انا داخله علي 21سنه وخايفه اني ادخل اي علاقه(سواء خطوبه او جواز)ودايما بخاف لو حد جه قالي انا معجب بيكي او عايز يتقرب مني بحس انه عايز ياذيني ودايما خايفه وعندي شك مش طبيعي مش عارفه دا ممكن يكون بسبب ظروف اهلي اني كنت بشوف امي وابويا بيتخانقوا وأنهم اطلقوا ولا اي بالظبط بس دايما عندي خوف من اي علاقه حتي لو ارتباط
فا لو حد يقدر يفدني لان الموضوع دا قالقني جدا خصوصا فسني دا
حاسه بيكي وإن دي حاجه متعبه أوقات بنحس إننا غريبين عن المجتمع والناس اللي حوالينا وفي سنك دا طبيعي يحصل كدا خاصه انك فعلا في سن الخطوبه او الزواج بس نصيحتي ليكي هي انك متدخليش في أي علاقه من قبل ما تقعدي مع نفسك وتفكري كويس في اي سبب الحاله دي صدقيني لو قعدتي مع نفسك انتي وحاولتي تدوري علي الأسباب هتوصليلها وتفهمي لي دايما بتحاولي تبعدي عن العلاقات مع الاخرين حاولي تتخلصي من اي افكار او أفعال انتي شوفتيها بين باباكي ومامتك مش لازم تربطي حياتك الجايه بمشاكل او تعقيدات عشان شايفه مثلا ان اللي حواليكي كدا بجد هتلاقي جواكي شخص كويس بيدعمك انك تثقي في نفسك اكتر وانك تختلطي بناس في حياتك سوا أصحاب او قرايب فدا هيساعدك اكتر انك تفهمي طبيعه الدنيا وإن مش كله زي بعضه اتعرفي علي ناس جديده حاولي تعملي الحاجات اللي بتفرح عشان تطلعي من اي حاله وحشه لان مودك لو كويس هيساعدك اكتر انك تفكري بشكل إيجابي وانك تاخدي القرار الصح وطبيعي انكتقلقي من اي علاقه ارتباط وكدا بس دي بردو محتاجه انك تاخدي الامةر ببساطه وتفكري كويس قبل ما تختاري ومش غلط انك ترفضي بس متخلييش سبب رفضك هو خوفك من العلاقه كلنا بنمر بحاله زي كدا بس الاختلاط مع الغير خاصه لو حد مثلا في مرحله زواج او حد اجتماعي مع الناس تختلطي بيه هيساعدك في التعامل وإن دا هيكون جزء من التخلص من الخوف اللي عندك بتمنا انك تثقي في نفسك اكتر ومن غير اي خوف ادخلي علاقات جديده مع صحاب جديده ومع الوقت هتلاقي الفتره دي عدت البدايه بتكون صعبه بس مع الوقت هتتعودي وتقدري تعمليها بإذن الله بتمنالك التوفيق♥️♥️
تم النشر السبت، ٢٠ يوليو ٢٠٢٤
اهلا عزيزتى أتفهم جيدا شعورك بالخوف من الفشل وشعورك بالشك ولكن دعينى أخبرك أن الإنسان تتكون أفكاره وشخصيته ومشاعره من الأهل ثم المدرسة والاصدقاء والمواقف التى يمر بها بغض النظر عن كونها افكار حقيقية او لا فمن الممكن أن يتكون نظرية المؤامرة لدى شخص ويتوهم ان الجميع يريدون الاضرار به ولكن أمر ليس حقيقى ....أتفهم ان ما مريتى به من تجربة والدك ووالدتك أثر عليكى ولكن هذا لا يعنى أن كل العلاقات تفشل وليس كل زواج ينتهى بالطلاق ...تعلمين أن الألم الذى تمرين به يمكن أن يكون خير معلم لكِ بالعكس استفادى من اخطاء اهلك وتعلمك من أخطائهم حتى لا تكرريها بحياتك واختارى مواصفات ومعايير معينة لشريك حياتك ولاتخافى وأعطى لنفسك فرصة حتى لو ما نجحت استمري واكتشفى الحياة فالانسان يخطأ ليتعلم والتجارب تخلق من الشخص شخص قوى ينمو ويتطور ارمى كل الأفكار السلبية المخزنة فى عقلك اللاواعى وانطلقى لتكتشفى جمال الكون وحبى ذاتك لأنها تستحق مساءكم طاقة إيجابية🌹🌹
تم النشر السبت، ٢٠ يوليو ٢٠٢٤
أفهم تمامًا مشاعرك، والقلق اللي بتحسيه منطقي جدًا بالنظر للتجارب اللي شفتيها في البيت. أحيانًا لما نشوف صراعات وصعوبات بين الأهل، ده بيأثر على نظرتنا للعلاقات ويخلينا نحس بالخوف أو الشك. من ناحية تانية، ده سن مهم جدًا للوعي بالنفس واكتشاف المخاوف دي ومحاولة التعامل معاها. وده شجاع جدًا منك إنك بتفكري في ده وبتحاولي تفهمي مصدر الخوف. جربي بعض الأمور دي: التحدث مع معالج : ممكن جداً يساعدك أنك تتكلمي مع متخصص نفسي، هيقدر يساعدك تفهمي تجاربك ومشاعرك بشكل أعمق وتكتشفي طرق جديدة للتعامل مع المخاوف. الوعي بالتجارب السلبية اللي شفتيها : ممكن تساعدك أنك تقيمي تجارب والديك بطريقة موضوعية وتفصليها عن تجاربك الشخصية. بناء حدود شخصية قوية : العلاقات الصحية بتبدأ من قدرتك على وضع حدود صحية وحماية نفسك نفسياً وعاطفياً. تجارب صغيرة وثقة تدريجية : ابدئي بتجارب صغيرة وبسيطة في العلاقات، بلاش تضغطي على نفسك بالدخول في حاجة كبيرة زي الجواز أو الخطوبة فوراً. وده ممكن يساعدك تبني الثقة بالتدريج. تذكري إن مش كل علاقة هتكون زي اللي شفتيها، وكل تجربة جديدة هي فرصة للتعلم والنمو. خدي راحتك في الوقت اللي تحتاجيه واستمعي لنفسك ولحدودك. إذا في حاجة أكتر تحتاجي تتكلمي فيها، أنا هنا دايمًا للإستماع والمساعدة. 💖
تم النشر الخميس، ١٨ يوليو ٢٠٢٤
❞ «الحياة بطبيعتها خطرة، ولكن هناك خطر واحد يجب عليك تفاديه مهما كان الثمن، وهو خطر ألا تقوم بشيء أبدًا». ❝ الكتاب دا ممكن يساعدك اقرأ الكتاب على @abjjad عبر الرابط:https://www.abjjad.com/book/2768764954?utm_source=app&utm_medium=android&utm_campaign=share_quote_reader&utm_term=عقدك_النفسية_سجنك_الأبدي #أبجد #عقدك_النفسية_سجنك_الأبدي #يوسف_الحسني
تم النشر السبت، ٢٠ يوليو ٢٠٢٤
شكرا جدا
تم النشر السبت، ٢٠ يوليو ٢٠٢٤
لعرض السؤال في فدني اضغط هنا