السلام عليكم
انا عايز مساعدتكم انا خريج بكالوريوس الخدمه الاجتماعيه 2024 بتقدير عام جيد 73% وحابب أدرس ماجستير في دوله في اوروبا ولكن انا عندي مشكلتين المشكله الاولى:
انا مش عارف أختار تخصص مناسب في دراسه الماجستير ومحتار بين تخصصين هما (إدارة الأعمال وإدارة الموارد البشرية)
المشكله الثانيه :
أنا بحاول ادور على جامعه تكون فيها سنه تحضيريه او بتقبل بالانجليزي ضعيف شويه لان عقبه الانجليزي عندي انا مش عارف اتخطاها ومش عارف احسن فلو حد يقدر يساعدني او يعرف جامعه بتقبل بالامور اللي انا قلتها دي او لو في سنه تمهيدي او دراسه لغه فياريت حد يفيدني لان نفسي اسافر اكمل الخطوه دي في حياتي بره واستقر هناك
ولو حد عنده فكره إزاي اطور الانجليزيه
شكرآ ليكم جميعآ❤❤
و عليكم السلام و رحمة اللّٰه و بركاته ممكن تعمل كذا حاجه تحل احتيارك بين التخصصين ابحث بشكل اعمق عن طبيعه شغل الإتنين و هل الشغل متوفر بشكل كبير ف المجال ده ولا لاء و طبعاً يستحسن قبل متاخد خطوه ناحيه اختيارك تصلي استخاره و ربنا هيقدملك اللي في الخير أنا مقدرش اساعدك من ناحيه الجامعه بس بالنسبه للإنجليزي ف أنتَ لو عايز تسافر برا لازم تطورو عشان متواجهش مشاكل تقدر تطورو عن طريق كذا حاجه ذي انك تتفرج على فيلم قصير او حتى برنامج امريكي مش مترجم بالعربي و بعد متتفرج شوف أنت فهمت ايه من كلامو بظبط او المحتوى بيتكلم عن ايه حاول تترجم و تسمع كتير للبرامج عشان النطق معاك يتحسن و تتعود على اللغه تقدر تاخد كورسات بشهادات معتمده من مواقع معروفه ، هتفيدك جداً في مجال شغلك لإن دلوقتي اغلب الدراسات معتمده على الإنجليزي و بردو هتزيد فرصه عملك عن طريق تحسينك للغه و لازم التواصل في اللغه تقدر تعمل كدا عن طريق الكورسات تحاول تنمي مهارات التواصل بالإنجليزي عشان ده مهم جداً ف اي انترڤيو للشغل جرب تقرأ روايات بالإنجليزي دا هيساعدك في تنميه اللغه و بردو انك تستخرج الكلمات الغريبه عليك و تحفظها دا هيبقا مفيد جداً لازم تاخد خطوه جاده في موضوع تعلم اللغه و يكون عندك شغف قوي عشان تقدر تتعلمها بإستمتاع سواء بودكاست او برامج انجليزيه تسمعها و أنتَ في المواصلات دا هيكون ممتع جدا و مفيد و جرب تكتب مثلاً عن يومك بس بالإنجليزي و تدخلو على لينك يصححلك الغلطات او حتى شات gpt تستعملو في تنميه اللغه و اتمنى لك التوفيق في مسيرتك الدراسيه
تم النشر السبت، ١١ يناير ٢٠٢٥
وعليكم السلام ورحمة الله وبركاته. أخي العزيز، أشكرك على طرح سؤالك، وأستطيع أن أرى شغفك وإصرارك على متابعة دراستك والانتقال إلى مرحلة جديدة في حياتك. سأكون هنا لمساعدتك في المشكلتين اللتين تواجههما. اختيار تخصص الماجستير : عليك أن تفكر في اهتماماتك الشخصية والمهنية. إذا كنت تميل إلى العمل الإداري والاستراتيجيات التجارية، فربما يكون تخصص إدارة الأعمال هو الخيار المناسب لك. أما إذا كنت تهتم بكيفية التعامل مع الأفراد ودعمهم في بيئة العمل، فإن إدارة الموارد البشرية ستكون أفضل. يمكنك أيضًا البحث عن المعلومات حول كل تخصص، وممكن أن تستشير أشخاص يعملون في هذا المجال، أو تطلع على مساقات دراسية لتحديد ما يناسبك بشكل أكبر. البحث عن جامعة مناسبة : هناك العديد من الجامعات الأوروبية التي توفر برامج دراسات عليا تقبل الطلاب بمستويات مختلفة من اللغة الإنجليزية، وغالبًا تشمل سنة تحضيرية. يمكنك البحث عن الجامعات التي تتبنى نظامًا مرنًا في قبول الطلاب، مثل بعض الجامعات في ألمانيا، هولندا، أو دول الشمال الأوروبي. عليك زيارة المواقع الرسمية للجامعات والتواصل معهم للاستفسار عن متطلبات الدخول والبرامج التحضيرية. تطوير اللغة الإنجليزية : حاول الانخراط في ممارسات يومية تستخدم فيها اللغة الإنجليزية. يمكنك قراءة الكتب، مشاهدة الأفلام، أو حتى التحدث مع أصدقاء يجيدون الإنجليزية. فكر في الالتحاق بدورات لغة مناسبة في مراكز تعليمية أو عبر الإنترنت. هناك العديد من المنصات التي تقدم دروسًا تفاعلية وتقوية للغة الإنجليزية. أسأل الله أن يوفقك في خياراتك، وأن يفتح لك أبواب العلم والنور. إذا احتجت إلى مزيد من المعلومات أو الاستفسار عن شيء معين، فلا تتردد في السؤال. ❤️❤️
تم النشر السبت، ١١ يناير ٢٠٢٥
بالتوفيق
تم النشر السبت، ١١ يناير ٢٠٢٥
لعرض السؤال في فدني اضغط هنا