هو انا لو بيجي فكره الانتحار ف دماغي كتير واني بجد عايزه اعمل كده عشان مبقتش قادره استحمل المشاكل ايا كانت اي هي المشكله انا من اقل مشكله بجد بتأثر ع نفسيتي جامد جدا .. وبيجي ف دماغي اني اعمل كده عشان مبقتش قادره اعيش ف الدنيا دي نفسها بمشاكلها واني عايزه اعمل كده عشان اروح مكان تاني احسن م المكان ده مكان مافيهوش مشاكل بس ف نفس الوقت عارفه اني لو عملت كده ربنا مش هيدخلني الجنه وده المكان اللي نفسي اروحوا اللي مافيهاش مشاكل .. اعمل اي عشان اشيل الفكره دي م دماغي خالص
اول حاجة كويس انك قادرة تفكرى بمنطقية و دا معناه و الحمدلله انك مش فدرجة سيئة من الاكتئاب بس مش معناه انى اقلل من مشاعرك انت انسانة حساسة و كل حاجة بتأثر فيكى بسهولة بس فى حاجة لازم تعرفيها احنا متخلقناش ف الدنيا للراحة و الابتلاء هو اختبار من عند ربنا ف لازم نصبر و نحل ف الامتحان دا صح و دى وساوس من النفس و من الشيطان الشيطان بيقولك موتى نفسك ونفسك الضعيفة بتأمرك بنفس الشئ بدل ما تحسى انك ف مشكلة طب ما تشوفيها من جانب تانى مثلا ابويا مش كويس معانا و عمل كذا و كذا بس والله ماكنش بخيل علينا حاولى تشوفى كل مشكلة وقعتى فيها استفدتى و اتعلمت منها ايه بدل ما تحسى ان الدنيا كلها مشاكل و جاية عليكى
تم النشر الثلاثاء، ٣٠ يناير ٢٠٢٤
معنى انك قادره على استيعاب ذلك يعني انك عاقله و في وعيك حاولي دائما تذكر ذلك و تقربي إلى الله بالصلاة و الدعاء و اسأل الله ان يهديكي و يسعدكي و تنالي الجنه ان شاء الله
تم النشر الثلاثاء، ٣٠ يناير ٢٠٢٤
لو الأفكار فعلا بقت متكررة ومتواصلة وتفكرى فى تفاصيل التنفيذ يبقي محتاجة زيارة طبيب نفسي وتاخدى علاج يهدى الأفكار دى بالتوازى يكون فى علاج تانى سلوكى يحسن من نفسيتك والتفكير بشكل أكثر ايجابيه وكيفية التعامل مع الضغوط وتخطيها
تم النشر الثلاثاء، ٣٠ يناير ٢٠٢٤
شكرا لحضرتك على المشاركة 🌷 لو عندك دور سخونيه فدرجة الحراره المرتفعة عرض لمرض ممكن التهاب فيروس بكتيريا فإحنا بنتعامل مع درجة الحراره يوم واتنين ولو منزلتش بنستشير دكتور متخصص يكتبلنا علاج لعلاج السبب وبالتالي تنخفض درجة الحرارة الأفكار الانتحاريه عرض من اعراض بعض الامراض النفسيه والأمراض النفسيه بتأثر علي كيميا المخ فتخلي الانسان بدون وعي يفكر ازاي ينهي حياته ويخطط ويدبر بكل التفاصيل لده ظنا منه ان ده نهاية لكل الآلام التي يشعر بها الوازع الديني عندك هوا اللي مفرمل ده لحد دلوقتي الحل ايه نستشير طبيب نفسي ثقة ونستمر علي العلاج فتره مع المتابعه والأدوية النفسيه مش بتعمل ادمان زي مابظن الكثيرين ولكن ناخدها ونسيبها تحت اشراف طبيب متخصص وبفضل الله الافكار الانتحاريه بتروح خالص زي دور السخونيه كده يارب اكون قدرت اوصلك المعلومة ربنا يقدرلك الخير ويرشدك للصالح
تم النشر الثلاثاء، ٣٠ يناير ٢٠٢٤
استغفري ربنا كتير قولي استغفر الله الذي لا اله الا نوا الحي القيوم واتوب اليه عشان ربنا يغفرلك ان اصلا الفكرة دي جات في دماغك حاولي تبعدي عن القعده لوحدك لان الشيطان بيستغل وحدتك وبيدخلك من ابواب كتيرة اشغلي نفسك في اي حاجه بلاش انك تقعدي في اوضه ضلمه حاولي انك تبقي اجتماعية الشيطان بيشكك في قوة ايمانك لحد ما يوصل للي في دماغه ابقي استعيذي بالله ديما من الشيطان دي وساس ولازم تبعدي عنها او تبعديها عنك شغلي قرأن كتير
