انا ثانويه عامة دفعه السنه اللى فاتت والحمد لله رب العالمين جبت مجموع مش حلو بس الحمد لله الخير فيما اختاره الله لنا بس انا كان متاح ليا تربيه طفوله وتربيه رياضيه وتربيه نوعيه وتربيه ابتدائى وانا اخترت رياضيه بس أهلى موافقوش وقالوا تربيه طفوله احلى ليكى بالنسبه أن انتى بنت وطبعا دا مش حلمى خالص ولا كان ف دماغى كده بس الحمد لله راضيه واهم حاجه رضاهم ووافقت عادى بس انا مش فاهمه اى حاجه ف الكليه يعني انا عملت سيرش وعندى معلومات كتير بس في حجات كتير مش فاهماها فانا عاوزه كل حاجه تخص الكليه
وانا عاوزه ادخل قسم احقق بيه حاجات كتير بعد كده لان انا الحمد لله بحب الشغل وعاوزه اعمل لنفسى كارير ف المستقبل وعشان حاسه ان الانجلش ف الزمن دا اهم حاجه حتى لو سافرت برا بعد الدراسه او اشتغلت أهم حاجه الانجلش هو انا مش احسن حاجه فيه بس بتعلمه كويس يعن لو اخدت كورس حاسه ان انا همشى فيه كويس لان انا حباه فانا اخترت قسم كريديت رياض اطفال انجلش "تربيه طفوله انجلش" بحيث أخد مع الكليه كورس ازود مهاره اللغه عندى وتساعدنى كمان ف الكليه ( حاسه ان الانجلش بيبقى ليه مستقبل ) فانا مش عارفه اى احسن قسم أو كل قسم فيه اى وهكذا ( وخايفه ادخل قسم انجلش ومعرفش امشى فيه واظلم نفسى واكون بس مهيئه لنفسى أن انا هعرف امشى فيه مع ان سألت وقالوا الشرح بيبقى عربى بس المواد و الامتحانات انجلش ف مع الكورس هتبقى بيرفيكت ) فخايفه اظلم نفسى ومش فاهمه حاجه ف الكليه
بلص انا عندى فرصه اخد كورس " تداول" فهل هو حرام ولا لا واخد كورس واشتغل فيه جمب الكليه ولا بلاش
وبالنسبه للكليه انا عاوزه ادخل قسم سواء كريديت أو عام بس المهم يكون ليه مستقبل واعرف اشتغل فيه بعدين
السلام عليكم ورحمه الله وبركاته. اولا الف مبروك ويعني انا بحييكي على انك متقبله القدر ليكي في الاخر بانه خير من ربنا جميل انك بتستشيري اهلك بتستعيني ليهم. ويعني اخذتي بنصحتهم قريب. دي اول حاجه ثاني حاجه بالنسبه لمجال الشغل او الاقسام ايا كان القسم اللي انت هتدخليه شوفي انت حابه تعمليه بايه فخلينا نقول دلوقتي ان في اقسام هي هتكون خاصه بلغات زي ما انت بتقولي انجلش وده هيه عمره من عموما الكليه دي انك تكوني معلمه تمام طيب ما لو انت درستي بالعروسه هتكوني مؤهله انك تكوني مدرسه بالعربي لا مرحله ايه مرحله الطفوله المبكره. اللي هي مرحله الكي جي او مرحله اللي في الحضانه اللي هي ما قبل المدرسه فانت دلوقتي هيكون متاح قدامك انك تقدري تشتغلي. في حضانات طبعا لو اخذتي في قسم الانجلش تشتغلي في الحضانات اللانجوتش او الحضانات اللي بتكون بقى بتشتغل في ليفل عالي انتيناشونال دي مستواها كويس جدا ومرتباتها كويسه جدا فهتكون فرصه حلوه لك ده اولا ثانيا انت تقدري ما بعد الكليه تقدري تعلي من مستواكي وتقدري تتجهي الاتجاه ثاني برده تعملي به كاريير حلو ما هو انك تزودي الدراسه بتاعتك مثلا بانك تدرسي منهج السوري وتكوني متخصصه في المنهج ده تكوني بتعملي جلسات للاطفال ممكن تبداي تدرسي حاجات لها علاقه بالتخاطب فتقدري