شعب فيدني العظيم
انا بحب اشوف البوستات والكومنتات وتابعها وبحب اشوف ردودكم بس المرادي انا الي عايز اقول شوية فضفضه
انا من جوايا قلقان ومش لاقي حد يطمني ولا يريحني
المفروض كمان اسبوعين هسيب شغلي ولحد دلوقت ما لقتش مكان تاني الموضوع قالقني اوي وراعبني اني اقعد ف البيت
بقدم ف اماكن كتير اوي وقدمت ف اكتر من 20 مكتب وعملت تقربيا ف حدود 6 انترفيوهات في منهم الي انا مش مناسب ليهم وفي منهم الي مش مناسب ليا
الموضوع كله اني عايز اوصل لحاجه معينه وهدف وبسعي ليها
بعد كل انترفيو بيحس باحباط اوي وخوف انه ما يلاقيش شغل واقعد ف البيت فتره
بتعامل عادي جدا وبهزر وبقوي الي حوليا وف الشغل مش مصدقين اني ماشي من كتر ما انا شغال عادي وبكمل ف شغلي وبحاول اخلصه او حتي اسلمه بشكل واضح للي بعدي
بس كميه القلق والرعب الي بتوصل بيا لاوقات اسرح كتير اوي وافكر لدرجه اصدع
عارف اني طولت ف رسالتي بس دي شوية فضفضه مش عارف اطلعها
أولاً أنا فخورة بك لأنك بتتعب كتير في البحث عن وظيفة وبتحاول تلاقي حل للمشكلة اللي في حياتك دلوقتي. القلق والضغط النفسي من البحث عن وظيفة جديدة وعدم اليقين عن المستقبل ده حاجة طبيعية تحدث لأغلب الناس لما يكونوا في موقفك. أول حاجة هقولك عليها إنك مش لوحدك في الموقف ده وممكن تتحدث مع ناس مقربين ليك عن مشاعرك وأفكارك. دي هتساعدك تخفف الضغط وتحس بتجاوب ودعم من حوليك. تاني حاجة، ممكن تحاول تستفيد من الوقت الفاضي اللي هتكون فيه بين فترة البحث عن وظيفة وبين موعد تقديم استقالتك، وتحاول تزود اهتمامك بنشاطات مفيدة زي قراءة كتب جديدة أو تعلم مهارات جديدة. ده هيساعدك تحافظ على توازن نفسي وتنشط ذهنك. وأخيرًا، مهم جدًا تحافظ على إيجابية وتفاؤل تجاه الموقف وتثقي في إمكانيتك إنك تلاقي شغل مناسب ليك. كل نهاية إنترفيو ممكن تكون فرصة لتحسين أداءك وتعلم حاجة جديدة عن نفسك. خلينا نعمل جدول يومي لك ونحدد أنشطة تساعدك تقوي قوتك النفسية وتحافظ على روحك الإيجابية. ابتدي بكتابة أهدافك الشخصية والمهنية وحاول تتبع تحقيقها بالتدريج. ومترددش في البحث عن دعم إضافي من المهنيين زي المعالجين النفسيين إذا شعرتي بضغط نفسي كبير. في النهاية، تذكر إن الابتسامة والإيمان بإمكانية تحقيق أهدافك هما سر نجاحك. إبدأ ، وإن شاء الله تلاقي الوظيفة اللي تحلم بيها قريبًا.
