مطلقة ليس عندي أبناء . و تقدملي مطلق لم ينجب لمشاكل عنده . بيتعالج ممكن ينجب و ممكن لأ .
هو انسان رائع و اتمني الموافقة عليه و لكن اتمني الاطفال جدا جدا .
نسبة الازواج اللي عندهم مشاكل في الانجاب بصورة طبيعيه مش قليله ف متقلقيش نفسك.. حاولي تفكري ف الموضوع من جميع الجوانب .. كده كده محدش بياخد كل حاجه ومفيش شخص كامل . اعرفي وضعه الصحي كويس واسألي دكتور واتنين واعرفي اكتر عن نسبة الشفاء وعن بدائل زي الحقن المجهري واطفال الانابيب وهكذا. ممكن برضو تفكري في تبني طفل اذا لم يتم شفاءه لا قدر الله. اذا كانت مناسبة ليكم خلاص توكلي على الله وشوفوا العلاج هيوصل لفين وهيبقى عندكم أكتر من حل بإذن الله المهم التراضي والاتفاق بينكم وتكونوا متفاهمين وواعين. ولا تنسي الاستخارة طبعا قبل كل خطوة. ربنا ييسرلك الخير ويرزقك بشخص مناسب.
تم النشر الثلاثاء، ٢٠ ديسمبر ٢٠٢٢
ممكن نتكلم في الموضوع من عدة جوانب. كده كده الموضوع غير مضمون صح؟ يعني مثلا لو تجوزتي شخص ولا يسبق له الانجاب قبل كده انتي ف انتي ممكن مش عارفه اذا كان هو عنده مشاكل ولا لأ ! فالحالة ديه انتي هتعملي ايه؟ دلوقت لو انتي عندك الاطفال حاجه مهمة جدا ومش سهل الاستغناء عنها ف بكده عملية إتمام الزواج مش هتكون في صالحك لقدام .. لأنك برضه مش هتكوني مبسوطة وقتها أنه مش هيكون معاكي اطفال منه. ف لازم تفكري جيدا .. لو الاطفال مهمين ف كده انتي هتظلمي نفسك وهتظلميه .. وهتكون الحياة صعبة عليكم انتم الاتنين. ف استني لحد ما ربنا يرزقك بشخص يكون سبق له الزواج والانجاب .
تم النشر الثلاثاء، ٢٠ ديسمبر ٢٠٢٢
لو مسالة الاولاد هتخليكى تلفى كل مميزاته قصادها ..يبقي بلاش نصيحة منى لو شايفاه خير رفيق فى هذة الدنيا استعينى بالله واقبلى لان حتى لو مفيش مشاكل ممكن ميكونش فى نصيب فى الاولاد بردوا
تم النشر الثلاثاء، ٢٠ ديسمبر ٢٠٢٢
لكي الحق في الإختيار، وإن كنت تريدين الأطفال بشدة وهم غرض اساسي من الزواج فاتركيه، لكن إن كان ليس مثله حولك في التقوى فأرغبك في الزواج منه لأن التقوى بدون اطفال أفضل من العكس.
تم النشر السبت، ٣١ ديسمبر ٢٠٢٢
نصيحتي لحضرتك ترفضي العريس لرغبتك الشديدة للاطفال ودي حاجة لا تعيب حضرتك ولا تعيبه لكن هتسبب مشاكل قدام
تم النشر الثلاثاء، ٢٠ ديسمبر ٢٠٢٢
لعرض السؤال في فدني اضغط هنا