تم النشر الثلاثاء، ٣٠ يناير ٢٠٢٤
نفس حالتي بس انا بقاوم وبقوي بصلاه وبحلول اشغلي نفسك في حاجه انتي بتحبيها وبعدي عن المشاكل صدقيني محدش مرتاح فيها بس لازم نعيش ونقع ونقوم متفكريش كتير وبعدي عن المشاكل وفكري في حاجات تفرحك تعمليها
تم النشر الثلاثاء، ٣٠ يناير ٢٠٢٤
مش لوحدك بيحصل مع كدة انا كنت كدة وغيرنا كتير حصل مع كدة لكن تجربتي الشخصية غيرت لي حجات كتير بمعني لو هنتحر ما انا ممكن اعمل حجات كتير انا شيفة صعبة واتعلمها احاول اقاوم واكون شخص غير الي انا علية احقك نجاح لحياتي بدل ما انا ضعيف وبفكر في موضوع الانتحار عشان شيفة حل سهل وهو مش سهل هو صعب فكري او فكر مع نفسك كدة انا انا ااوز انتحر عشان مين عشان اشخاص ادة هو انا فعل ضعيف اوي كدة لا انا احسن وهعمل الي علي هواي وهسبت اني احسن واكتشف حجات بحبها وهستمر مش عشان شوية ظروف او اشياء بنشفة مش عرفين نتحملها دلوقتي بعد وقت بنشفها انهي تفهة جدا وبنقول ادة هو انا كنت شايف الموضوع دة صعب كدة زمان دة موضوع تافة اوي هو ازاي انا بفكر كدة... نصيحة استمري في الحياة هي اجمل من ممة نتوقع عيشي عشان كدة ربنا خلقنا لعمارة الارض و نعرف معني العبادة والعمل والعائلة ونحب نفسنا
تم النشر الخميس، ١ فبراير ٢٠٢٤
انا حرفيا لسه منزل الابلكيشن وانتى اول حد عيني جت على كلامه انا حابب اقول لك ان انت لو عملت كده اللي هو فكره الانتحار هتكون انت كده خسرتي دنيا واخره فما بالك انك تصبري على امور الدنيا اهون بكثير انك تصبري على عذاب الاخره لان ربنا قال في كتابه ولا تقتلوا انفسكم فاستعيذي بالله وقولي لا حول ولا قوه الا بالله كثير ربنا يا رب يهدينا
تم النشر الثلاثاء، ٣٠ يناير ٢٠٢٤
انا بفضل ربنا بصلي الحمدلله مابفوتش فرض وبصلي ف اوقات الصلاه وبقرا قران كل يوم جزء الحمدلله وأوقات بصلي قيام الليل وأوقات تسابيح بس برضو مش مرتاحه مافيش حاجه ولا حد حواليا مريحني كل حاجه بقت وحشه اوي لدرجه اني بهرب م كل ده بالنوم بس طبعا ماببقاش رايحه ف النوم لا انا عايزه بس حبه هدوء دماغي مش عايزه تسكت ف ناس كتير اوي جوا ف دماغي بيتكلموا الناس دي مش عايزه تسكت خالص انا وصلت ل درجه اني حرفيا بصحي م النوم مخنوقه ومش طايقه حد عشان صحيت مبقتش احب اصحي عايزه افضل نايمه ورايحه ف النوم طول عمري مش عايزه أواجه حاجه مابقاش عندي طاقه لاي حاجه ولا اي حد خلاص مبقتش حمل كلمه ولو صغيره م اي حد انا مبقتش حمل الدنيا خلاص والله العظيم مبقتش حمل الناس ولا المشاكل ولا اي كلمه تتقالي م اي حد انا تعبت
تم النشر الثلاثاء، ٣٠ يناير ٢٠٢٤
امين يارب شكرا لحضرتك 🫂
تم النشر السبت، ٣ فبراير ٢٠٢٤
• اسأل اللَّه أن يرزقك الخِمار 🤲🏼.
تم النشر السبت، ٣ فبراير ٢٠٢٤
محجبه الحمدلله
تم النشر السبت، ٣ فبراير ٢٠٢٤
• أنتِ مُختمرة أو مُنتقبة ؟
تم النشر السبت، ٣ فبراير ٢٠٢٤
• افهمِي رسالة اللَّه .. وارجعي بسرعة ، اسأل اللَّهُ أن يرُدك ويرُدنِي إليهِ.
