مبدأيا انا شخص 28 سنه
ناجح في شغلي الحمد لله
ده كلام الناس عني يعني مش نرجسيه او كده لكني وصلت لمرحله مرموقه في الصنعه و معروف في مجال الصنعه
و معايا شهاده جامعيه
لكني اخترت ان اعمل في نفس مجال والدي
انا ابويا شخص لا يعتمد عليه نهائيا و دايما شايف نفسه ان هو صح و ان كلامه اللي يمشي و لازم هو اللي يتراضي و لازم يعيش حياته لان هو راجل و يضيع فلوسه
المشكله بدأت ان والدي جاله الغضروف و انا في اولي كليه و كنت اقف في المكان من اعداديه
لكني تحملت مسؤوليه البيت و المكان من اولي حتي تعافي
مده لم تتعد ال6 اشهر
لي هذه المده بدأت اتقان الصنعه و خلق معاملات طيبه مع التجار و الزبائن
فأصبحت مطلوبا و مستلطف التعامل مع الناس
والدي رجع للعمل مره اخري فاصبحنا انا و هو يد واحده
لكن عند الفلوس فهو يري انني ليس لدي الحق لاخذ المال
رغم انني ارعي ربنا في ابي و اهلي من حيث الماديات
بعدها تركت الورشه لمنازعات
بعدها اصبح وجود ازمه في المحل بسبب المعامله السيئه من والدي لهم و اللعب بالزبائن و التجار من حيث المواعيد و الفلوس
بعدها كنت مضطر للعوده مره اخري
فرجعت و اصبح المكان يستعيد هيبته مره اخري
و لكن ابي كان يلاوعني من حيث المرتب
فيعطيني المال ثم يأخذه مني مره اخري بحجه تسديد دين او انهاء شغل
و كنت مسالما ولا اتعامل بملاوعه
حتي اخذ كل مالي
و اصبحت اعمل يوم بيوم لاصرف علي نفسي
حتي انتهيت من جامعتي
بعدها اشتغلت في شركه و كان مرتبي محترم
لكني اخترت ان اعمل في المحل من وجهه نظري انه محلي و اي شئ افعله فافعله في مكاني و سأستفاد منه مستقبليا
و استمريت لمده 3 سنوات علي هذا الوضع
حتي لاحظت انه يأخذ الفلوس و يصرفها علي الحريم او خروجات او فشخره علي الستات
و كنت في هذه اللحظه لا اجعله يفعل شئ سوي اداره البيت من حيث الاكل و الشرب و هكذا
فوقفت و انزعجت و فعلت مشكله بسبب الفلوس و ان ده شقايا و تعبي و انت بتصرف نصه علي الستات و النص التاني ع البيت
فاصبحت انا الابن العاق و تمت معاجمتي من كل الناس و قالزا لي انت و مالك لابيك
كنت ارد اني اصبحت 27 سنه و مجيبتش شقتي لسه و بياخد كل فلوسي و مش بيقبضني غير ملاليم
ثم اتصافينا و رجعت الورشه تاني كنت سيبتها و اشتغلت علي توكتوك الفتره دي و كنت بطلع اشتغل اوبر و كريم
سيبت الدنيا دي تاني و رجعت للمحل
اصبح يدمر في كل شئ يأخذ الفلوس من الزبائن و يصرفها علي اي شئ
بعدها نتزنق في تسليم الشغل
فتركت له المحل منذ 3 ايام بعد عركه كبيره قولت فيها كل الكلام اللي في قلبي و هو اتضايق جدا
انا دلوقتي نفسيتي وحشه جدا
مرهق طول النهار رغم اني قعدت من الشغل و بنام كتير
مش طايق اكلم حد ولا اتعامل مع حد
ساعات بعيط رغم اني معيطتش من اكثر من 8 سنين
انا مش عارف انا جالي اكتئاب ولا ايه بس مش متظبط و دماغي واقفه مش عارفه تفكر
عاوز حل ارتاح بيه
و نفسيتي دي حتعامل معاها ازاي
فيما معني الكلمه متدمر نفسيا من كلام كتير اتقالي في مدار 10 سنين مش عارف انساه
أنت محتاج تدخل حد بينك وبين والدك يحط النقاط على الحروف - والدتك أو عمك أو خالك ويوضح لوالدك أنك وصلت لسن تحتاج أن تتزوج فيه ويكون بينكما اتفاق أن جزء معين من الإيراد لابد أن يدخر في حساب بنكي خاص بك من أجل مصاريف الزواج وفي جميع الأحوال الكلام يجب أن يكون بالحسنى
تم النشر الخميس، ١٥ يونيو ٢٠٢٣
ممكن تشتغل بعيد عن باباك وتفتح محل لوحدك م غير ما يعرف ونفسيتك قرب م ربنا وصلي وادعي كتير ربنا يصلح حالك وان شاء الله كل امورك تتصلح
تم النشر الأربعاء، ١٤ يونيو ٢٠٢٣
اللهم امين يارب .. شكرا لحضرتك جدا
تم النشر الثلاثاء، ٨ أغسطس ٢٠٢٣
الله يعزك يا رب و دايما اشوفكوا في احسن حال يا رب و يوسع علينا و عليكوا من كرمه و نعمه تحت رضاه و طاعته يا رب
تم النشر الثلاثاء، ٨ أغسطس ٢٠٢٣
سعداء ليك جدا بان حضرتك بقيت احسن وحياتك بقيت في احسن حال .. نتمنى ليك التوفيق والنجاح المستمر والحالة النفسية الجيدة 🌸
تم النشر الثلاثاء، ٨ أغسطس ٢٠٢٣
جماعه انا صاحب البوست انا من ساعه البوست و انا في مشاكل مع والدي الي ان استقر الحال بالبعد و الان انا فصلت شغلي و حياتي عنه و اخدت و الدتي تعيش معايا انا كمان يومين حفتتح الورشه الخاصه بيا و جيبت كل المعدات من كل شي و فعلا نفسيتي الحمد لله بقيت احسن بكتير لما بعدت شكرا ليكوا بجد اتمني منك الدعاء ليا بالتوفيق و النجاح و لكم المثل إن شاء الله ♥
تم النشر الثلاثاء، ٨ أغسطس ٢٠٢٣
انت محتاج تنفصل عن شغل والدك .. وتبدأ لوحدك، طول ما انتم الاتنين مع بعض بالشكل ده هتفضل في نفس الحالة.
تم النشر الأربعاء، ١٤ يونيو ٢٠٢٣
إصنع لك عالم خاص بك بعيد حتى عن والدك يعني في الإسلام هناك بر الوالدين لكن في حدود لكي لا يدخل إطار العبودية التي فقط لله لكن أكمل طريقك بينك وبين إثنان ربك ونفسك فقط ولله التوفيق
تم النشر الأربعاء، ١٤ يونيو ٢٠٢٣
انفصل عنه انت كبرت اشتغل لوحدك وبعد فتره لو قدرت تعيش لوحدك اعمل كده
تم النشر الأربعاء، ١٤ يونيو ٢٠٢٣
نصيحة تحاول تدور على سغل تانى ضرورى وتبدا تكون نفسك بنفسك او لو قدامك فرصة للسفر سافر وانت بتقول ورشة يعنى الشعل تبع عربيا ا نجارة والحرف اليدوية دى مطلوبة كتير برا
تم النشر الأربعاء، ١٤ يونيو ٢٠٢٣
لعرض السؤال في فدني اضغط هنا