اتعرفت على حد و كان فى بينا إعجاب متبادل و فى نفس الوقت اللى اعترفلى فيه بمشاعره مشي علشان ظروفي احسن منه و انه مش عايز يحس انه اقل منى و اختفى تماما من حياتي .. بقالى شهور مش عارفه اتعافى من الموضوع .. لكن هو عايش عادي
ازاى اقدر انسى
فيه قدامنا 2 سيناريو رقم 1 أنه كان عايز يوصل فقط للجزء ده، فيه نوع من الرجالة مش بتستريح غير لما يعلق البنت بيه، وهو ده الصياد، اللي بيفضل صابر لحد بيصطاد السمكة وبعدين يشوف غيرها! بمعنى أدق ... هو بس كان عايزك تقعي في حبه، ويعلقك بيه، ويشبع غريزته وبعد كده يختفى بأي حجه كانت بقى..!! رقم 2 انه فعلا اعجبك بيكي وانت كمان، بس اكتشف انه لا مش هينفع يكون في حاجه، ولكن لدي تساؤلات عدة ..! معلش ايه اللي يخلي حد يدخل علاقة، وهو شايف ان الطرف التاني ظروفه احسن منه؟ ليه يدخل من الاول اصلا؟ ويعلق بنات الناس بيه؟ في الحقيقة علشان مكنش برضه ظلمته بالسيناريو الاول، الله أعلم بالحقيقة فين. ولكن .. انتي مترفضتيش علشان حاجه وحشة، سواء السيناريو الاول او التاني .. انتي مكنتيش الطرف السئ في العلاقة. وده افضل شئ، واهم شئ، انك متكنيش الطرف السئ او الظالم. تاني شئ التجربة ديه تعلمك حاجات كويسة متدخليش في اي علاقة مش رسمية، علشان متعرضيش نفسك للتوهان والحيرة اللي انتي فيها دلوقت، وليه تعملي كده ف نفسك، استني لما يجي الشخص المناسب اللي يدخل البيت من بابه، مش يحاول بقى يتنطط عليكي من بره بره !!! استكمالا ل رقم 1 .. علشان برضه الارتياط الغير شرعي حرام، واي شئ لا يرضي الله نهايته بتبقى معروفة ومحسومة. متخديش قيمتك من حد، قيمتك متصانة مش علشان حد رفض يكمل يبقى العيب فيكي. اقبلي الرفض، واقبلي كمان ان الشخص لو كان كويس ولو عايز يمشي يتفضل يمشي، اوقات كتير بيكونوا الشخصين كويسين، المشكلة مش ف انك حد فيهم وحش، بالعكس - المشكلة ان الاتنين مش عارفين يتعاملوا مع بعض، او يتقبلوا بعض، ممكن يكونوا كويسين مع ناس تانية، لكن انتوا لا. فعلشان كده محدش وحش. كل واحد بيشوف المتناسب معاه. بالتوفيق
تم النشر الأحد، ٢٥ فبراير ٢٠٢٤
هو طبعا معجب بس ده اخره عقدة من عقد النقص ولانه مثلا مش قادر يوصل للمستوى المادى اللى يخليه يقدر يطلب ايد فى نفس المستوى مثلا ...بدل ما يحط مجهود فى حياته يروح يعلق بنت بيه لحد ما هى تعجب بيه ويبقى كده ارتاح ضميرة لخيبته اللى مش عارف يجتهد فيها . انتى محتاجة تزودى مهارة الوعى عندك ..لكن مفيش حاجة تتعافى منها هنا ..هو اللى محتاج يتعالج اعتبريه عابر سبيل قعد جنبك فى المحطة وطلع معاكى قصه مزيفه وصعب عليكى ...مش هنقعد طول الطريق نفكر هنساعده ازاى ..هو اصلا فى طريق وانتى فى طريق ومش هتتقالوا تانى
تم النشر الأحد، ٢٥ فبراير ٢٠٢٤
بص انك تفكر في ولد قبل ميتقدملك اكبر غلط معلش في كلام انتي لو عايزة متفكرش في مش هتفكرة بس انتي من جواك حب تفكري في واحد مش عايزك ونسكي انتي لي بتفكر في خلكي عرف اني ربنا هيعوضك بحد احسن منو
تم النشر الأحد، ٢٥ فبراير ٢٠٢٤
لعرض السؤال في فدني اضغط هنا