اسفه جدا ليكي ولمشاعرك دي كلها صعب جدا الي انتي مريتي بيه ومشاعر الخوف صعبه جدا بس ممكن توضحيلي هم بيأذوكي ازاي لدرجه تخليكي خايفه وانتي نايمه وبيفرقوا بينك وبين اخواتك ازاي؟ وبتخافي من مين اكتر ماما ولا بابا وعلاقتك بأخواتك عامله إيه وهل ليكي صحاب ولا لا؟
ده ف حد ذاته العلاج النفسي بيوفره بأمان بدون استغلال واوقات كمان العلاج النفسي بيساعدها انها تعرف تتعامل معاهم وتغير سلوكهم اتجاها ولو معرفتش بيعلمها تتقبل بشكل صحي وتفرغ بشكل سوي متأذيش نفسها ابدا ومتحسش بالغضب والخوف والحزن ده
تم النشر الأحد، ٢٦ فبراير ٢٠٢٣
هي مش محتاجة علاج نفسي من الاهل غير بأنها تطلع اللي جواها لحد قادر يحتوي عنها ويخفف عنها ويواجهم غير كده بيبقي صعب
تم النشر الأحد، ٢٦ فبراير ٢٠٢٣
عارفه ان البيت صعب جدا ومسببلها اذيه كتير بس اوقات انت بتكون محتار بين حلين انك تسكت او انك تطلب مساعده ..ف حل انك تسكت وتتحمل للأسف عواقبه اصعب لانه بيبقا ضغط نفسي مضاعف وكمان احتمال الاذى الجسدي اكبر وف حل انها تتكلم ع الاقل هتكون بتدور ع حل مش سلبيه ومش هتنضغط نفسيا من الكبت وان طبعا في احتمال يسقط عليها عنف لكن الحل المنطقي انها تدور ع حل يساعدها نفسيا تخرج من المشكله دي حتى لو هتطلب العلاج النفسي ليها وتتعالج اونلاين لو مش هتعرف من البيت ودلوقتي الجلسات الاونلاين سهلت كتير ع الناس ع الاقل هم لو معترفوش ان عندها مشكله بسببهم او بسبب اي حاجه المهم عندهم انكار بالمشكله ووسيله العلاج هي ف اديها تساعد نفسها وتطلب المساعده دي من مكان مضمون ومختص ومتعش ف الرعب الخوف والكبت ده
تم النشر الأحد، ٢٦ فبراير ٢٠٢٣
ربنا يوفقك لما يحبه ويرضاه ويهديكم عليكي يارب
تم النشر السبت، ٢٥ فبراير ٢٠٢٣
شكرا بجد ليكو علي كلامكم ومساندتكم ليه وشكرا بجد لحضرتك علي وقوفك جمبي وكلامك معايا هحاول ارجع زي الاول واحسن باذن الله
تم النشر السبت، ٢٥ فبراير ٢٠٢٣
بيتها صعب يا أسماء شبيه بيبتنا في وقت ما بس ده كله أتغير مع الوقت والله لو في ايدي أكلمهم أنا هعمل ده وبدون أي مقابل منك أو منهم بس هديكي نصيحة لله أعملي كل حاجة في البيت وقربي من ربنا ومتديش لحد يمسك غلطة عليكي وأكيد وقت قليل هيتغيروا ويراجعوا نفسهم بأذن الله ومتحاوليش تحطي أي كلام جواكي يضايقك وأثبتي للكل بدراستك أنك أحسن من 100 راجل وبأحترامك أنك احسن من مليار أنثي وربنا مش بيضيع حق حد
تم النشر السبت، ٢٥ فبراير ٢٠٢٣
هما فعلا مش بيأمنوا بالطب النفسي والحاجات دي
تم النشر السبت، ٢٥ فبراير ٢٠٢٣
حاولي تدخلي حد من عيلتك وتطلبي منهم انك تروحي لمختص نفسي ويشتركوا ف العلاج حتى لو تحوشي من مصروفك وتروحي انتي تتلقي العلاج لان مشاعر الخوف صعب تتعايشي معاها
تم النشر السبت، ٢٥ فبراير ٢٠٢٣
عمي طيب وعلي نياته رغم أنه الكبير بس بيخاف من بابا حتي لو طلبت محدش هيقدر يساعدني وهما اصلا مش بيأمنوا بالطب النفسي والحاجات دي
تم النشر السبت، ٢٥ فبراير ٢٠٢٣
لا مش من الصعيد
تم النشر السبت، ٢٥ فبراير ٢٠٢٣
