دلوقتي انا ليا زميل معايا في الكليه انا معجبه بيه بس طبعا مستحيل اخد اي خطوه ناحيته الحمدلله يعني بس هو مؤخرا بتاعو حوالب سمستر بيتواصل بصريا معايا بشكل ملفت لدرجة انه انا بقيت بتجنب انه نظراتنا تتلاقي بس غصب عني ساعات لبصله لاني فعلا معجبه بيه هو دين جدا ماشاء الله عليه وصحبته كلها ناس محترمه وفحالهم وساعات بحس انه مهتم بيا هو اه ماصرحش بكده نهائي بس نظراته وخجله مني بتحسسني انه فيه حاجه المشكله انه حصل كنا مع بعض في السكشن وكان قريب مني خالص انا اتوقعت انه هيبصلي زي العادي ولكن كان متجاهلني تماما ومجرد ماخرجنا من السكشن رجع يبص ليا من بعيد تاني زي ماليعمل انا مش فاهمه حاجه بجد انا ولا مره اتحطيت في موقف زي ده وهو شكله كده هو كمان هو خلوق اوي فاانا مش عارفه اعمل ايه اتناسي ولا اصبر يمكن باخد هو خطوه ناحيتي
أعتقد أنك تحبي تكوني من المقصودين بقوله تعالى ( المحصنات الغافلات ) فخليكي غافلة عن اهتمام أي شاب بيكي لحد ما تبدر منه خطوة جدية في سبيل التقدم لك في بيت أهلك لأن مفيش حاجة ممكن تعمليها قبل كدة لو حبيتي تفكري بطريقة عملية
تم النشر الأربعاء، ٢٨ فبراير ٢٠٢٤
شوفي بقا خلاصة حوارات الجامعة دي والنظرات وكل ده أنا شايفه غير حقيقي إلا أن يتبين العكس بمعني ربنا بيقول ( وأتوا البيوت من أبوابها) يعني لو بيحبك وعايزك يا بنت الناس هيأخد خطوة ويتقدم ويدخل البيت من بابه غير كده ما تصدقيش وما تنخديش بالمظاهر والنظرات الكدابة
تم النشر الخميس، ٢٩ فبراير ٢٠٢٤
لو جد هيتقدم بشكل رسمي لكن جو النظرات دة بدون اي كلام رسمي من ناحيته يبقى مش جاد
تم النشر الأربعاء، ٢٨ فبراير ٢٠٢٤
مفيش في ايدك حاجه ممكن تعمليها غير انك تتجاهلي الموضوع تماما، ومتفكريش فيه .. لان العواقب بتاعته لو محصلش اللي انتي عايزاه هتبقى مش كويسة. يعني لو فضلتي مركزة معاه والاهتمام ده زاد، كل شوية هيكبر جواكي .. ولو هو مجاش اتقدم .. وقتها هتعملي ايه؟ هتتعبي طبعا. علشان كده تجاهلي الموضوع تماما ..
تم النشر الأربعاء، ٢٨ فبراير ٢٠٢٤
هو من وجهه نظري يعني وانت براحتك بعد كده يعني اعمل لي يريحك حبيبتي انك تسيبي كل حاجه ماشيه زي ما هي وهو فعلا لو معجب بيكي وشخص محترم زي ما حضرتك وصفتيه كده على الاقل هيجي يتقدم لك حتى لو خطوبه
تم النشر الخميس، ٢٩ فبراير ٢٠٢٤
استني لانه اعتقد هياخد الخطوه يبدو انه علي خلق ربنا يكتبلك كل الخير
تم النشر الخميس، ٢٩ فبراير ٢٠٢٤
تم النشر الخميس، ٢٩ فبراير ٢٠٢٤
تسلميلي يارب ❤
تم النشر الخميس، ٢٩ فبراير ٢٠٢٤
اعتقد انه شخص خجول فلما قربتوا من بعض اوي زي ما بتقولي غض بصره عنك بما أنه شخص ملتزم دينيا ودي حاجه كويسه مش وحشة خصوصا في الزمن ده ،، لو ليكي نصيب في حاجة وربنا كاتبهالك ان شاء الله هتشوفيها بتتحقق .. اطمني
تم النشر الأربعاء، ٢٨ فبراير ٢٠٢٤
لعرض السؤال في فدني اضغط هنا