تم النشر السبت، ٣ فبراير ٢٠٢٤
بس انا الحمدلله مابعملش حاجه بحاول يعني ع قد ما اقدر هو طبيعي كلنا بنعمل ذنوب بس انا بفضل الله بحاول ع قد ما اقدر ماعملش حاجه غلط ومحافظه ع نفسي الحمدلله ومضيقتش ولا حاجه انا بس كنت عايزه افهم ذنب اي اللي حضرتك تقصديه وبحاول ع قد ما اقدر برضو اقرب م ربنا اكتر وكل ما بيجي ف بالي الفكره دي بقول لنفسي طب واللي انتي بتعمليه عشان يقربك م ربنا اكتر كل ده هيروح ع الفاضي انا بصبر نفسي بالكلام ده يعني
تم النشر السبت، ٣ فبراير ٢٠٢٤
• كُلنا نفعل ذنوب ، لماذا أنزعجتِي هكذا ! ما أقصدهُ هو أن هُناك ذنب ما تفعلينهُ ، وهو الذي يجعلك تشعُرين بالفتور ، والرغبة في الانتحار ، لذلك أخبرتُكِ أن تبتعدي عن هذا الذنب وتتوبِي ، ولاحظِي بعدها الفرق الذي ستشعُرين بهِ.
تم النشر السبت، ٣ فبراير ٢٠٢٤
ذنب اي حضرتك اللي بعملوا واللي لازم اتوب عنوا ممكن حضرتك تقوليلي هنا عادي افهم قصد حضرتك بالظبط يعني
تم النشر السبت، ٣ فبراير ٢٠٢٤
• أنا أعلم ما السبب وبالطبع لن تذكُريه ، توبِي عن الذنب الذي تفعليه ، ولن يُراودكِ شعور الفتور ، والرغبة في الانتحار ، وإذا أردتي صديقة صالحة تُعينك وتُعينيها للقُرب من اللَّه ، فأنا هُنا.
تم النشر السبت، ٣ فبراير ٢٠٢٤
صحابي محدش فيهم عارف حاجه عشان انا مبحكيش حاجه وع طول قدامهم انا تمام الحمدلله كويسه بالنسبه للأسباب مش حابا اقولها بس هي م اقل مشكله بتحصل انا بحس كده
تم النشر السبت، ٣ فبراير ٢٠٢٤
• هُناك حلقة مفقودة ، وسبب رئيسي أنتِ لم تذكُريه !!!
تم النشر السبت، ٣ فبراير ٢٠٢٤
• وإذا كان الأمر مثلما تصفين فإذًا أين المُشكلة وما الذي يدفعُكِ للتفكير في الانتحارِ ؟
تم النشر السبت، ٣ فبراير ٢٠٢٤
• وأين صديقاتكِ من تفكيرك بخصوص الانتحار ؟
تم النشر السبت، ٣ فبراير ٢٠٢٤
علاقتي مع ربنا مقدرش احكم عليها بس بفضل الله بصلي وبقرا قرآن كل يوم جزء وبصلي الفجر وأوقات قيام الليل وأوقات التسابيح
تم النشر الجمعة، ٢ فبراير ٢٠٢٤
ايوه عندي صحاب الحمدلله وكويسين
تم النشر الجمعة، ٢ فبراير ٢٠٢٤
• وهل لديكِ صُحبة صالحة ؟
تم النشر الجمعة، ٢ فبراير ٢٠٢٤
• ما أخبار علاقتك مع اللَّه ، وما هي المُشكلة التي تجعلك غير قادره على التّحمل ؟
تم النشر الجمعة، ٢ فبراير ٢٠٢٤
سيد مزيكا ... موضوعي سهل ازاي حضرتك
تم النشر الجمعة، ٢ فبراير ٢٠٢٤
Yãssmięnã Sãmi عندي ٢٨ سنه
تم النشر الجمعة، ٢ فبراير ٢٠٢٤
موضوعك سهل
تم النشر الثلاثاء، ٣٠ يناير ٢٠٢٤
• كم عُمرك ؟
تم النشر الثلاثاء، ٣٠ يناير ٢٠٢٤
مش قدامك غير الصبر وصلاه وربنا يحل
تم النشر الثلاثاء، ٣٠ يناير ٢٠٢٤
قرار خطاء الانتحار
تم النشر الثلاثاء، ٣٠ يناير ٢٠٢٤
لعرض السؤال في فدني اضغط هنا