتي في قضيه جنحه امام المحكمه العنف ضد المراه معها تقرير طبي اقل من 21 يوم بكدمات كدمه بالدارع الايمن وقدمه بالدراع الايسر وكدمه الساق اليسرى هي بتقول في الحضر الكلام ده حصل الساعه ٨ ص أمام الجيران سبب المشكلة ايه عايزني أتنازل عن كل حقوقي مقابل الطلاق وتعدي عليها بالسب والضرب والشتم وأحدث اصابتي وضربني المشكو في حقه بايديه وما العلاقه ما بينك وما بينو هو زوجي المدعو يقيم بعنواني وما المطلوب اتخاذ الازم قانونا منه .و كان اسمي بالكامل العنوان كاتبه نفسه سكن الزوجيه اللي أقيم في رقم بطاقه لا يوجد الوظيفه لا يوجد تليفون لا يوجد .امام القانون انا كده يعني عاطل طبعا مع تقرير طبي وتحديد الجلسه كل ده انا ما اعرفش وكانت عايزه اني اخذ حكم غيابي وتطلق بالضرر امام محكمه الاسره . الحمد لله ربنا ابصرني بأن هي عمله محضر عرفت ازاي ان هي رجعت متاخره من الشغل في حدود الساعه 8:30 وكل ما كنت بتصل بيها وبنتي كانت بتتصل بيها ما كانتش بترد هي الصبح فعلا قالت لي هتطلقني بالحسنى ولا هتطلق منك انا بالمحكمه قلت لها انا ولا هطلاق بالحسنى ولا بالمحكمة انا عايز الحياه بينا قائمه نربي عيالنا كان كلام فقط والله علي ما اقول شهيد.المحامي طرفي حضر الجلسه للدفاع عني وزوجتي فجائت لان في محامي طرفي. قالت بنفسها ومعها محامي بس هي اللي اتكلمت بنفسها وقلت انا عايزه حقي منه القاضي سالها ايه السبب عشان يضربك قالت ما فيش سبب هو عايز يطلقني وتنزل له عن كل حقوقي القاضي قال ما فيش حاجه لازم يكون في سبب هي قالت هو بيضربني وهو مش في وعيه القاضي يعني ايه قالت له هو بيشد بودره وبيشرب استروكس و حشيش وبانجو وايس وفولو وبياخد برشام تمول عشان كده انا لازم اطلق منه ومسبب لنا رعب لبنتي وابني واحنا مش عارفين نعيش معاه. المحامي بتاعي دافع عني بكل ثغرات الموجوده بالمحضر وقال القاضي ان ده محضر كايدي لكي تتطلب الطلاق للضرر هي بتقول ان الكلام ده حصل قدام الجيران ما جابتش ليه شاهد واحد يقول ان هو شاف وهي في واحده تروح تعمل محضر وتضرب من جوزها وترجع تنام في البيت وهو في واحده هتضرب الساعه 8:00 الصبح وتروح تعمل تقرير طبي الساعه 6:30 مساء وتروح تعمل محضر وهي معاها تقرير عملت المحضر الساعه 8:00 بالليل سعادتك هي فين من الصبح ما راحتش ليه تعمل محضر وبعد كده القسم يحولها للمستشفى تعمل التقرير هي عامله التقرير وبعد كده راحت القسم تعمل المحضر اللي حصل ده يعني لا يعقل خالص. انا بطلب من سعادتك ان هي احداثت بنفسها وباصاباتها ردت وقالت انا رحت الشغل كان عندي شغل المحامي بتاعي رد عليها يعني انت مضروبه ورحت الشغل وبعد كده افتكرتي تعملي تقرير طبي وتعملي محضر وصور له صوره سيدنا يوسف مع مراته الملك.بسم الله الرحمن الرحيم(قل هي رودتني عن نفسي و شاهده شاهد من اهلها ان كان قميص قد من قبل فصدقت وهو من الكاذبين وان كان قميصه قد من دبر فكذبت وهو من الصادقين) صدق الله العظيم . اذن سعادتك سعاده المستشار هو اتفاق ضرب يعني بمعنى انا هضربك في حتت مداريه عشان انا عارف ان انت بتروحي الشغل وخائف أن حد يشوف اثار الضرب ما حدش يشوفك ان انت مضروبه كان من باب اولى واحد بيضربك وهو مغيب كان يديكي بنيه في وشك واحده بتضرب هتقف تستناه لحد ما اضربها هنا وهنا وينزل يضربها في رجليها طبعا لا يعقل على الاقل هتجري فهيضربك واحده في ظهرك او في راسك من ورا لكن انت احدثتي الاصابات بنفسك وساعاده القاضي انا بشكك بالتقرير الطبي علشان الدكتور اللي تم عليها بالكشف لم يذكر اللون الكدمه هل هي صفراء ام حمراء ام زرقاء فبذلك ببطل بهذا التقرير .