السلام عليكم ورحمة الله وبركاته
انا خريجه اداب فرنساوي دفعه ٢٠١٩ وحاصله علي دبلوم تربوي ٢٠٢١ ومقدمه السنة دي علي تمهيدي ماجستير بإذن الله مشكلتي اني لما بقدم علي مدارس خاصه محدش بيرجع يتصل بيا ، مفيش غير مدرسة النيل للغات اللي بتكلمني كل ما يتوافر وظائف عندهم ويبقوا محتاجين ناس وبالفعل عملت انترفيو ٣ مرات والتوفيق محالفنيش والحمدلله علي كل حال بس عاوزه اعرف ايه شروط النجاح في الانترفيو؟ بيقيموا الناس علي اي اساس انا بكون لابسه يونيفورم ومهتمه بالمظهر الخارجي الوان بسيطه وشيك وبجاوب علي معظم اسئلتهم وفي حاجات مبعرفش ارد ، احصل علي خبره ازاي ومحدش موفر فرصه للعمل علي الرغم إني مقدمه علي بوزيشن مدرس مساعد
اسفه علي الاطلاله ولكن اهتميت بالتفاصيل لعلي وعسي حد يقدر يفيدني أعمل ايه
ولو حد هنا مستواه كويس فاللغة ياريت يوجعني اعمل ايه
دكتور رأفت يوسِف كان موجود فِ برامج واتكلِم عن الموضوع ده تقدري تشوفيه من ع اليوتيوب هو إنسان مثَقف جِدا وبالتوفيق ليكِ ومتزعليش من حاجةة حضرتك لِسةة بتتعلمي وبتكتسبي خبرات جديدة.
تم النشر السبت، ٣٠ سبتمبر ٢٠٢٣
كل ما تكونى واثقه من نفسك اوى وعارفه تقدمى مهاراتك ...كل ما هيكون الموضوع ان شاء الله احسن جميل انك لابسه كويس ..بس كمان ردى على الاسئلة بثقه لان لو حسوا انك بسكوته مش هيقبلوا عشان كده مش هتقدرى تعملى اللى مطلوب منك وكل مره اتعلمى من الاسئلة اللى مش بتعرفيها ووانتى رايحه اعرفى المنهج بتاع المرحلة واتكلمى فيه وده هيحسسهم انك مجتهدة رغم انك مشتغلتيش مثلا قبل كده
تم النشر السبت، ٣٠ سبتمبر ٢٠٢٣
فاتك ما فاتك ليس لأن حظك سيئ بل حِكمة الله أكبر من إستيعابك
تم النشر السبت، ٣٠ سبتمبر ٢٠٢٣
متابعه البيدجات بتاعتهم واول مابينزلوا ابلكيشن بملاها وبيعت السي ڤي ، قصد حضرتك اني اروح المدرسة واقدم علي طول؟
تم النشر السبت، ٣٠ سبتمبر ٢٠٢٣
لزم تسعي بنفسك وانزالي واسالي
تم النشر السبت، ٣٠ سبتمبر ٢٠٢٣
ربنا يوفقك يارب ويقويكي ممكن مثلا تشوفي يوتيوب عن الانترفيو في المدارس الخاصه
تم النشر السبت، ٣٠ سبتمبر ٢٠٢٣
يوجهني*
تم النشر الجمعة، ٢٩ سبتمبر ٢٠٢٣
لعرض السؤال في فدني اضغط هنا