لما كنت بتشاكل شكلة عيال مع عيل قدى طوله اقصر من المسطره رغم كده لمجرد انو خبطنى ف ايدى صبعي اتكسر لما كل ما اتخبط خبطات بسيطه صوابعى بتزرق وعضمي قليل وكمان كان عندى مشاكل ف فتره فى المشي بسبب انى كنت بلاقي ان رجلى علطول بتوجعنى وكمان دايما جسمي مكسر وضعيف جدا وروحت بدل الدكتور يمكن 5 واكتر وكلهم قالو انى عندى نقص فى العناصر الغذائيه والمناعه ضعيفه وده بسبب انى مش بدخل جسمى اى حاجه تديه الفيتامينات الى محتاجها وده بسبب انى بعشق الاكل من برا كنت وانا صغيره معنديش مشاكل مع الاكل ودلوقتي الاكل تقريبا كلو مش بحبو لكن لو جاى من المطاعم يا سلام ، مبحبش اللحمه ولا الفراخ لما يبقا طعمهم لحمه وفراخ جمله مش مفهومه بس لازم احط عليهم توابل كتير أو ادخلهم ف وصفه عشان طعمهم يتغير مبحبش البيض معدا المسلوق وبقالى فتره حتى المسلوق مش باكلو هل لو بدل ما اكلتهم دخلتهم ف وصفات كده هيفقدوا قيمتهم الغذائية ؟ وازاى احب البسله والسبانخ وكل ده عشان اقدر اعيش من غير وجع ف هضمي ازاى اتقبل الاكل ده ؟
اول حاجة لازم تعملي تحاليل كاملة عشان نعرف ايه العناصر الغذائية اللي ناقصاكي ، تاني يفضل انك تروحي ل دكتور تغذية كويس عشان يتابع معاكي ، هنشوف كل عنصر ناقص في جسمك وهنشوف موجود في ايه وهنبدأ نظبط نظام أكلك زي مفيش اكل من برا خلال فترة العلاج حتي ، وتشربي ماية بشكل كافي ، وتنامي عدد ساعات كويس كمان ، ومتقوميش بمجهود كبير جدا بس في نفس الوقت اعملي مجهود خفيف ، بالنسبة لموضوع الاكل ف هنقدر نتحكم فيه بالوصفات اللي ممكن نعمل بيها الاكله وممكن نستخدم الفراخ مثلا او اي حاجة في كذا اكله مش لازم نفس الاكل كل مره عشان متزهقيش ، وانتي بتاكلي اتفرجي علي اي حاجة تليفزيون مثلا عشان متحسيش بانك بتاكلي ايه ، الاكل ده نعمة من عند ربنا و حاولي تديهم فرصة مش يمكن نظام اكلك يتغير وتحبي اكل البيت اكتر ، بالتوفيق 🤍
تم النشر الأحد، ١٨ أغسطس ٢٠٢٤
هو هنا في يعني كذا طريقه ممكن نجرب؟ اي واحده منهم او نجربهم كلهم بالتدريب اولا هتحتاجي تاخذي فيتامين خارجيه. الكبسولات يعني بتاعه الفيتامينات. لحد ما تقدري تظبطي نظامك الغذاء تمام وده طبعا لازم الدكتور يوصف لك انهي مكملات غذائيه لتنفعك على حسب نسبه النقص اللي عندك كان نسبه النقص بتناسبه النقص عندهم ممكن ياخذوا مكمل غذائي اللي هو بتبقى كبسوله فيها اكثر من فيتامين مع بعض مفيش مشكله في ناس تانيه نسبه النقص عندهم بتبقى كبيره جدا فلذلك كل عنصر بيكتب لهم لوحده بمواعيد معينه عشان ما يتدخلوش مع بعض ولازم يتاخدوا كل حاجه في وقت معين فضروريه متابعه مع الدكتور دا يتاخد امتى افضل وقت في حاجات ممكن تحتاج تتاخذ الصبح. بتتاخد بعد الاكل. تركزي في الموضوع ده كويس. علشان تبدئي جسمك ما يوصلش لمرحله.
تم النشر الأحد، ١٨ أغسطس ٢٠٢٤
أولاً، حبيبتي، أنا عارفة أن الموضوع معقد وصعب، بس لازم تحاولي تدخلي أكلات مفيدة لجسمك. يعني، لو مش بتحبي اللحمة أو الفراخ، ممكن تجربي تحطيهم في وصفات بتعجبك أو تستخدمي توابل تحبيها عشان يعدوا أكتر طعم لذيذ. مثلاً، ممكن تعملي صينية خضار مع دجاج متبلة بالصويا صوص أو بهارات تانية تحبيها، ودي بتخلي الطعم مختلف. بالنسبة للبسلة والسبانخ، ممكن تعلمي نفسك تحبيهم خطوة بخطوة. جربي تعمليهم مع وصفات بتحبيها، زي الشوربة أو مع رز وتوابل. كمان، حاولي تدخلي طعم مختلف لهم عن طريق الهاريس أو الزعتر. أما عن الفيتامينات، لو حطيتي اللحمة أو الفراخ في وصفات مش هيفقدوا قيمتهم الغذائية، بالعكس، لو خليتهم مع خضار أو حبوب زي الكينوا، هتستفيدي أكتر. الأهم إنك تحاولي تقوي مناعتك، لأن جسمك محتاج الطاقة والفيتامينات عشان يشتغل بشكل سليم. حاولي تتابعي مع دكتور التغذية عشان يديكي خطة مناسبة ليكي. وأخيرًا، حاولي تكوني مرنة مع نفسك، وخلي التجربة ممتعة. بالأكل المفيد، هتحسّي بتحسن وهتخفّي عن نفسك آلام الهضم.
تم النشر السبت، ١٧ أغسطس ٢٠٢٤
تابع مع دكتور تغذية افضل واعمل تحاليل لازمة وحاول تشوف من علي نت طريقة عمل اكل بطريقة صحية واكل صحي مش كله خضروات وقية ناشفة او مسلوقه ممكن تروح جيم وتقوي عضلات بتاعت جسمك
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا