كنت بحب خطيبتي اوي ومن اقبل ما نتخطب كنت بعشقها وكانت امي رافضاها وحاربت علشانها سنة وف الاخر امي رضيت اني اخطبها وحصلت مشاكل تاني في الاتفاق للجواز ورغم كده عدت باتفاق اني هتكفل
بكل ما في الشقة علي عكس العرف والمشاركة، ودلوقتي لينا ١٠ شهور خطوبة وحاسس اني مشاعري تجاهها قلت اوي مفيش اللهفة اللي كانت عندي زمان وهي حاسة بكده علطول بقيت حاسسها شخص عادي ف حياتي
بكلمها كل يوم بس مش بلاقي كلام اقولو ومش عارف اعمل ايه ولا فاهم ايه حاصلي!
وضع طبيعي ان المشاعر في البدايات مش بتستمر، عشان كده الزواج القائم على الحب والاعجاب بس مش صح لكن مدام كان في اعجاب وقبول، ندور على المميزات الاخرى التعليم والثقافة والتفاهم والأخلاق وهل هي بعيدا عن المشاعر والعاطفة المرأة الي انت عاوز تكون شريكة حياتك. الجواز القائم على المشاعر والرغبة بس بيفشل مع الوقت
تم النشر الأحد، ١٠ نوفمبر ٢٠٢٤
يبدو أنك استنزفت مشاعرك معها قبل وبعد الخطوبة وهذا كان خطأ ولو التزمت بضوابط الخطوبة الشرعية وضوابط العلاقة مع المرأة الأجنبية لما فقدت الشغف - عليك أن تبدأ صفحة جديدة في علاقتك معها يكون الكلام معها بحضور أهلها في البيت فقط لمدة وانظر بعدها هل عاد إليك الشغف بها أم لا https://www.islamweb.net/ar/consult/2481197/ما-هي-ضوابط-العلاقة-بين-الخطيبين
تم النشر الجمعة، ٨ نوفمبر ٢٠٢٤
السلام عليكم ورحمه الله وبركاته. طبعا الاساس الاساس في الشعور الحالي هو ان انتوا خلصتوا كل حاجه قبل الخطوبه الخطوبه ذات نفسها مش المفروض حتى يطلع فيها المشاعر بالشكل اللي هو كثير قوي قوي ده. علشان ده بيضره العلاقه نفسها. فاحنا كمان عملنا ده قبل الخطوبه. فالغرض بتاع الخطوبه مش هتلاقوه دلوقتي لان انتوا خلصتوه قبل الخطوبه اللي هو ان انتوا تعرفوا على بعض تعرفوا اذا كنتوا مناسبين لبعض علشان تتجوز ولا لا وهكذا بما ان انتم خلصتوا ده فاستغلوا فتره الخطوبه حاليا ان هي فتره التجهيز للجواز اتناقشوا اكتر في التفاصيل اللي انتوا هتبنوا عليها البيت بتاعكم اتناقشوا اكثر في تفاصيل عمليه اكتر اييي مساله المشاعر بقى خلاص احنا عرفناها واتاكدنا منها ثاني نقطه انا حابه ان انا اقول لك عليها مساله اللهفه مفيش حد يقدر يفضل ملهوف على طول. محدش ملهوف طول الوقت على خطيبته ومحدش ملهوف طول الوقت على زوجته لانه في نقطه بتحصل مع البني ادم سواء الراجل او الست وهي نقطه الطمانينه فممكن بتكون اللهفه في الاساس ومن قبل الخطوبه كلها كان مصدرها انه انا مش مطمن ان الشخص ده ااا بتاعي ومعايا ومنتظر خطوه تاكد لي ان هو معايا اللي هي خطوه الخطوبه او عقد الزواج فلذلك بحس طول الوقت ان انا في حاجه مسببه لي قلق وببقى عايزه اعمل كل الحاجات او اقول كل الكلام اللي يطمن القلق ده او اسمع من اللي قدامي كل الكلام اللي يطمن القلق ده. فاا بتكون ده. كان دافع الاساسي للحفه لكن لما بتتحقق خطوه اا بتدينا طمانينه فله فطبعا هتخف اللي هو تمام بقى خلاص احنا مع بعض يعني فما تقلقش خالص كل الكلام ده عادي جدا ابدؤوا بس اتكلموا في حاجات عمليه اكتر ادخلوا في تفاصيل تخص حياتكم اكثر شوفوا دوره تكون هي دوره تاهيل للزواج علشان تعرفوا تفاصيل اعتقد ان ممكن تكونوا مفكرتوش فيها ازاي هتديروا الخلافات اللي ما بينكم ازاي هتربوا اولادكم ان شاء الله هتتجوزوا ويبقى عندكوا ذريه ربنا يجعلها صالحها ازاي لو في خلا ما بين الاهل هتتعاملوا معها ايه القواعد اللي انتوا هتحتاجوا تحطوها مع بعض يعني هتلاقوا تفاصيل كتير جدا فيبداوا خدوا خطوات عمليه وحطوا حاجات تعملوها سوا كلها تبقى نتايجها هتصب في حياتكم اللي انتم فيها مع بعض.
تم النشر الجمعة، ٨ نوفمبر ٢٠٢٤
مش صحيح انك تكلمها كل يوم بل يومين ع الاقل اسبوعيا، وزيارة كل اسبوع مع حضور حد تالت... وتخف الكلام، الشوق يزيد الود يكبر... اسأل الدين والشرع
تم النشر السبت، ٩ نوفمبر ٢٠٢٤
بص ادي نفسك وليها فرصه بردو واهم حاجه التفاهم حاول بس تعمل الي عليك وممكن هي حست بده فبعدت مثلا والجواز فالاخر حاجه تانيه بس حاول وادعي
تم النشر الجمعة، ٨ نوفمبر ٢٠٢٤
مرحبا، حضرتك بالقصة ذكرت الاسباب احساسك بالرفض اتجاه التصرفات يلي عملتها واقتناعك بأنه هالشي مو من العرف ولا من مسؤولياتك ولد فكرة سلبية اتجاه خطيبتك وكمان مشاعر الرفض يلي من والدتك أثرت فيك حتى لو كنت مقتنع انه هاد الصح.. لهيك اتغيرت المشاعر اتجاهها وحتى لو ما كنت قاصد، وتغيير المشاعر أثر على مكانتها بقلبك حتى لو شي بسيط وفقدت بهجة المشاعر يلي كانت اتجاه هالشخص .. طبيعي الحياة ما ح تكون وردية كل الوقت وأكيد دائماً المواقف بتأثر على مشاعرنا بس أكيد مابتغيرها جذرياً، لهيك انت بحاجة تتأكد من مشاعرك اتجاهها وتتناقش معها بكل صراحة وتلاقوا حل بناسبكن.
تم النشر الجمعة، ٨ نوفمبر ٢٠٢٤
لعرض السؤال في فدني اضغط هنا