سعاده المستشار هي انسانه مستهتره مش عايزه يبقى في رقيب أو حاكم في البيت لتربيه الاولاد فبتدعي عليه بان هو ضربها وانا ببرق موكلي من هذا. عايز اوري حضرتك حاجه على الموبايل وري له فيديو لبنتي وخاله بنتي على التيك توك وبنتي لبسه قط مع ان خاله بنتي هي اللي مشيره الفيديو قامت بارسال من حسابها الخاص بالفيديو . وسائل القاضي الام مين دي يا استاذه ردت واجابت دي بنتي ومين اللي معاها دي قالت له اختي القاضي تؤجل القضيه الى الاسبوع القادم وحضور المتهم بنفسه امام هيئه المحكمه. بعد الخروج من الجلسه قعدت تشتم في المحامي بتاعي وبتقول له حسبنا الله ونعم الوكيل فيك وفي موكلك . المحامي اتصل بيا وقال لي كل اللي حصل . رحت انا على طول في نفس اليوم الجلسه لوزاره الصحه لعمل تحليل مخدرات وتم استلام شهاده مختومه من وزاره الصحه باني لا احمل اي مواد مخدره في جسمي في نفس اليوم الحساب بتاع بنتي اتقفل وحساب خالتها كمان برده اتقفل وانا ما كنتش عارف ان بنتي بتعمل تيك توك فوجئت ان بنتي عامله الفيديو ده في شقه خالتها طبعا ان سبت البيت بعد ركعه المحضر حوالي 10 ايام ورجعت تاني البيت بعد ثلاث ايام فوجئت ان هي بتقول لي ايه اللي جابك ثاني مش كنت مشيت دخلت استحمى واتوديت علشان اصلي العشاء بعد الانتهاء من الصلاه اخذت مني سجاده الصلاه وقالت ابقى هات لك سجاده ثانيه علشان دي سجاده ابويا هو مش ناقص منك حسنات مع ان والدها شيخ وحافظ كتاب الله. بسال على بنتي قالت لي نزلت فين من غير ما استاذني قالت خلاص عود نفسك على كده هيستاذنتني من هنا رايح انا وفوجئت ان هي برده مع خالتها مع ان خالتها دي 28 سنه بنت تقيم لوحدها في منزل مع ان والدها موجود شقه لوحده كانت هي قاعده مع مامتها منفصله مع زوجها وبعد ما الست ماتت رفضت البنت ترجع البيت ابوها فقررت تقعد لوحدها في الشقه وابوها راضي بهذا لانهم كانوا منفصلين الاب والام. رحت الجلسه بنفسي امام القاضي بيقول لي بتضربها ليه قلت ما حصلش قال لي طب هي بتقول لي كده قلت له هي عايزه تطلق من فتره بعد نزولها الشغل هي نازله الشغل من سنتين وكان في وكان في قضيه تانيه معموله من سنه ونص بي ان برده ضربتها وجبست رجليها من فوق الركبه الى مشط الرجل وثاني يوم فكه الجبس وبتمشي عادي جدا واخده تقرير طبي متجمع ورق قدام سعادتك ولما قلت لها هحولك للطبيب الشرعي خافت واتنازلت لي على القضيه غيابيا الفتره دي مامتها ماتت بتتهمني باني انا موتها بالحسره على بنتها فرجعت تنتقم مني طب ايه سبب المشاكل ما بينكم قلت دي صوره قائمه المنقولات وصوره من الاقرار هي عايزه اني امضي على قائمه منقولات ب 150 الف جنيه بخلاف 40 جرام ذهب عيار 18 + اقرار مني باني اقر انا بشخصي وبكامل كوايه العقليه باني مكنت زوجتي واولادي من مسكن الزوجيه منفردا تمضي عليهم هنعيش معنا مش هتمضي عليهم هوريك ايام عمرك ما شوفها في حياتك وهدخلك دايره عمرك ما تتخيل ان انت شفتها مش هيبقى عندك وقت انك حتى تحلق دقنك من كتر الكشف الطبي والنفسي انا سعادتك موظف بشركه خاص بقى لي 16 سنه عايز حضرتك تكذبني في اللي بقوله وهي وهي قدام حضرتك اهي سالها الكلام ده صح اللي حصل مع انكرتش.