انا دائما بهرب من المشاكل يعني كنت في ثانويه عامه وحصل مشكله بيني وبين اخويا وكانت مشكله كبيره جدا وقتها تركت البيت ورحت مكان تاني بعلم ابي ووقتها فشلت لأن المشكله أثرت عليا نفسيا ومكملتش تعليمي وبعدها اتجوزت راجل لا يحب أن يعمل ليكفي احتياجات البيت ودائما في ديون وهو مش في دماغه شئ غير القاعده في البيت والنوم وانا تعبت من حياتي معه وعايزه برضه اهرب من حياتي معه بالانفصال ولكن عندي بنتين ولكن ارغب في تكمله تعليمي واشتغل وصرف علي بناتي ولكن كل من حولي يرفض اني اطلق لان البنات هتتبهدل وانا مش عارفه اعمل ايه
كويس انك واعيه لفكرة انك ممكن تكونى اول حاجة بتفكرى فيها هى الهرب . مش شرط يكون هروب الا لو دى اول حاجة بتعمليها لما بتلاقى مشكلة. الا لو فى حلول اخرى وانتى بتتجاهليها وتروحى لفكرة الهرب. كان ليكى سؤال تانى عن موضوع الشغل والدراسة ...ركزى فى الحل ده افضل وان شاءالله ربنا هييسرلك الطريق ان حياتك تتحسن.....مفيش حياه جواها راحة وبس ....المبسوطين عندهم مشاكل بردوا صابرين عليها
تم النشر الأربعاء، ٢٢ مارس ٢٠٢٣
مش فكره هروب من المشكله بالانفصال بس في مشاكل ملهاش حل تاني انتي اتكلمي معاه وقوليله دي مش عيشه انت مسؤل عن البيت محتاج تكفي احتياجاته وتواجه مشكلتك وقتها محلش اي حاجه الانفصال مش هيكون هروب هيكون قرار والانفصال من اصعب القرارات الي الست ممكن تاخدها ف معنى انك فكرتي فيه ده قوه ونفاذ صبر مش هروب اطلاقا
تم النشر الثلاثاء، ٢١ مارس ٢٠٢٣
مشكلة الطلاق هنا مش هروب، فيه مشاكل لازم تتعاملي معاها. ابدأي انك تتكلمي معاه الاول، وبعد كده لو منفعش الكلام معاه، دخلي حد حكيم سواء من اهلك او من اهله. ولا خلاص كل الحلول مش جايبة نتيجة ... يبقى مفيش حل غير الانفصال.
تم النشر الثلاثاء، ٢١ مارس ٢٠٢٣
لعرض السؤال في فدني اضغط هنا