تم النشر الخميس، ١٦ مايو ٢٠٢٤
لو حضرتك إلى واخد قرار تسيب شغل يبقا الأفضل تسيبة لما تضمن وظيفة غيرها علشان مكنش ضيعت شغلك وانت لسه ملقتش بديل وطالما عندك هدف وعاوز تحققة وبتسعى اتأكد أن ربنا هايكفأك مش بيضيع تعب حد
تم النشر الخميس، ١٦ مايو ٢٠٢٤
انا بشكر كل الناس الي حاولت انها تقدم نصيحتها وسبب تركي للشغل بدون ما يكون في بديل تاني هو ان في عقد واذا تم تجديده لازم اني اكمله لاخره واما ادفع شرط جزائي وبالتالي لو جت فرصه كويسة اما ادفع الشرط الجزائي او اتخلي عن الفرصه وعلشان كدا قررت اني اسيب العمل وابدأ ابحث عن مكان تاني علشان ما اجددش العقد
تم النشر الأحد، ١٩ مايو ٢٠٢٤
ينفع متسيبش شغلك وتكمل واشكي لربنا همك بصلاة القيام واستخير في أمرك .. والله سمعت قصص كتييير زي كده كان حلها ذكر الله منهم لا إله إلا أنت سبحانك إني كنت من الظالمين بعدد اللي عايزة بس حقيقي اللي تزيل الهم وتغفر الذنب الصلاة الإبراهيمية وبفضل الله ورحمته انحلت مشاكلهم وهمهم انزال والله البشر اللي زينا مش هيصدقوا ازاي واهو كده الحياة قلق بس راحتنا تولينا ونصيرنا هو ربنا
تم النشر الخميس، ١٦ مايو ٢٠٢٤
اللهم امين يا رب شكرا ليكي ولردك ولاهتمامك
تم النشر الثلاثاء، ٢١ مايو ٢٠٢٤
اكيد مكنتش اتمني اني اسيبه الا لما يكون عندي بديل لكن في عقد وفيه شرط جزائي اما انفذ دلوقت واما لو بدات الشهر الجديد اتعرض للشرط الجزائي لو جت فرصة والحمد لله وصلي 2 job offers وبفاضل بينهم
تم النشر الثلاثاء، ٢١ مايو ٢٠٢٤
متسبش شغلك غير لما تلاقي حاجه احسن ربنا يوفقك بإذن الله وخالي عندك امل
تم النشر الاثنين، ٢٠ مايو ٢٠٢٤
شكرا جدا لذوقك ولنصيحتك
تم النشر الأحد، ١٩ مايو ٢٠٢٤
اهه اعمل المناسب ليك انت عالم بمصلحتك فين
تم النشر الأحد، ١٩ مايو ٢٠٢٤
خليك فشغلك لغيت اما تلاقي شغل تاني
تم النشر الجمعة، ١٧ مايو ٢٠٢٤
بقلك ايه... متقلقش.. اقتناعك ان هناك رب كبير يعلم السر و يعلم خفايا قلبك الزم الدعاء و قول يارب يارب ان مش عايز حاجة من الناس انا عايز من كرمك و فضلك و اظمن رزقك محدش هياخد هالا انت و لو النصيب سيء لا يرد القدر و البلاء الا الدعاء و الزم صلاتك علي النبي في أول و منتصف دعائك و آخره و احسن الظن بربك لن يضيعنا الله ان شاء الله
تم النشر الخميس، ١٦ مايو ٢٠٢٤
طيب لما انت مش ضامن شغل تاني تسيب ده ليه
تم النشر الخميس، ١٦ مايو ٢٠٢٤
ربنا يقدملك كل اللي في الخير بإذن الله
تم النشر الثلاثاء، ٢١ مايو ٢٠٢٤
لو مجبر ع انك تسيب شغلك يبقي ربنا هيكرمك بمكان تاني بس الموضوع محتاج صبر ومحتاج دعاء ويقين بالله ولو مش مجبر متسبش شغلك الا لما تلاقي حاجه تانية كويسة وربنا يكرمك في كل الاحوال
تم النشر الأحد، ١٩ مايو ٢٠٢٤
لو لازم تسيب شغلك و اتقبلك في كذا شغل تاني مش عاجبك حاول بس تختار منهم الاقرب لمجالك او احسنهم شويه بس و بعد كدا جرب تاني و ان شاء الله تتقبل فالشغل الانت عايزه
تم النشر الجمعة، ١٧ مايو ٢٠٢٤
لعرض السؤال في فدني اضغط هنا