انا قدمت للقاضي توكيل من صاحب الشركه ليا اتعامل بيه بكل المهام الحكوميه والخاصه و للشركه ودي صوره بطاقته راجل صاحب الشركه مهندس كيميائي عمره ما هيقبل ان يكون في موظف عنده بمواصفات اللي مراتي بتقول عليها اني مدمن او بشرب مخدرات احنا في الشركه بيقوم علينا تحليل مفاجئ وتحليل كل ثلاثه اشهر ولا اقبل من زوجتي ان تشهر بيا امام الناس وامام اولادي باني مدمن. القاضي شايفني قدامه بتكلم بكل طلاقه لابس له فورمال وادي بطاقتي موظف بالشركه وساريه وعنواني بمنطقه راقيه وبطاقه زوجتي من منطقه تانيه يكاد تكون شعبيه ومعروفه باللبط ليه انا بقول لبط علي شان انا كنت مغير عنواني بعنوان عمه مراتي علي شان ادخل بنتي في مدرسه قرب عنوانها بنفس المنطقه وكل ما حد يشوف البطاقه اسمع منه ملا يرضيني .طلبت من القاضي اني اوري له صوره لبنتي على الموبايل بخلاف الفيديو قال لي وريني قلت له بنتي كان في يوم عيد ميلادها مع مامتها واخوها نزلوا عملوا العيد ميلاد بره مع خالتها وطبعا انا غير مرغوب بيا في يوم عيد ميلاد بنتي قفلت التليفونات كلهم طبعا مش عارف اوصل لهم روحت على البيت مستني اولادي وزوجتي فوجئت ان هم داخلين عليا الساعه 1:30 مساء وبنتي دخلت من باب الشقه داخله على اوضتها من غير ما اشوفها فناديت عليها قالت لي خمس دقائق بالضبط يا بابا وهاجي لك قلت لها لا تعالي لي وفوجئت ان هي لابسه بالمنظر ده حضرتك لابسه بنطلون لا يوافق عليه اي اب في الدنيا ولما قلت لها ليه كده يا حبيبتي مش احنا اتفقنا لما نيجي نلبس بنطلون نلبس عليه حاجه طويله انت يعجبك البنطلون اللي كل حاجه فيه متفصله فيكي كده وكل حاجه فيه باينه قالت لي ايه يعني انا مع ماما قلت لها امك ست مستهتره اصلا مش عارفه مصلحتها فين هتخاف عليك انت تردي مراتي تقول لي بقول لك ايه قرفنا منك بقى سيبنا في حالنا عيش مع نفسك سيبنا نعيش بحريتنا على بنتك في يوم عيد ميلادها يا شيخ حرام عليك بقى غور من حياتنا ده يرد سعادتك انا كل اللي طالع بيه من الدنيا دي بنتي وابني هي الله يسهل لها لكن انا بنتي وابني دول مسؤولين مني وهي قالت لي انا حيال لمهم لكن انت ابوهم كويسين باسمك كويسين باسمك وانا بطلع الصوره من على الموبايل القاضي بيسال مراتي ما فيش حل انك ترجعوا تربي الولاد قالت له لا انا عايز اتطلق .هو ضربني على مناخيري كسر لي عضمه مناخيري قبل كده فسالني القاضي انت ضربتها على مناخيرها كسرت لها مناخيرها قلت له سعادتك ما هي أمام حضرتك اهي وانا قدام سعادتك النهارده على شويه كدمات عدستها بنفسها ما بال سعادتك بقى كسر في المناخير ما عملتش ليه محضر دي كانت فيها حبس على الاقل فيها ثلاث سنين ان دي كسر عاهه يعني.