السلام عليكم و رحمة اللّٰه و بركاته يمكن دا بسبب ضغوطات الشغل مش اكتر يعني كلنا كدا حتى لو مش شغل بس لو واحد مشغول ف حاجه معينه و كان حد معاه في نفس المكان تلقائي بيتعصب عليه و لو حصل مشكله بيسببها فيه عشان مش لاقي حد يخرج عصبيتو عليه لما قرأت افتكرت ماما لما بقف معاها في المطبخ و لو حصل حاجه بتزعقلي رغم إن معملتش أي حاجه ، بس بعدين الموضوع قعد يتكرر إنها تسببني في أي حاجه و انا واقفه معاها و مليش أي ذنب ساعتها حست بزعلي و قالتلي إن هي بتخرج عصبيتها فيا عشان مش لاقيه غيري و إن المفروض أستحملها لإن أنا بنتها ف أنتَ كمان فكر بالطريقه دي و إنك ابنو عشان كدا بيخرج عصبيتو و زعلو عليك على امل إنك هتتفهم دا و تعذروا انتَ بتقول ان هو زعل لما انتَ فكرت إن هو ممكن يضربك طيب تفتكر زعل ليه؟ عشان هو بيحبك و متوقعش إنك تظن فيه كدا من مجرد موقف ، حاول تتكلم معاه بهدوء و تقولو إنك زعلت و حاول تتفهَّمو هو بيحبك و خايف عليك و عايزك تتعلم الشغل مش اكتر مش قصدو إن يتعصب عليك مهما حصل افتكر ان دا والدك الي رباك متزعلهوش و اتفاهم معاه و اتكلم معاه بصراحه و بهدوء و حتى وقت عصبيتو كون هادي و متردش عشان الموضوع ميكبرش و إن شاء اللّٰه كل حاجه هتتحسن مبينكوا
انا متفهم كل اللي بتقولية جدا، لكن الحقيقة غير ، مثلا عامل توكيل عام باسم اختي ، اللي هي معانا برضوا ، بيجيبو اكل هما الاتنين من المطعم كل يوم واروح انا ملاقيش حاجة ، ولما قولتلو دا بهزار انك بتاكل ومبتعملش حسابي انكر ، بالرغم اني بشوف علب الاكل كل يوم وباقي الاكل للقطط، تاني يوم عمل حسابي وبعدها متكررتش تاني ، دي مجرد امثلة بسيطة
تم النشر الجمعة، ١٣ ديسمبر ٢٠٢٤
لعرض الإجابة في فدني اضغط هنا