مخطوبة الابن خالي من سنة مكنتش اعرف حاجة عندي دلوقتي 15سنه المهم انا بحاول ابعد عن الجوازه دي علشان نفسي اكمل تعليمي وغير كده سني صغير اوي وهو اكبر مني ب9سنين بس شكلي اكبر من سني الكل شايف انه مناسب جدا وخاصة امي هي بتحبوا جدا ولو بعدت امي هتتعب الانها تعبانة اصلا من فتره كبيره ودلوقتي هما عاوين يحددوا موعد الزفاف واكمل تعلمي الثانوي هناك وانا مش موافقة علي الجواز في العمر ده ومفيش حب والكل موافق السؤال انا خايفة ابعد وفي الاخر هندم عشان كلامهم انك مش هتلاقي حد زية وفي الاخر ابن خالك والكلام ده وانا مش مرتاحة وخايفة علي امي والكل هيزعل انا تعبت اوي ممكن تنصحوني اعمل اي
هو ممكن يكون نظرة اهلك فيه صح ويكون انسان كويس ومحترم ...لكن ده ميمنعش ان شرط القبول منك ضرورى لو انتى مش متقبلاه عشان بس فكرة انك ممكن فى الحياه تلاقى احسن ..فده مش السبب او التوقع اللى تقررى على اساسه اى حاجة .,..لان المستقبل محدش يعرف عنه حاجة . لو انتى حاطه موضوع التعليم حجة عشان ترفضى ...فمفيش داعى لان رفضك مش شرط يتربط بسبب وده حقك لو مش مرتاحه للجواز دلوقتى ( رغم انى شخصيا شايفه ان ده مش سن مناسب للزواج خالص ) انتى قيمى الشخص بالنسبالك انتى واعتبرى نفسك دلوقتى بتقررى وانتى عندك 20 سنه ..شوفى هتشوفيه مناسب يكون زوج واب ويتقى الله فيكى ولا لا وحطى لنفسك فعلا هدف فى حياتك ...ومش لازم يكون الهدف ده زى ما كل الناس بتقول ...شوفى انتى عاوزه تعملى ايه فى حياتك فعلا ...ولو وافقتى تكملى الزواج ...قبلها تتكلمى معاه وتحطيله هدفك ده شرط وقدام اهلك كلهم كمان ( زى موضوع التعليم كده )
تم النشر الأحد، ٣ مارس ٢٠٢٤
اولا انت لازم تتكلمي مع اهلك وقولي لهم على عواقب الجواز المبكر ده وخصوصا جواز القرايب والمشاكل الصحيه اللي بتحصل نتيجه جواز القرايب ده رقم واحد ... رقم اثنين القانون دلوقتي اصلا بيمنع جواز القاصرات لان انتي حاليا قاصر ما ينفعش الجواز الا لما تكملي 18 سنه ده غير كمان المخاطر الصحيه اللي ممكن تحصل لو حصل حمل.. اتكلمي مع والدتك واتكلمي معاها بكل هدوء وعرفيها بمخاوفك وقوليلها ان انت عايزه تكملي تعليمك وقوليلها ان حال الدنيا دي مش ان انا اتجوز وخلاص يبقى انا ارتحت بالعكس ده شهادتي هي اللي هسند بيها ضهري وان الجواز مش هو اللي يخليني اواجه الدنيا.. اتكلمي معاها بالراحه وحاولي تفهميها وتقنعيها بالموضوع ولو وهي ما اقتنعتش بالموضوع كلمي والدك او حتى كلمي خالك وابن خالك وقولي لهم ان انتي مش مستعديه لحاجه زي دي دلوقتي ولا حتى بعدين واوعي تسمحي ان هم يجوزوكي غصب عنك القانون في ظهرك وده اسمه جواز قاصرات واصلا اهلك ممكن يتحبسوا فيها هما وخطيبك ده علشان كده حاولي تتكلمي معاهم بهدوء وتعرفيهم عواقب الموضوع من اول لاخره عواقب من ناحيه القانون من الناحيه الصحيه وعلى صحتك انتي الجسديه والنفسيه واهميه التعليم في حياتك ... ولو مافيش فايده من اهلك ولا من اهل خطيبك ومن خطيبك ذات نفسه فنصيحه ان انت تلجاي للقانون انه يحميكي من الجواز القاصرات ده ماتقلقيش القانون هيقف في صفك ومش هيخلي اهلك يقدروا ان هما يجوزوكي الا لما تتمي السن القانوني ومش هتتجوزي الا موافقتك انت الشخصيه..
