انا في 3 ثانوي والحمد لله منظم دراستي ومش مراكم حاجه ومذاكر المواد كويس والإنتاجية عندي عالية لكن بحس لما يكون في شخص اتنافس معاه انجازي بيبقي عالي فهل ده شيء طبيعي؟
وهل في أي شخص نقدر نتحدي بعض في المذاكرة ونحفز بعض
هى دى حاجة مرتبطة بشخصيتك انك بتتحمس بفكرة المنافسة مفيهاش مشكلة ...حاول تلاقى حد تتنافسوا سوا. وياريت تبقي فى نفس الوقت بتساعد حد وتشجعه فى هنا كتير بيسألوا عن حل لفقدانهم شغف المذاكرة ممكن انت تساعدهم فى ده جدا .
تم النشر الخميس، ٢٣ مارس ٢٠٢٣
بالعكس المنافسة فما يرضي الله مطلوبه وده علم إنت بس دايما ادعي ربما يطهر قلبك ويصلح قلبك وتبقي بتنافس وبتساعد يعني المنافسة السليمه عدم بخلك بعلمك والاجتهاد والممارسة هما النجاح مش المعلومه فتاكد إنك مش تبخل بيها وتستمر وتجتهد
تم النشر الأربعاء، ٢٢ مارس ٢٠٢٣
ده طبيعي جدا، وشئ كويس ومحفز كمان .. زيها زي اي رياضة فيها تنافس .. فبتبقى عايز تكسب. متقلقش المهم متبقاش حاسس ناحية الشخص ده بحاجة سيئة .. او ضغينة او حقد .. اما المنافسة الشريفة ديه حاجة كويسة طبعا.
تم النشر الأربعاء، ٢٢ مارس ٢٠٢٣
ده طبيعي وحلو جدا ان دافعيه الانجاز والانجاح عندك عاليه طول منت بتتعامل بشكل سوي ف منافستك مع زمايلك ومبتشلش ضغائن او بتحقد عليهم او بتتمنالهم الشر ف انت تمام جدا واستمر ع ده
تم النشر الأربعاء، ٢٢ مارس ٢٠٢٣
مرحبًا! ذلك الشعور بالتنافس لديك طبيعي جدًا، فالتنافس يمكن أن يكون محركاً قوياً للإنتاجية والنجاح. يمكن أن يكون لديك صديق أو نظير يهدف نحو النجاح بنفس درجة الحماس الذي تملكه، وعندما يكون لديكما أهداف مشتركة و تحدٍّ معًا، يمكنكما تشجيع بعضكما البعض وتحقيق الأهداف بشكل أفضل. ومن الممكن أن تنضم إلى مجموعة دراسية أو تقومَ بالمذاكرة مع صديق تعتقدُ أنَّه يمكنَه دفعكَ للأمام، والتحدي في هذه الحالة سيكون بناءً على التفاهم المتبادل وتحطيم الحواجز التي تمنعك من الوصول إلى أهدافك. أنصحكِ بعدم المقارنة مع الآخرين بشكل مباشر، بل باستخدام إنجازاتهم كحافز وتحفيز لنفسك لتطوير وزيادة إنتاجيتك.
تم النشر الأربعاء، ٢٢ مارس ٢٠٢٣
علوم
تم النشر الجمعة، ٢٤ مارس ٢٠٢٣
رياضه ولا علوم
تم النشر الخميس، ٢٣ مارس ٢٠٢٣
علمي
تم النشر الخميس، ٢٣ مارس ٢٠٢٣
انا اقدر اكون المحفز ليك وبرضو تحفزني بس انت علمي اس ولا ادبي
تم النشر الخميس، ٢٣ مارس ٢٠٢٣
لعرض السؤال في فدني اضغط هنا