نصيحة تشجعنى لان عندى حلم عايزة احققه بس للاسف معتش عندى عزيمة
ليه؟ ليه مفيش عزيمة؟ هل الحلم ده قابل للتحقيق فعلا ولا خيال؟ يعني من شروط أي هدف في الحياة ..! ان هدفك يكون واقعي فعليا واقعي من جميع النواحي، يعني منقولش عايزين نعمل كذا .. وكذا ده يبقى خيال .. مستحيل انه يتحقق دلوقت؟ فأكيد مش هيتحقق. لازم كما الهدف ده يكون محدد يعني ايه محدد .. يعني منقولش انا عايزة اكون ناجح ( ده هدف عائم) لأ حددي انتي عايزة تعملي ايه بالظبط .. تنجحي في ايه؟ لازم كمان الهدف يكون قابل للقياس. يعني ايه قابل للقياس .. يعني له شئ يمكن قياسه .. عايزة انجح مثلاا السنة ديه بتقدير معين (شئ محدد وملزم بخطة تمكن قياسها) لازم كمان ان الهدف يكون محدد بزمن مينفعش ابدا الهدف بتاعك يكون عائم كده من غير اي موعد او ديدلاين ... لازم يكون محكوم بزمن محدد والحاجة المهمة جدا بقى ان لازم هدفك يكون على صلة وثيقة بما تفعله يعني ايه الكلام ده ؟ يعني انت عايز تعمل الحاجة ديه علشان هتساعدك ف انجاز شئ معين. عايز تاخد كورس الجرافيك علشان عايز تبدأ في ان تشتغل فيه. وهكذا ... يعني لازم تكون مرتبطة بشئ انت عاوزه فعليا، علشان تكمل فيه. اما بقى لو فيه مخاوف من دخول التجربة نفسها وانك تحاول في انجاز الهدف ده .. فالشئ ده بيعود لحاجات زي الثقة بالنفس، او خايف انك تفشل مثلا، فيه اهداف كثير في نفس الوقت .. وده عائق كبير ممكن يمنعك من انك تحقق اللي انت عاوزه، بتفقد صبرك بسرعة، مش عارف تثتسمر وقتك صح! كل ديه مهارات لازم تتعلمها علشان تعرف تحقق الهدف بتاعك صح حاجة كمان ... لو هنتكلم في الشغف والطاقة والكلام ده طاقتك وعزيمتك مش هتيجي غير لما تحقق اول شئ من الهدف بتاعك. ازاي؟ هو الموضوع بيمشي بالعكس يعني؟ اه بيجي بالعكس في الحركة بركة .. مثال مشهور ولكنه فعلا صحيح جدا .. كام مرة كنت فعليا مش قادر وطاقتك زيرو .. بس نزلت وقومت وروحت مثلا الجامعة ولا الكورس الفلاني .. وفيه حاجة مثلا حمستك جامد في الاخر فرجعت مبسوط ؟ النتيجة هي اللي بتفرحنا مش العكس .. يعني مش هتسأل لاعب مثلا داخل بطولة .. فطبعا بيدرب ليل ونهار وتعب وتقوله انت مبسوط طبعا انت اهو بتعمل حاجة انت عايزاها وبتحبها ... هيقولك ايه ده .. فين الانبساط يعني اني اقوم من عز نومي يعني علشان انزل اتدرب ولا علشان ورايا حاجات اعملها .. لأ الفرحة والسعادة والطاقة هيجي بعدين. وقدرتي على فهم الواقع وظروفي الحالية هي اللي بتحتم عليا اني اعمل ده.
تم النشر الجمعة، ٦ يناير ٢٠٢٣
( قد مر خمس سنوات على ما تكاسلت عن القيام به منذ خمس سنوات بسبب انه يستغرق خمس سنوات ... ابدأ واستعن بالله )
تم النشر الخميس، ٥ يناير ٢٠٢٣
تم النشر الخميس، ٥ يناير ٢٠٢٣
تم النشر الأحد، ٨ يناير ٢٠٢٣
الحلم مش كفاية ...اسعى ورا هدف وليس امنيه ولا حلم الهدف اجعله محدد بجملة واضحة محدد بوقت مش وقت مفتوح اكتر حاجة تديلك عزيمة هى فرحة اللى بيحبوك وفخرهم بيك لما تحقق هدفك باذن الله افتخر انك مميز وعندك فكرة بتسعى وراها ...افتخر انك مش شبه اى حد. حافظ على تميزك باستمرارك فى السعى والمحاولة.
تم النشر الجمعة، ٦ يناير ٢٠٢٣
قليل دائم خير من كثير منقطع ابدأ بخطوات بسيطه جدا كل يوم حتى لو خمس او عشر دقائق فقط ولا تنتظر النتائج بعد فترة سترى ثمرة ذلك ان شاء الله
تم النشر الخميس، ٥ يناير ٢٠٢٣
حطي حلمك قدامك اكتبيه وحطيه في مكان ظاهر لعينك على طول ومش هتكتبيه وتسيبيه لا واعملي سلم عشان توصليله السلم ده على كل درجه فيه هتكتبي ازاي توصلي للحلم ده خطوه خطوه وتدوري على طريقه تنفذي بيها الخطوه دي كمان هتحطي مشاعرك الحلوه الي هتحسيها لو حققتي حلمك ده قد ايه هتكوني واثقه من نفسك قد ايه هتكوني فخوره بنفسك وكميه السعاده الي هتحسيها فخرك بنفسك والي حوليكي بيكي وان ده مشروعك الي بتبنيه واحده واحده وتحققيه وكل معزمتك تضعف او تتعبي بصي على الورقه دي ع السلالم على الخطوات الي طلعتيها وباقيلك شويه كمان عشان وتحسي بالفرحه والسعاده والفخر والانجاز وانك مش لوحدك الي وسط حلمك تعبتي كتير حسوا بكده بس استجمعوا قوتهم تاني وحاولو يكملوا لحد موصلوا وحققوا سعادتهم في الوصول وهتحققي حلمك ان شاءالله
تم النشر الجمعة، ٦ يناير ٢٠٢٣
لعرض السؤال في فدني اضغط هنا