تم النشر السبت، ٢ مارس ٢٠٢٤
ارجعي الي ربنا هوا أقرب منه عن عباده ربنا معكي
تم النشر الأحد، ٣ مارس ٢٠٢٤
جربي استخيري قبل اي اشي ازا ارتحتي كملي و ازا لا احكي مع امك و شوفي شو بصير
تم النشر الأحد، ٣ مارس ٢٠٢٤
ارفضي الجواز انتم لسة صغيرين ،ولما تدخلي جامعة وبعدها تشتغلي هتلاقي ابن حلال ويمكن بعد متخلصي جماعتك وتحصلي علي شغل لانه ده اهم بكثير من زواج لانك هتربي جيل تاني
تم النشر الأحد، ٣ مارس ٢٠٢٤
اعملى اللى قولتلك عليه ....وصدقنى كتر الكلام مش هيفيد ...ولا انك تفضلى تبررى لنسفك أو انك تحاول تجبريها على حاجه هيا مش عاوزاها هيفيد
تم النشر الأحد، ٣ مارس ٢٠٢٤
هو راجل وجدع وكل حاجة وبيحبي ومش عارف يظهر ده الانه مسافر بس انا مش مرتاحة حاسه اني عايشة سن اكبر مني
تم النشر الأحد، ٣ مارس ٢٠٢٤
انا ليه بقول كده. بقول. وعشان متبصيش وتختاري علي اساس الأهل والقرابه. واختاري الشخص. هل هو انسان هيراعي ربنا فيكي بجد. عشان هو انسان بجد خلوق وانسان محترم واخلاقو الرجوله اللي علي حق. يابلاش. ده اختبار هيتحسب عليكي. مش جميله هتتشالك يعني اختاااري الرجل الصح لو كان هو رجل بمعني الكلمه علي بركه الله. أما ماما. فعادي ممكن تقربيها منك مفيش مشكله فدي. واسفه بجد علي الاطاله. 🤍🌹🌹
تم النشر السبت، ٢ مارس ٢٠٢٤
بصي له وحده. هل هو الشخص ده اللي ممكن تتقبلي منو اي حاجه. وممكن هو يرعاكي بجد. مش عشان بنت عمتو. لا بس عشان اخلاقو هو كده. راجل يعتمد عليه. بس كده ويارب اكون فدتك بحاجه،🌹🌹
تم النشر السبت، ٢ مارس ٢٠٢٤
متبصيش لراحه وزعل بقيه العيله. ةبصي لنفسك الشخص ده هترتاحي معا وهتقبلي منو اي زعل فيما بعد ولا لا. أما بخصوص الوالدة فانتي ممكن تنقلبها جنبك عشان تراعيها. لو خايفه عليها. وقبلتي بالجوازة دي. انا بقولك من باب التجربه. انا معرفش خالك ولا ابن خالك أخلاقهم ايه. يعني متبصيش انو عشان من بقيه ناسك انو خلاص كده هيرعاكي زيفضلك علي ابن فيوم من الايام. انا مش قصدي أن تقلل من حد. بس مش عيزاكي تبني امورك عالحته دي اني هتراعي واني هتحب عشان من نفس العيله ومع بعضينا وان اللي اعرفو احسن من اللي معرفوش. لا لا والف لا كمان. بصي الشخص وحده
تم النشر السبت، ٢ مارس ٢٠٢٤
بصي أنا هقولك علي حاجه مهمة. انتي بتتكلمي عن زعل اللي حوليكي لو رفضتي وبتتكلمي أن ابن خاللك. بس عمرك سالتي نفسك. هو مناسب مع طباعك ولا لا
تم النشر السبت، ٢ مارس ٢٠٢٤
استخيرى ربنا .....صلى صلاة استخاره ...مره وتانى وتالت وعاشر...وبعد كده يهتواجهى مامتك باللى ربنا ورهولك يهتواجهى نفسك بإنو الخير ليكى
تم النشر السبت، ٢ مارس ٢٠٢٤
قانون يفرض نفسه _ أما أن تختاري نفسك أو تختاري ما تهوى أنفسهم _ أن اخترتي نفسك فلقد ربحتي نفسك _ وأن أخترتي ما تهوى أنفسهم _ فخسرتي نفسك القرار معك _ أمك لازم تعرفيها لو هي جبرتك على هذا الزواج لسمح الله والعلم عند الله أن الله سيحاسبها حساب لا يسر مسلم
تم النشر السبت، ٢ مارس ٢٠٢٤
وبعدين ده جوز ده عمر
تم النشر السبت، ٢ مارس ٢٠٢٤
بس اسف حاجه انت مش راضيه على نفسك مستعزه في دنيا انت مش عايزاها عشان ترضي حد ثاني هي امك ربنا يطول لها عمرها وكده بس انت لو انت حاسه معاه بالامان او بتحبيها وكده تمام خليك معايا لو انت مش بتحبيه وحاسه اني ان انت ممكن يعني تعملي حاجه بعدين وتندمي عليها الجواز بالذات مش عايز على رضا حد الجواز ده مسؤوليه كبيره وجواز ده لازم تكوني انت عايزه شخص انت عايزاه
تم النشر السبت، ٢ مارس ٢٠٢٤
لعرض السؤال في فدني اضغط هنا