عندي مشكله
اني ساعات بحس نفسي مخنوقه جدا وانا كان حلمي ادور علم نفس القاهره وللأسف نصيبي كان معهد عالي وانا مش طايفه المعهد خالص ولا حتي مشواره ودخلت تجاره انا مش بحب الرياضه ازي بس قالو انها سهله وحقيقي انا تايهه وكنت يصلي وقطعت مش عارفه انتظم خالص والطول بعيط اني مدخلتش جامعه القاهره وعلطول مخنوقهوفي وسوس ف دماغي اني وازي نفسي قدام عرييه مش عارفه اعمل اي مفيش حاجه حلوه في حياتي
بصي حاليا الشغل حاجه والكلية حاجه .. يعني انتي ممكن بعد ما تخلصي دراستك اللي انتي مش حباها .. ممكن عادي تبدأي تعملي كارير لنفسك تاني وتبدأي فيه. وبدون اي شهادة جامعية فيه. يعني ملحقتيش علم نفس .. ممكن بعد كده تبقى (مدربة حياتيه - لايف كوتش) ف برضه هتبقى ف نفس الدايرة .. الحياة مش نهاية العالم فيها الجامعة ولا الثانوية. انا عارفه انك مصدومة بس صدقيني الحياة العملية غير كل ده. لو مش عايزة دلوقت المعهد جربي تدخلي حاجه ممكن تكوني ع الاقل فاهمه وحابه تدرسيها حتى لو مفيش علاقة بيها بعلم النفس.
تم النشر السبت، ٧ أكتوبر ٢٠٢٣
خلي عندك يقين ان ربنا بيحطك في المكان الصح دايما
تم النشر الأحد، ٨ أكتوبر ٢٠٢٣
ارضى بما كتبه الله لك ، دائما سيكون الافضل لكى ، المهم تعملى الى عليكى و تحاولى تبقى احسن حد في مجالك
تم النشر الأحد، ٨ أكتوبر ٢٠٢٣
صلي وارجعي ل ربنا فوقي نفسك بنفسك الواحد مش ضامن عمره ..الصلاه هي أساس حياتك ..خنقتك جايه من بعدك عن ربنا ..ربنا بيحبك واختارلك المكان الصح ف متبعديش عنه ♥️ربنا يكتبلك الخير
تم النشر السبت، ٧ أكتوبر ٢٠٢٣
احيكلك حاجه ..كان في واحد دخل كليه وعدي الترم الاول بامتياز والترم التاني كل المواد امتياز ماعدا تلات مواد دكتور بدل ورقه بورق ولد تاني يقربه ف سقط في المواد دي وكدا طبعا لازم يعيد السنه كان هيتجننن ودخل في اكتئاب وكدا طبعا هيفضل طول السنه علي ال٣ مواد دول اللي هو المفروض كان يجيب فيهم امتياز .المهم ميأسش واشتغل علي نفسه واحد كورسات وكمل الكليه وهو في رابعه كليه عرف أن الكليه قالت هتعين الخريجين من دفعه كذا بامتياز معيدين في الكليه .وسبحان الله دي كانت دفعته اللي هو سقط منها في اليوم دا زعل اوي والدنيا اسودت في وشه بس رجع ل ربنا وصلي وقعد يدعي ويقول ي رب انا راضي والله بس النفس ضعيفه بس انا راضي. وراح تصدق لواحد فقير وفك كرب واحد متضايق ...وإذ فجاءه بعد اسبوع وصله كلام عن الكليه انها رفضت تعيين الدفعه دي لأن كان فيها غش وتسريب امتحانات والكليه قالت هناخد من الدفعه اللي بعديها اللي هي لسه هتتخرج السنادي وب امتياز .شوفتي كرم ربنا!!! اتخرج ب امتياز واتعين معيد في الكليه ♥️شوفتي بقى حكمة ربنا ف أنه يتأخر سنه؟ ..
تم النشر السبت، ٧ أكتوبر ٢٠٢٣
ربنا خلق السماوات والأرض وما بينهما في ستة أيام ..تخيلي خالق الكون دا كله في ٦ايام ..مش هيكون قادر يديكي حلمك اللي كنتي بتتمنيه! اكيد لا قادر وبشكل اسهل عليه من حركة رمش عينك عليكي ..بس كل الحكايه أن ربنا شايف ليكي الخير في المكان دا حتي انتي لو مش حاباه صدقيني ربنا هيسببلك الأسباب وهتحبي المجال دا جدا .وع فكره زي مانتي مش حاباه ودخلتيه في غيرك كان بيتمناه ومقدرش يدخله برضو ..طول مانتي بتفكري في الماضي نفسك هتقعد تحسسك قد اي دا مش مكانك وحاجات سلبيه كتير .ارضي بمكانك وارضي بقضاء ربنا واشتغلي علي نفسك وخدي كورسات متضيعيش وقت وابقي متميزه في مكانك بدل ماكنتي تدخلي المكان اللي انتي حباه وتفشلي فيه...ع فكره تجاره حلوه جدا ومجالاتها جميله جدا خدي كورسات انجليزي وادخلي قسم محاسبه والله هتبقي احسن من احسن اخصائيه نفسيه ...ع فكره والله علم نفس تقدري كمان تاخدي فيه كورسات وتعملي دبلومه بعد ماتخلصي معهدك وتبقي برضو اخصائيه نفسيه ..بس صدقيني مجالك حلو جدا وهتبقي مميزه فيه طالما ربنا حطك في المكان دا .ربنا عالم بقدراتك اكتر منك ♥️الكلام دا عن تجربه وبجد متضيعيش وقت وتندمي زيي اشتغلي علي نفسك من اول لحظه وخدي كورسات وارضي بمكانك ♥️
تم النشر السبت، ٧ أكتوبر ٢٠٢٣
🙄🙄 وليه متقوليش انه ممكن يكون الخير... انا برضو كان نفسى ادخل كليه هندسه ودخلت حاجه تانيه ... وبقيت حاجه تالته خالص... احنا ليه بنوقف احلامنا عند حاجه ولو محصلتش الدنيا تتهد.... تقبلى الواقع بالرضا ... ليه متقوليش جواكى لعله خير ... يمكن فى المعهد تتخرجي وتبقى معيده فيه مثلا... او هتتوفرلك فرصه شغل جميله فى المجال ده ... مممم او مثلا ربنا عمل كده عشان تقابلى حد معين هيكون يد الله فى حياتك ويكون ربنا مسخره انه يعمل حاجه معينه تكون ليها اثر مختلف وجميل فى حياتك ... الحياه وقدرنا أعمق بكتير من اللى احنا بنشوفه... بس اللى انا متأكده منه أن مفيش حاجه بتحصل صدفه..... مفيش حاجه بتحصل وخلاص.... اكيد خير .... تفائلي وارضى
تم النشر السبت، ٧ أكتوبر ٢٠٢٣
لعرض السؤال في فدني اضغط هنا