مبقتش فاهمة نفسى ولا بعرف اخد قرار حتى فحياتى، يعنى ابن خالى اعترف بحبه ليا من فترة قلت له لا وزى اخويا دلوقتى لا، بقيت حباه وبغير عليه.
مش عارفة اعمل اى هو لسه بيحبنى ولا لما قلت له لا شال الموضوع من دماغه وخايفة اصحى في يوم الاقيه لحد تانى وللعلم هو كان هيتقدم مش هنتكلم وكدا عاوزة أعرفه انى حبيته وفي نفس الوقت حاسة انى هاكون بقلل من نفسى مش عارفة فكرت ادخل حد يقول له، مش لازم انا يعنى بس مترددة ومش عارفة اعمل اى خايفة بجد يضيع فعلا معرفتش قيمة الحاجة لا وهى بضيع منى
مش عارفة أنتِ نزلتِ من فترة عن الموضوع ده ولا لأ بس كان فيه مشكلة شبيهة. إحساسك أعتقد عادي، يعني ممكن حسيتِ إن كنتِ في مكانة مميزة وبعدين فكرتِ في احتمال إنه يخطب ويتجاوز مشاعره ناحيتك فظهرت حتة الأنانية البشرية وحب التملك. وممكن وسوسة من الشيطان عشان يخليكِ تاخدي قرار غلط. عامة لو هو بيحبك ومتمسك بك هيحاول مرة تانية وممكن يوسط أهلكم عشان يقنعوكِ ولو هو عامة صرف نظر فمعنى كده إن مشاعره كانت مش مهمة للدرجة أو إنه اعتبر رفضك إهانة لكرامته فقرر يوقف. فيه احتمالات كتير بس الأكيد إنك مينفعش تاخدي خطوة اعتراف من نفسك وتروحي تقولي له. كمان مش حابة إنك توسطي حد يتأكد منه بطريقة غير مباشرة لأن ممكن قوي مشاعرك ناحيته متكونش حقيقية ويكون مجرد إحساس بالتملك لشخص قال إنه بيحبك. وبعد ما تعطيه أمل وييجي يتقدم ترجعي لإحساس الرفض والأخوة من تاني وتجرحيه أكتر. ركزي في حياتك ولو لكم نصيب مع بعض ربنا هيقربكم بأي طريقة. بالتوفيق.
تم النشر الأربعاء، ٣٠ أكتوبر ٢٠٢٤
لا متعمليش كدا خليكي فاهمه وحاطه ف دماغك أن بالذات عند المواضيع دي بتبقي نصيب واللي انتي حاسه ده وهم ووسوسة شيطان واعرفي ان لو ليكي نصيب فيه مهما يلف هيرجعلك ولو الخير ليكي ربنا هيجمعكوا تاني بطريقة ما ...
تم النشر الأربعاء، ٣٠ أكتوبر ٢٠٢٤
لعرض السؤال في فدني اضغط هنا