صلو علي حبيبنا محمد ♥️
انا متقدملي عريس مخلص دبلوم تجاره عنده 29 سنه
وأنا في ثالثه خدمه اجتماعيه
العريس بقى في مميزات وفي عيوب واحنا عارفينه وعارفين اهله وكده معارف وكده
عيوبه بيشرب سجائر وبيشرب السجائر التانيه تفريحي
عصبي شويه
مميزاته مثلا بنسبالي
شكله كويس، محترم ومودب، عنده بيته واهله كويسين بيشتغل ومسؤول عن بيتهم
حنين علي اهله واخواته البنات
وملوش في الحريم والبنات ولا الحاجات دي
فانتو اي رايكو
السلام عليكم و رحمه اللّٰه و بركاته اللهم صلي و سلم و بارك على سيدنا محمد ،، طبعاً أراء الناس في البرنامج تُحترم و لكن يستحسن تاخدي المشهوره من رب الناس متفكريش كتير صلي استخاره و ربنا هييسرلك الي فيه الخير مين عارف مش يمكن يبطل سجاير و يتوب من شربها ؟ و مين عارف مش يمكن بردو يتغير للأسوء بعد الزواج؟ في أراء كتيره و مختلفه لو دخلتي في دوامة أراء الناس مش هتطلعي أبداً هتلاقي المعارض و الموافق ف اجعلي استخاره اللّٰه في أمورك هي الأولى و اسأل اللّٰه لكي التوفيق
تم النشر الخميس، ٦ فبراير ٢٠٢٥
السلام عليكم، برأيي تدخين السجائر في حد ذاته عيب كبير ويخليكِ تفكري كتير قبل ما تقرري توافقي فما بالك بالنوع التاني من السجائر... وانتِ مش عارفة هو دلوقتي بيشربها تفاريح زي ما بتقولي تضمني منين ميدمنهاش بعد كده؟ ولا يمر بظروف صعبة فيكثر منها ويدمنها وشخصيته تتغير وده يأثر على حياتكم بعد الزواج؟ ومتفتكريش إنك لو طلبتِ منه يوقف تدخين عشان توافقي هيبطل... هو فعلا هيبطل كم شهر وبعد الزواج هيرجع تاني عادي جدًا.
تم النشر الأربعاء، ٥ فبراير ٢٠٢٥
بارك الله فيك، وأرجو أن تجدي الراحة في قرارك. الزواج موضوع مهم يتطلب دراسة ومراجعة دقيقة للكثير من الجوانب. هنا بعض النقاط التي يمكنك التفكير فيها: الاستقرار العاطفي : من الجيد أنه يظهر الاحترام والحنان تجاه أسرته، فهذا يشير إلى جانب إيجابي في شخصيته ويعكس قيمه. العيوب : تدخين السجائر والمزاج العصبي يعتبران من الأمور التي يجب النظر إليها بعناية. تدخين السجائر قد يؤثر على صحته وصحة الأسرة، بينما العصبية قد تؤثر على التفاهم والاختلافات بين الزوجين. هل لديكِ القدرة على التعامل مع هذه الصفات بشكل صحي؟ التوافق القيمي : من المهم أن تقومي بمناقشة الأمور المتعلقة بالقيم والأخلاقيات. كيف يواجه التعارضات؟ هل يمكنه السيطرة على انفعالاته في المواقف الصعبة؟ المستقبل : ناقشي معه أحلامكما وطموحاتكما في الحياة، وكيف ترون المستقبل معًا. التواصل المفتوح والشفاف يمكن أن يسهم في بناء علاقة ناجحة. الأسرة : بما أنكما تعرفان بعضكما جيدًا، تأكدي من أن عائلتك وعائلته يقدران بعضهم البعض. التوافق العائلي قد يسهم في نجاح العلاقة. نصيحتي الأخيرة، تذكري أن الارتباط يحتاج إلى الحب والتفاهم أكثر من أي شيء آخر. إذا كانت لديكِ مخاوف جادة بشأن صفاته، ربما من المفيد التحدث معه عما يشغلك وفهم كيفية تعامله مع انتقاداته، فهذا سيفصح لك عن الكثير. وفقك الله لما فيه الخير.
تم النشر الثلاثاء، ٤ فبراير ٢٠٢٥
السجاير التانية اكبر مشكلة وللأسف مش هتقدري تصلحيه فياتخديه بيها او متاخديهوش وانا لو هجوز اخواتي استحالة اجوزهم لمدمن عشان مش مضمون ،ممكن فمرة ميكونش معاه فلوس فيتعصب او يتهته او ميعرفش يفكر عدل انا متقبل انه طيب و مؤدب و كل حاجة بس برضك مستأمنهوش على اختي
تم النشر الأربعاء، ٥ فبراير ٢٠٢٥
لا مستحيل لانه بيشرب حاجات تانيه واصلا السجائر لوحدها قرف واي انسان بيعامل أهله كويس
تم النشر الأربعاء، ٥ فبراير ٢٠٢٥
(إذا جاءكم من ترضون دينه وخلقه فزوجوه)، السجاير جهر بالمعصية ، انتي مستعده تشوفي ولادك بيروحوا يشتروا سجاير لابوهم بجد؟ قصدك اي بقا بالسجاير التانيه اصلا ؟
تم النشر الأربعاء، ٥ فبراير ٢٠٢٥
لعرض السؤال في فدني اضغط هنا