كلامك مظبوط لازم مساعدة من الأهل فعلا لأما توافقي علي عريس أبن حلال يناسبك ويبعدك عن كل الهم ده بس أهم حاجة أختيارك ليه يكون بدقة وهدوء لأن ده في حالتك هيكون الاب والزوج والأم والأخت بس أولا لازم تدخلي حد من أهلك وتقريبا كده علي كلامك تقريبا كده من أهل الصعيد؟ صح لأن الغالب في طبعهم الشدة ف معاملتهم لبناتهم بس ربنا كبير متقلقيش وأحنا هنا هنساعدك وهندعمك بأي شكل أنت زي أخواتي البنات ومتمناش أهانة لمخلوق كرمه الله
تم النشر السبت، ٢٥ فبراير ٢٠٢٣
بيفرقوا ما بيني وبين أخواتي في كل حاجه سواء معامله اهتمام تفضيل دايما فلوس دايما أنا الاخيره عندهم في كل حاجه لما بزعل بيسبوني كاني مش بحس ولا بزعل عمرهم ما قدروني ولا خافوا علي مشاعري ولا حاسوا بيه ولسه لحد دلوقتي. أما بقي لو حد من أخواتي زعل ميسكتوش الا لما يصالحوه ويضحك بيختفوا علي مشاعرهم سواء ولد او بنت حتي لو غلطت تتعاقب أشد عقاب غيري يغلط عادي ده غلط ومعدش يتكرر ساعه المصلحه لو أنا معملتش اللي بابا عايزه اتحرم من المصروف حتي في دي اقل واحده للدرجادي أنا مستهلش في نظرهم كده انا يوم ما رجعت من الامتحان مش مجاوبه كويس لأني بنسي كتير اوي قالولي أمته. تخلصي كليه عشان نرتاح لو تموتي وتريحينا لحد ما بقيت بكره نفسي بقرف ابص لنفسي في المرايا بشوف إني مستهلش كل حاجه وإني نكره وإني تحت جزمته زي ما بابا قالي وإني هفضل كده ولحد دلوقتي واحده معايا في الكليه بترن عليه عشان حاجه يقولي واحده زميلتك بردوا بقيت بكره نفسي جدا
تم النشر السبت، ٢٥ فبراير ٢٠٢٣
اطلبي المساعده من حد من اهلك جدك او عمك او خالك ولازم بجد تطلبي مساعده مختص نفسي وهم لازم يخضعوا للعلاج النفسي الاسري معاكي لان ده خطر عليكي جدا والخوف من ابشع المشاعر الي ممكن يتعرضلها الانسان
تم النشر السبت، ٢٥ فبراير ٢٠٢٣
المعامله وحشه جدا مفيش تقدير ولا احساس أنا دلوقتي في تانيه جامعه ولسه بنضرب وبتشتم قدام أخواتي الصغيرين بيتتاعملوا معايا علي اني لسه في الابتدائي أنا لو غلطت انضرب بعنف واتحبس بيتعاملوا معايا وكاني وصمة عار بالنسبه لهم وبالذات بابا أنا جيت فتره مكنتش بتكلم ولا باكل وكنت قاعده في الأوضه لوحدي وفي الضلمة من غير سبب كل اللي شوفتوا من بابا أنه حبسني وضربني عشان قاعده لوحدي أنا لما ملقتش الاهتمام المطلوب ولا حتي الحب والحنيه ولقيتها في الغريب كلمت ولد مكنش في دماغي حاجه كل اللي في دماغي إني عايزه اتكلم تعبت من الكتمان لقيت الاهتمام لقيت اللي يسمعني ويوم ما عرف كان هيموتني بالسكينة وبقيت بالنسباله وصمه عار ولحد دلوقتي بتشتم وبنضرب عشان الموضوع ده مفكرش ليه أنا عملت كده انا لما بشتكي من حاجه بيقولولي احنا هنعملك اية متوهميش نفسك متشغليش بالك من كتر ضربهم وكلامهم بقيت بخاف منهم بطريقة فظيعة لدرجة أن خبطة الباب بتخوفني صوت رجلهم وهما ماشين بيخوفني كان بيجي عليه ايام مكنتش بنام فيها من كتر خوفي منهم ولما كنت بنام كنت بصحي مفزوعه من حلم وحش إني بشوف تعابين مش مرتاحة وسطهم مش حاسه بالأمان معاهم أنا بحس بالأمان لما ببقي بعيده عنهم
تم النشر السبت، ٢٥ فبراير ٢٠٢٣
لعرض الإجابة في فدني اضغط هنا