انا شخص بحس بنفسي جدا اني انا بتعاطف مع اي حد وانا بصراحه عايز اقف عن هذه العاده ولكن مش عارف بتحصل لي مواقف كثير قوي في حياتي وباجي على نفسي كثير وانا اللي بتعب في الاخر..
حصل موقف قبل كده ... كنت قاعد مع واحد صاحبي في المحل ودخلت ست تشتري فبتتكلم بطريقه طيبه كده وبتساله يعني ايه عن الحاجات اللي هي عايزه تشتري... المهم انا بصيت للست ومتاثر جدا واقول ياه لو معايا فلوس كثير كنت زمان اديتها الحاجه اللي عايزاها... مع انه موقف بسيط يعني ما فيهوش حاجه ولكن العاطفه الزايده ماثره عليها شويه
ما هو الحل ؟
ولكم جزيل الشكر ❤️
مرحبا، يا ليتك تعرف أن الإحساس بالتعاطف مع الآخرين شيئًا إيجابيًا لكن عندما يزيد عن حده، قد يتسبب في شعور بالإرهاق والتعب، لذا عليك أن تتعلم كيفية التحكم فيه. أولًا، حاول الاهتمام بنفسك وصحتك النفسية بشكل جيد كي تشعر بالرضا الذاتي والاكتفاء الذاتي، وهذا سوف يجعلك تتمكن من التحكم فيما تشعر به نحو الآخرين بطريقة أفضل. ثانيًا، حاول تغيير تفكيرك السلبي والتركيز على الأمور الإيجابية بدلًا من السلبية. مثل تركيزك على أنك تمنيت أن تملك الأموال الكافية لمساعدة السيدة لشراء السلعة، بدلًا من تركيزك على أنك لا تستطيع مساعدتها وتشعر بالحزن. ثالثًا، لا تتردد في البحث عن مصادر الدعم النفسي مثل العائلة والأصدقاء، أو حتى الاستشارة مع معالج نفسي يمكن أن يساعدك على التغلب على هذه المشكلة و تعلم كيفية التحكم في مشاعر التعاطف بطريقة أفضل. أتمنى لك التوفيق والنجاح في تغلبك على هذه المشكلة، و لا تتردد في الاتصال بي إذا استدعت الحاجة.
تم النشر الخميس، ٦ أبريل ٢٠٢٣
دى نعمة من عند ربنا ..انت محتاج توجهها فى الاتجاه الصح بس يعنى لو كنت مهتم باولاد ايتام انك تذاكرلهم او تدعمهم بانك تسأل عنهم حتى ...ده هيخرج طاقة التعاطف بشكل يفيدك ويفيدهم . كل حاجة موجوده جوانا لما نستخدمها فى اننا نوجهها فى اتجاه الخير ..هنلاقى المجتمع بقى متكامل ....انت تقدم تعاطف وتراحم ومودة ولين قلب وغيرك يقدم عطاء مادى وغيركم يقدم خدمة طبية وهكذا ..... هقولك جملة بحبها جدا ( كل يسر لما خلق له ) على قدر الحاجة الموجودة جوانا بشكل كبير على قدر ما هتلاقى المواقف حواليك متيسره عشان تستخدم ده فيها .
تم النشر السبت، ٨ أبريل ٢٠٢٣
ان يكون عندك مشاعر تعاطف كويسه جدا دي دليل ع انك انسان سوي وعندك مشاعر وفطرتك سليمه لكن الي هنحتاج نبص عليه هل التعاطف المفرط وصلك لانه بيتم استغلالك مثلا عاطفيا او ماديا؟
تم النشر الجمعة، ٧ أبريل ٢٠٢٣
طيب هي ليه مضايقاك، مع ان التعاطف مع الناس شئ كويس جدا
تم النشر الخميس، ٦ أبريل ٢٠٢٣
لعرض السؤال في فدني اضغط هنا