كنت متشخصة اكتئاب حاد من فتره ودخلت ف مرحلة الأدوية وكانت اصعب وقت ف حياتى أغلبه فترة تعود جسمى على العلاج وبعدها تعبت فخلاص ندخل في أعراض الانسحاب بقا، انا ليا اسبوعين سحبت العلاج خالص، وكنت برجع لشعور وحش اوي ف الاول وكلما الدكتور قالى اعراض انسحاب استحملى، بس خلاص المفروض خلصت ، رجعت لشعور وحش اوييي: زى الارق وانى بحلم بكوابيس كتير ولما بيكون الوقت متأخر كدة بكون خايفة اوييي لا ده رعبببب من غير سبب ولا اى حاجه ومش بعرف اتخطاه،
انا سحبت العلاج تحت إشراف الطبيب بس حاليا وقفت معاه خالص برضو ومش هقدر ارجعله تانى، انا بجد بكتب الكيو ده وانا هعيط من كتر الخوف، وحتى الآن مقولتش لأى حد الشعور ده
حبيبتي بتمنالك الشفاء العاجل يارب ♥️ اول حاجه لازم تعرفي إن دا إبتلاء من ربنا ليكي والابتلاء دا أجمل حاجه ربنا بيختبر بيه قوه تحملوني ايمانك بيه بأنه قادر انه يخرجك من كل دا إن الله إذا أحب عبدا فإبتلاه عارفه انها صعبه ي حبيبتي بس معلش لو بس خليتي فكره إن كل دا من عند ربنا وإن ربنا بيختبرك وانه قريب اووي هيفرحك ويخفف عنك ويخرجك من كل الالم دا وإن قد اي جزاء ربنا ليكي علي صبرك وقوه ايمانك بيه دي كبيره والله هتفرحي وتقدري تكملي وبجد بتمنالك الشفاء العاجل وتكوني بأحسن حال دايما ♥️♥️
تم النشر السبت، ٣ أغسطس ٢٠٢٤
أهلاً بيكي، وخصوصًا في الأوقات الصعبة زي دي. أول حاجة عايزة أقولك إنها خطوة شجاعة منك إنك سحبتي العلاج تحت إشراف الطبيب، وأنا بفهم إنك حاسة بالتعب والخوف دلوقتي. عشان تخرجي من الحالة اللي أنت فيها، جربي تمارسي بعض الأنشطة اللي ممكن تخفف عنك. مثلاً: التأمل والتنفس العميق: حاولي تقضي شوية وقت يوميًا في التأمل، ركزي على تنفسك وحاولي تطردي الأفكار السلبية. ممارسة الرياضة: حتى لو كانت رياضة بسيطة زي المشي في الهواء الطلق. الحركة بتنفع كتير للحالة النفسية. التواصل مع الأصدقاء: حاولي تقولي لأحد مقربلك عن مشاعرك. الدعم الاجتماعي مهم جدًا. كتابة اليوميات: اكتبي مشاعرك وأفكارك كل يوم. ده ممكن يساعدك في فهم نفسك أكتر وتفريغ الضغط. النوم الجيد: حاولي تنظمي مواعيد نومك وتخططي لوقت للاسترخاء قبل النوم. من الطبيعي إنك تحسِّي بالخوف، بس في أمل دائم. حاولي تكوني صبورة مع نفسك، واعملي حاجة تحبيها أو تلهيك. وإذا حسيتِ إن مش قادرة تتحملي، مش غلط إنك تقدري تراجعي لطبيب تاني أو تتواصلي مع متخصص نفسي. حاولي تفتكري إنك مش لوحدك، وأنتِ قوية جدًا!
تم النشر الجمعة، ٢ أغسطس ٢٠٢٤
1 اكتشف هوايات وطورها 2_ شارك في اجتماعات الدردشة بين الأشخاص من نفس حالتك 4_ كن في جو فيه أطفال صغار (كالميتم أو ملاهي الألعاب) 4 5_ مارس الرياضة 6_ شاهد مسلسلات وافلام تحفيزية على مواجهة الازمات.
تم النشر الأحد، ٤ أغسطس ٢٠٢٤
السلام عليكم ورحمه الله وبركاته. بما انك كنت متشخصه كتاب ضروري يكون كان في ظروف قبلها يعني كانت متدرجه لحد ما وصلتي للاكتئاب لحد. من اللي انت كاتباه ممكن يكون الاكتئاب ده بسبب انك موجوده بعيد عن اهلك ممكن تكون دي ظروف دراسه فانت مثلا قاعده في سكن الطلبه ممكن الظروف دي ما تناسبكيش ووعدك عن اهلك هو اللي مسبب ده لو انت لما بتنزلي اجازه الاعراض دي بتخف وبتكون الوضع احسن فيبقى غالبا هو ده السبب فالموضوع مرتبط بالسبب بشكل كبير وكل ما تخلصنا من السبب كل ما الوضع هيتحسن. لانه ضروري كل واحد فينا يشوف ايه اللي يناسبه ويحاول على قد ما يقدر يوفر الظروف دي في حياته الشكل اللي يناسبه علشان ما يبقاش بيعرض نفسه لازمات او ظروف بتخليه في وضع مش احسن حاجه. طيب هل انت تقدري تتخلصي من الاكتئاب؟ بانك تبعدي عن الادويه وتعملي ده لوحدك انت تقدري تقدري تعملي ده ازاي بانك همم تخرجي من الحيز الضيق بتاع الاكتئاب اللي هو بيقول لك مفيش حاجه هتبسطك للحيز الواسع بتاع ان احنا غرقانين في نعم من ربنا محتاجين نقعد نستمتع كده واحنا بنتاملها حاولي كل يوم تاخدي نعمه من نعم ربنا وتتامليها طول اليوم وتركزي انك تستخدميها وتشوفي انت بتستخدميها ازاي وتركزي على انك تستخدميها في حاجات تفيدي بيها نفسك وتفيدي بيها غيرك وتبقي كده بالضبط كانك بتحمدي ربنا على النعمه دي باستخدامها بشكل حلو. تركيزك في حاجات هي فعلا من مسببات الرضا والسعاده يساعدك كتير جدا في انك تخرجي من الاكتئاب وتخرجي للبراحل الحلو بتاع الدنيا وتبعدي عن التفاصيل اللي بتكون قاطمه وضيقه وهي اللي بتجيب الخنقه والاكتئاب. حاولي تعملي كده ده ولو فرق معاكي ولو بنسبه بسيطه يعني هكون مبسوطه ان شاء الله ونكمل مع بعض نشوف ممكن نعمل ايه ثاني؟
تم النشر السبت، ٣ أغسطس ٢٠٢٤
هل تشخيصك كان اكتئاب فقط أم panic attack؟ الاكتئاب لا يسبب الخوف، الاكتئاب أصلًا يفقد الإنسان شعوره بما حوله تمامًا. أخبريني هل شعور الخوف دائم أم هي نوبات؟ مم أنتِ خائفة؟ مثلًا من الموت؟ هل تشتكين في هذه اللحظات من ضعف وتسارع في نبضات القلب وغثيان وشعور بالرغبة في التقيؤ؟
تم النشر الجمعة، ٢ أغسطس ٢٠٢٤
الله يعين ويعينك كل ما جاك الشعور السئ قولي لنفسك هتعدي واطلعي من المود اعملي اي حاجه شتتي نفسك عن نفسك يارب العالمين الشفاء لي ولك
تم النشر السبت، ٣ أغسطس ٢٠٢٤
اللهم امين يااارب
تم النشر السبت، ٣ أغسطس ٢٠٢٤
لعرض السؤال في فدني اضغط هنا