اخدت قرض بضمان المرتب . و لسه بسدد اقساطه .
لو هستقيل من الشغل . هل هيجبروني اسدد كامل قيمة القرض ؟
لو البنك بيخصم قيمة القرض من المرتب بشكل مباشر ...هيكلموك لما حساب الشغل يتقفل وميكونش بيتحول عليه فلوس....وهتسدد انت فى ميعادك عادى. بانك تروح البنك تعمل ايداع الضمان بتاعهم بطاقتك بعنوانك ...مش هيطلبوا تسدد كامل القيمة ولا حاجة.
تم النشر الأربعاء، ٢٢ فبراير ٢٠٢٣
غالبا بتتاخد من مكافئه نهايه الخدمه وطبعا الافضل تسأل البنك وتعرف التفاصيل دي كويس
تم النشر الأربعاء، ٢٢ فبراير ٢٠٢٣
ممكن تتصل بالبنك أفضل. وغالبا لازم يبقي في ضامن بديل شهاده أو منزل أو عربيه
تم النشر الثلاثاء، ٢١ فبراير ٢٠٢٣
بالراحه بس يا استاذ عماد ....الكلام ده فى حالة انه مسددش القسط فى ميعاده
تم النشر الأربعاء، ٢٢ فبراير ٢٠٢٣
الشؤون المالية هتقولك مينفعش تستقيل الا لما تسدد باقي المستحقات و حتي لو الاستقالة منهم يعني اجبروك علي الاستقالة لازم تسدد البنك دفعة واحدة قبل ما تسيب الشغل ، لانك لو حصلت و قدمت الورقة و اخدت بعضك و مشيت و البنك اخد خبر هياخد ضدك كافة الإجراءات القانونية في حالة المتهرب من السداد .. خلي بالك ، البنك مالوش دعوة ، البنك مبيهزرش ، البنك في ثانية هيبقي عدوك .
تم النشر الأربعاء، ٢٢ فبراير ٢٠٢٣
يا استاذة ياسمين انا اخدت قرضين زمان و سددتهم و انا عندي خلفية كويسة عن الموضوع و قصة البنوك دي اخدت مني عشر سنين قبل ما ابطلها تماما للأبد ، لو هو موظف الشغل بيخصم تلقائيا من مرتبه او بيبعت مرتبه للبنك لو المرتب مراحش البنك في ميعاده شهرين متتابعين البنك هيتحرك لانه غالبا لو موظف حكومي يبقي القرض بنظام الضامن فالبنك هيستدعيه او هيبلغ الضامن و هيطالبه او هيتحرك في الإجراءات . بعيدا عن ذلك انتي نبهتيني دلوقتي اني بدخل مشاعري في ردودي و ده شيء مش كويس بعمله مؤخرا دون وعي مني .. لذلك اشكرك .
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا