انا عندي19سنه مخطوبه بقالي7شهور وقبلها كنت مخطوبه سنه لشخص عقدني في حياتي وفي الرجاله خلى الشك ماليني ونا مكنتش شكاكه خالص وهو حاططني في دماغه وعاوز يخرب حياتي ويخلي خطيبي يسبني غير اهلي اللي دايما سيبني لوحدي وخواتي ومرتات اخواتي بيضفلو يتكلمو عليا ويخلو اخواتي يضربوني غير خطيبي اللي مبقاش مهتم بيا غير نفسيتي انا تعبانه وبعيد عن ربنا ونفسي اقرب بس مس عارفه نفسي اتكلم مع حد يفهمني
السلام عليكم انت صغنونه 19 سنه خليني. انبهك نقطه واضحه قوي في كلامك انت مركزه قوي قوي قوي قوي على كل النقط السلبيه والمشاكل اللي موجوده في حياتك. هتقولي لي انه طب اعمل ايه يعني هو انا هعرف اتجاهل الحاجات دي طب ما هي دي حقيقه حياتي هاجي اقول لك ان مش حاجه حياتك لوحدك حياتنا كلها دائما بيكون فيها شق حلو وجميل ونعم كثير جدا ربنا انعم علينا بيها وفي شق ثاني بيكون ابتلاءات ومشاكل وازمات ومواقف بنتحط فيها مش حلوه عشان بنتعلم منها او علشان ناخذ منها عظه او عشان تفوقنا فهي دي الحياه. فاول حاجه اول حاجه لازم يعني تقفي عليها علشان انت تكوني فاهمه صح وتعرفي تعاملي في الحياه صح وتعرفي علاقاتك دي كلها اللي انت بتتكلمي فيها ولازمات اللي فيها تعرفي تتعاملي معاها صح؟ هي انك تشوفي ان ده التوازن الطبيعي بتاع الحياه. وانا كبني ادم الحمد لله ربنا خالقنا كل ما عندنا القدره على التعامل مع الحاجات دي. مش لوحدنا احنا بنطلب طبعا انه ربنا يساعدنا ويدينا قدره تخلينا نقدر نتعامل مع الحاجات اللي في حياتنا اا يدينا المساعده بان هو يقرب مننا ناس ااا تفهمنا تفهمنا تعلمنا تنبهنا توجهنا فده برضه يبقى بيساعد. نا ويوقفي النظره اللي كلها سلبيه اللي كلها سودائيه لانه انا لما اجي اتكلم على حياتي ضروري اتكلم بتوازن لما هتبداي تتكلمي بتوازن هتلاقي نفسك انت شخصيا حاسه باحساس احسن لكن لو طول الوقت بتكلم على شقه واحد وسايب الشق الثاني فانا كده مش هحس باحساس كويس على فكره. فخلينا ناخد مسائل ممكن اقول انا مخطوبه بقى لي سبع شهور انا مخطوبه لانسان كويس ااا لسه بتعرف عليه لسه بفهمه لسه بيفهمني ولكن عندي نقطه انا اللي عندي مشكله فيها وهي نقطه الشكل هو الحقيقه اوقات بيستحملني اوقات ثانيه ما بيبقاش فاهمني ولكن انا بحاول في الموضوع ده مختلف تماما عن اني اقولها بالطريقه اللي انت كاتباها انا مخطوبه بقى لي. واا بقيت شكاكه والخطوبه اللي قبلها عقدتني جدا واا اللي فات ده مش سايبني في حالي. والدنيا فيه فرق كبير جدا فضروري حتى لو انت بتتكلمي مع نفسك حبيبتي تتكلمي بيتها ويزن لو انا دلوقتي مثلا هقول انه انا مش عاجبني الاكل اللي موجود او انا نفسي في حاجه احلى من الاكل اللي موجود. قدامي حلمنا الاثنين يا اما هتكلم بتوازن يا اما هتكلم بشكل سلبي فهيخليني احس احساس وحش الكلام اللي بتوازن هقول الحمد لله على نعمته والحمد لله على ان احنا مستورين وقدامنا اكل او قادرين نوفر لنفسنا اكل يسد جوعنا حتى لو هو مش احسن حاجه عجبانه وان شاء الله ربنا يرزقنا بفلوس اكتر بانواع اكل احسن همم زي اللي انا بحبها انا نفسي مثلا في الاكله الفلانيه ان شاء الله ربنا اا يعني ايه يقدر واكلها قريب الموضوع مختلف تماما.
تم النشر الأحد، ٢٩ سبتمبر ٢٠٢٤
انتي عندك 19 سنة مش 39 و يبعد لو عايز .. كرامتك بالدنيا ، و نصيبك هيصييك ايا كانت الأسباب . و ركزي في مستقبلك و خليكي حذرة .
تم النشر الأحد، ٢٩ سبتمبر ٢٠٢٤
اخاف اصارحه يبعد
تم النشر الأحد، ٢٩ سبتمبر ٢٠٢٤
ارجعي لربنا و التزمي بصلاتك ، و عندي حل ليكي طالما خايفة علي كل حاجه يبقي اقعدي مع خطيبك و صاحيه بمخاوفك و لو فيه خير هيفضل والا يبقي من اولها مش في صفك ، صارحس العيلة بمخاوفك دي و باللي حصل .. علشان لما بفكر يعمل اي شيء يبقي كله عامل حسابه و محدش يفكر مرتين ، ملحوظة .. أما بالنسبة للشك فلاء .. في مقولة نصها "عاملو الناس بما يظهرون لكم والله يتولى ما في صدورهم" اللي يبان لك تصرفاته وحشة ابعدي عنه و اجنبيه و خليكي حذرة حتي لو قال ان نيته كويسة ، و العكس اللي مشفتيش منه حاجه وحشة بلاش تعاملي بابظن و السوء .
تم النشر الأحد، ٢٩ سبتمبر ٢٠٢٤
لعرض السؤال في فدني اضغط هنا