انا دلوقتي تالته ثانوي والحمدلله بذاكر من اول السنة بس مش بمجهود عالي أو محبتش أخري وانا الحمدلله مستوايا كويس ف كنت عاوزة اراجع المواد أو علي الاقل معظمها قبل رمضان وازود انتاجيتي واذكر عدد ساعات اكتر لأن كمان بنام كتير وطول اليوم عاوزة انام وفي ناس بتقولي ده حسد لا انا كنت شاطرة جدا ف ممكن حد يساعدني اعمل ايه واظبط نومي ومذاكرتي ازاي في رمضان مع العلم أن دروسي في رمضان كلها هتبقي الصبح قبل الفطار وهل التراويح هتضيع الوقت ولا لا
اول حاجه النوم الكتير مش دايما حسد وارد جدا يكون من الضغط النفسي او الاجهاد او الانميا ومحتاجه تفريغ وراحه بسيطه عشان تقدري تكملي كمان ممكن لو مخلصه المنهج خلاص كل يوم تحدديلك ماده تخلصي فيها جزء قرائه وتلخيص وتحديد النقاط المهمه وف رمضان تحلي كتير وتحفظي الي بيقع منك العباده دايما هي البنزين بتاعك وهي البركه الي ف حياتك عمرها مكانت تضيع وقتك ربنا يكرمك ويباركلك ويقويكي وتواضبي ع الصلاه والمذاكره هتلاقي بركه ف وقتك وجهدك فظيعه ان شاءالله
تم النشر الخميس، ٩ مارس ٢٠٢٣
هو الطبيعي تحصني نفسك باستمرار وتقراي سوره البقره أفضل وأفضل كمان بتجلب بركة لليوم فإن التزمتي بده سواء كنتي محسوده أو لاا هتكوني ف أمان تزودي عدد ساعات مذاكرتك ده غلط لأنها مش بالكم بالكيفيه يعني كل إنسان بيكون له وقت فاليوم تركيزه عالي ونشيط يا إما الفجر أو الظهر أو العصر أو بالليل فإنتي ركزي مع نفسك آكتر وقت بتنجزي تقعدي كده تهيئي الجو حواليكي تبعد أي مشتتات عنك وساعه ونص وبريك ربع وتعملي في نشاط بدني أي رياضه يعني وترجعي تآني وحاولي تحلي إمتحانات كتير وتعملي ملخصات و خرائط تفكرك لا حببتي مش هتضيع بس مش شرط تصليها فالجامع صليها مع نفسك أو يوم فالبيت ويوم فالجامع ويبقي يوم الجامع مراجعهه لماده خفيفه مثلا النوم علفكره بيبقي كتير حاجة مرضيه فإنتي اهتمي باكلك وقبل النوم ادعي ربنا يباركلك فال ٦ ٧ ساعات وبجد والله لو مش قادره استغفري وادعي بس كتير هتقدري بعدها بالتوفيق يارب💜
تم النشر الأربعاء، ٨ مارس ٢٠٢٣
انا زيك كدا بالظبط بس حطي ف دماغك ان هما شهرين يعني م باقي حاجه وان الندم م هيفيد بحاجه كل ال هتعمليه لو انتي خلصتي منهج اقعدي من الدروس وخلي طول اليوم مذاكره لحد مثلا الساعه 4 لو شايفا ان فيه مواد مقصره فيها انزلي فيها مراجعه غير كدا هتضيعي وقت وهتيجي تعبانه وم هتقدري تذاكري والتراويح م هتأثر بحاجه ع الاقل الحاجه دي لله واستغليها وبعد التراويح تبدأي ومتقنعيش نفسك انك لازم تنامي بالعافيه ابدأ هي البدايه بتبقا صعبه دايما بس لو بدأتي هتحسي انك انجزتي وهتكملي صدقيني .ودا الاك بتاعي لو عايزا جدول تلمي بيه المنهج او اي حاجه واقفه معاكي me56ra56@
تم النشر السبت، ١ أبريل ٢٠٢٣
لعرض السؤال في فدني اضغط هنا