تكوني متخصصه في جلسات التخاطب للاطفال كتير جدا انت تقدري تعلي بيها بعد كده نفسك وتكوني متميزه بيها ان شاء الله طول ما انت عندك. اهداف وامشي فيها الخطوات بتاعتها تقدري تحققيها باذن الله اختاري القسم على اساس هيوجهك اكثر لايه اللي انت حابه تشتغليه قدامك فشوفي كل انواع الشغلان زي الحاجات اللي انا ذكرتها لك شوفي حبه اتجه الايه اكثر شوفي الاقسام انا الحقيقه ما عنديش فكره عن الاقسام من جوه لكن تقدري تشوفي الاقسام وتسالي هل القسم ده هيساعدك تروحي للاتجاه ده اللي انت هتختاريه ولا لا ان شاء الله كل النجاح والتوفيق
تم النشر الثلاثاء، ٢٤ سبتمبر ٢٠٢٤
أختي العزيزة، أولاً، أهنئك على اجتيازك الثانوية العامة، وأسأل الله أن يوفقك في مسيرتك الدراسية المقبلة. من الجميل أن تظهري مرونة في تقبلك لاختيار الكلية وفقاً لرغبات عائلتك، وأنت تعبرين عن رغبتك في تحقيق النجاح والاستقلالية. 1. كلية تربية الطفولة: تربية الطفولة تعني التركيز على تعليم وتطوير الأطفال في مرحلة الطفولة المبكرة. الدراسة في هذا المجال غالباً ما تشمل مواد رياضية، نفسية، اجتماعية وأساسية مناهج التربية. ستحصلين على التدريب العملي والنظري الضروري لفهم كيفية التعامل مع الأطفال وتنمية مهاراتهم. تعتبر الكلية مهمة جداً لمن يرغبون في العمل كمعلمات أو في مؤسسات ذات صلة بالعناية بالطفل. 2. الأقسام: في حالتك، قسم "تربية طفولة إنجليزي" سيكون جيداً جداً، بما أنك تدركين أهمية اللغة الإنجليزية في الوقت الحالي. التركيز على تحسين مهارتك في اللغة الإنجليزية مع الدراسة سيكون له تأثير إيجابي على مستقبلك. مواد التعليم ستكون بالإنجليزية، ولكن كثير من الجامعات توفر دروساً باللغة العربية، مما يسهل فهم المحتوى. لذلك، إذا كنتِ مستعدة للعمل على تحسين مستوى لغتك، يمكنك استخدام هذه الفرصة لتحقيق أفضل ما يمكنك. 3. كورس "تداول": فيما يتعلق بكورس "تداول"، يجب أن تتأكدي من أن النشاط يتماشى مع القيم الإسلامية. إن كان الكورس يتضمن التعامل مع الأمور المالية بطريقة شرعية، فهذا سيكون مقبولاً. ولكن إذا كان الكورس يتعامل مع الأمور المعقدة التي تُعتبر غير شرعية، فإنه ينبغي عليك إعادة النظر. نصيحتي أن تستشيري مختص أو عالماً لتحديد حكم هذا الكورس بالتحديد. 4. المستقبل الوظيفي: بالنسبة لمستقبلك، لا تخافي من اختيار القسم الذي تجدينه مناسبًا لك. تربية الأطفال لها العديد من الفرص، سواء في المدارس أو رياض الأطفال أو حتى في المراكز التي تديرها مؤسسات المجتمع المدني. تأكدي من توسيع مهاراتك خلال فترة دراستك، وقدمي نفسك بصورة إيجابية في أي فرصة عمل تطلقينها مع تخرجك. أنتِ مُقدِمة على مرحلة مهمة، ثقي بنفسك وبهذا الاختيار، واعملي جاهدة في تحسين مهاراتك. وفقك الله وسدد خطاك.
تم النشر الثلاثاء، ٢٤ سبتمبر ٢٠٢٤
اللهم امين ي رب تسلمى ولك المثل ي رب
تم النشر الأربعاء، ٢٥ سبتمبر ٢٠٢٤
ربنا يوفقك في كلّيتك وفي شغلك ويحقق لكِ اللي نفسك فيه.
تم النشر الأربعاء، ٢٥ سبتمبر ٢٠٢٤
لعرض السؤال في فدني اضغط هنا