هي بتقول حضرتك بعد ما ساب البيت جه ومعاها 2 بلطجيه واخذوا الغساله والثلاجه والمطبخ والتلفزيون من اولاده قدام ولاده اخذنا انا من التليفونات وقفلها ونازل بالحاجه ومشي بسبب لهم رعب زعر فالقاضي سالني قال لي انت عملت كده قلت له فعلا انا عملت كده بس ما جبتش اثنين بلطجيه انا جبت اثنين شايلين شالوا الحاجه ونزلوها طب انت عملت كده ليه قلت له حضرتك هي كانت من فتره طويله سيب لي البيت اقعد لوحدي عايز ارتاح منك بعد اذنك سيب لي البيت فانا شكيت في الامر ان هي تاخد الحاجه دي تباعها وتمسك بيها فلوس وتتهمني باني اخذتها مع العلم انا جايب الحاجات دي بتعبي وشقايه وفواتير باسمي سنه 2020 ودول خارج القايمه هي ليها قايمه ب 27 الف جنيه يعني بحق الغساله فقط وانا ما انكرتش قدام وانا سبت البيت بارادتي بعد ما استخرت ربنا باني اقعد ولا امشي في نفس اليوم لميت حاجتي ومشيت خوفا على نفسي منها قال يعني ايه قلت لحضرتك هي بتعاني من وجود عفاريت وجني لابسينها وجابت لي شيخ في وجود اخويا وابن عمها وانا نايم كنت مصاب بسببها من سنه ونص ب 35 غرزه في رجلي واخد 21 يوم اجازه بسبب المشكله الاولانيه وبعد ما صالحناها انا واهلي روحنا البيت طلبت مني فلوس اللي صرفتها على رجليها ولما قلت لها احنا خارجين من عيد ودول في رقبتي لك قالت لي من اتلف شيء فعليه باصلاحي وانا عايزاهم دلوقتي يا اما تمضيدي بيهم ايصال امانه فكانت اختي معايا على التليفون بعد ما هي طلبت مني كده فقامت بعلي وصوتها قالت ده ضربني وسبلي الدين فانا قلت لها حرام عليك يا شيخه انا ثبت لك الدين وضربتك قالت لي اه وهجيب لك اهلي دلوقتي هي كانت قاعده على قعده الحمام وفاتحه الباب وبتسمع مكالمتي انا واختي مع ان اختي كانت بتواصيني عليها فانا قلت حرام عليكي اني رجعه مش صافيه انت عايزه توصليني لايه فقمت خابط رجلي في الباب الحمام الفايبر قطع رجلي فلما كنت قاعد مصاب زمايلي في الشغل حبوا يزوروني لما عرفوا هي جت من الشغل عرفتها ان زمايلي جايين يزوروني عندك ايه تقدموا لهم قالت لي انا مش شايفه قدامي فانا بقول مالك.هي قالت لي عايز تعرف اتصل باخوك وهو يقول لك دخلت وقفلت عليهاباب الغرفه بالمفتاخ وانا اتصلت باخويا وعرفت منه ان هو كان موجود مع ابن عمها وشيخ على شان يطلع يطلع منها الجني وقال لي ان كان في خمسه من الجن وعايزها تكذبني سعادتك في اللي بقوله قال لها حصل ده قالت له حصل طيب ايه يعني ما عندنكش اي حاجه خالص عايزه تقوليها. انا ما عنديش غير اولادي القاضي تؤجل القضيه لسماع الشهود.
ما كل هذا الكلام الطويل .. حاول تختصر الكلام المهم الزوجة التي تدخل زوجها للمحكمة فلا تستحق الرجوع لبيته وميبقاش راجل لو رجعها إلا لو كانت مسحورة كما تقول وتتصرف بغير إرادتها
تم النشر الأحد، ١٧ سبتمبر ٢٠٢٣
علي انت بتقوله مينفعش تعيش معها دي واحده يتخاف منها ممكن تعمل اي حاجه عشان تطلقها انت مش عايز تطلقها عشان عيالك خايف عليهم وموضوع انك تتجوز وتأمن حد عليهم صعب يجد حاسه ان مشكلتك صعبه جدا بس هقولك قرب من ربنا اعمل صلاه استخاره وشوف هتطلقها ولا لاء بس بجد بشوف انك تطلقها احسن تجنب شرورها هي عايزه تطلق هتعمل كذا حاجه بجد اول مره اشوف وحده كده متخيلتش أن فيه حد يكون كدا بس ده اختبار من ربنا عايز يشوف انت هتصبر وتدعيله ولا لاء حاول تقرب من بنتك وابنك اقعد معاهم علمهم أمور الدين وايه الي ينفع يعمله وايه لاء قولهم ايه الصح وايه الغلط خليهم يفكروا ف حاجات كثيره اسألهم علي مواقف وقلهم ده صح ولا غلط استشيرهم قرب منهم بكل الطرق متخليش امهم تسيطر عليهم حاول انك تخرجهم توديهم اماكن بيحبوها
تم النشر الأربعاء، ٦ سبتمبر ٢٠٢٣
لعرض السؤال في فدني اضغط هنا