مساء الخير
انا شاب 33 سنة شغال في مجال المعدات الثقيلة عندي 3 شركات في نفس المجال الحمد لله وضعي المادي كويس جدا وبدات من الصفر ومن الناس المعروفه في المجال في مصر وبره مصر ولابدخن ولابسمع ماتش كوره كل حياتي بتابع اخبار العالم والاقتصاد وحاجات من النوع ده بقيت بدخل في حالات اكتئاب بسبب الاوضاع اللي بشوفها من ظروف الناس والعيشه الصعبه بقيت فاقد للشغف فاقد لكل شي معادشي عندي طموح كاره الحياة بعد ماكان بتجيلي الف فرصه بره مصر زايي زي اى شاب ناجح في مجاله كنت اقول بلدى اولي بيه ورفض كل العروض ونجاحي ده كان زمانه اضعاف غير الضغط النفسي اللي عيشته هنا في بلدي انا مدمر نفسيا وفي نفس الوقت عاقل ومتحكم في افعالي واقوالي بس معادشي عندي كلام كتير لما حد بيكلمني بقيت ساكت ديما معادشي عندي خطط مستقبليه مغادشي فارق اسافر ولا اقعد معادشي فارق اشتغل اكسب ولا اخسر انا في 2023 خسران مليون و800 الف في شغلي انا ندمان بجد علي تعبي وعمري اللي معادشي ليه قيمة وسنين عمري اللي ضاعت في التراب وتعبي بيضيع يوميا ادامي ومش عارف اعمل حاجه انا مش عارف اجمع افكاري بعد كل الكلام ده باختصار انا ضايع هل كل الشباب اخواتي كده ولا انا اللي مركز اكتر من الازم
انت ممكن تضيع كله دا بسبب فقدانك لشغفك وخصوصا انك خسرت مبلغ وقدره احب اقولك فقدان الشغف شعور طبيعي بيجيلنا من فتره للتانيه ولو استسلمت لي هضيع نفسك واللي عملته السنين اللي فاتت خساره اللي بنيته السنين اللي فاتت يتهد خصوصا انك شخص شاطر وناجح في شغلك نصيحتي ليك خد هدنه مع نفسك وارجع تاني وحاول برضو متخليش حياتك شغل شغل لأ في حاجات تانيه غير الشغل اخرج مع اصحابك سافر اتبسط شويه اعمل الحاجات اللي بتحبها دا هيساعدك ترجع الشغل بشغف وتعوض خسارتك ، المهم انك متستسلمش للوضع دا خصوصا انك مش ب أيدك تغير حاجه ولا ليك دخل بظروف الحياه الصعبه كمل طريقك وارجع وعافر في شغلك من تاني وربنا يوفقك ويعوضك خير عن خسارتك
تم النشر الثلاثاء، ١٧ سبتمبر ٢٠٢٤
والسلام عليكم يا أستاذ محمد خليني اقول لك. الضغط اللي انت فيه طبيعي ومش هقول لك الشباب اللي في نفس سنك اللي اصغر من سنك اكبر من سنك متعرضه للضغوط دي مجرد ان احنا نبقى باصين على منحدر نازلين فيه مش عارفين اخره ايه ومش عارفين هنوصل لفين وشايفين. احداث واحوال عماله بتروح للاسف للاسوء. دي حاجه تدعو للالم تدعوا للتوتر خلي الواحد ما يعرفش ينام. خليني نشوف معاك الموضوع اللي يخلي الواحد ياخذ الموضوع ده شبه الزحليقه زاما الاطفال كده بيبقوا برده واخدينه الحضر وبرده نازلين من على حته عاليه ورايحين اللي تحت وعارفين انهم غالبا هيتخبطوا بس بيبقوا مبسوطين. تعرف ليه الاطفال بيكونوا مبسوطين وهم نازلين زحليقه؟ الاطفال بيبقى مبسوطين عشان هم مش هامنهم حاجه عشان هم باصين من الموضوع بس ان احنا في رحله. واحنا كمان الكبار احنا في رحله. لما بتكون عديت بمرحله كان فيها شويه عقبات وانت عديتها والحمد لله نجحت وحققت النتايج حلوه. احنا كبني ادمين كلنا مش انت لوحدك اي حد فينا بيعدي بخطوات زي دي بيدي له احساس مزيف بالتحكم بيفتكر ان هو عرف كده يلعب اللعبه ازاي عارف يكسب ازاي؟ فبننسى حاجه مهمه قوي بنغفل عن حاجه مهمه قوي الا وهي انه في الاول وفي الاخر الامور دي مش بتاعتنا النتايج مش بتاعتنا نتائج دي بتكون رزق من ربنا مكتوب لنا احنا بس بنسعى احنا بس بنتحرك في الحقيقه. هل تفتكر ان في نفس التوقيت اللي احنا فيه ده في الظروف الصعبه دي ما فيش ناس شغلها بدا يزدهر ويكسب فيه الله اشمعنى رغم ان المفروض دي ظروف صعبه ولكل اللي بيخسر فيها لا في ناس كسبت في الوقت ده ليه؟ ارزاق ارزاق وربنا مقسمها ومدبرها وحطيتها بتوقيتات احنا لو يعني شقلبتنا مش هنعرف نرتبها ترتيبه ربنا كده. ايا كانت الاوضاع ايا كانت الاحوال في البلد دي او في بلاد اخرى الامور كلها ممسوكه في يد ربنا فالتحكم الحقيقي هو في ايد ربنا انما احنا احنا نتحكم في شيء حتى ولو عملنا تجربه وقررناها واخذنا نفس النتائج وعملناها وخدنا نفس النتائج احنا بنفتكر ان احنا كده خلاص فقدنا المفتاح لا على فكره لو ربنا اراد ان احنا نكررها في المره الميه انها ما تنجحش رغم ان احنا بنعمل اللي بنعمله بقى لنا 99 مره هيكون مكتوب لها النعمه ما تنجحش. مع تكرار نفس العوامل بنفس الترتيب. الظروف دي بتكون مهمه لينا جدا عشان نرجع نفوق نفسنا في الحته دي احنا لا نملك من الامر شيء في الحقيقه اللي في ايدينا ده مش تحكم حقيقي. اللي في ايدينا ده هو مجرد. محاكاه للي بيد ربنا. حاجه كده؟ زي السميوليشن اللي انت بتخش تشوفها؟ 3d هي ده مش تحكم حقيقي. حاول تدي نفسك تفكير عميق شويه في النقطه دي وتسيب من ايدك فكره التحكم وامشي خطواتك وامشي حياتك وغيرك مش الخطوات لو في ايدك تقدم حاجه وغيرك للناس اللي عيشتهم اصعب اعمل ده صدقني ده هيسعدك الظروف الحاليه ده هيسعدك هو ان شاء الله هيفتح عليك ابواب تكسبك اضعاف اضعاف اللي انت خسرته.
تم النشر الثلاثاء، ١٧ سبتمبر ٢٠٢٤
اللهم بارك ربنا يزيدك بجد انت فخر ومثال للشباب اللي في سنك طبيعي وعادي فتره الاكتئاب ما بين وقت للتاني بسبب الضغوط النفسية والروتين اللي بتعمله خصوصا إن حضرتك بتقول كل تركيزك على شغلك حاول تغير يعني تخرج شويا تعمل حاجه بتحبها وصدقني فتره وهترجع احسن بإذن الله طبيعي تضعف وتبقي ضايع كمان ساعد نفسك انك هترجع احسن بمحاولاتك وصبرك متقولش دي النهايه وندمان على تعبك وعمرك اللي ملوش قيمه لا طبعا كل دا ليه قيمه واكيد انت بغير الفتره دي كنت فخور بنفسك واللي وصلتلوا
تم النشر الثلاثاء، ١٧ سبتمبر ٢٠٢٤
السلام عليكم حابه اقولك ان اه الأوضاع صعبه وربنا يعين كل واحد علي الي هو فيه يارب بس مش معني كده انك يبقي تركيزك كله علي حاجه مش بايدك تغير فيها حاجه حضرتك حاول تقعد مع نفسك شويه وتقرر انك هتبدا تاني وترجع اقوي في شغلك من الاول وعشان تقدر علي كده قرب من ربنا اكتر وادعيله في صلاتك انه يوفقك ويهديك في طريق يكون كله نجاح ان شاء الله وصدقني هترجع احسن وربنا هيوفققك في شغلك وممكن بقا عشان تشكر ربك وكمان تعمل خير وتحس انك بتساعد في تعديل الوضع ولو بجزئ صغير خصص مثلا بينك وبين نفسك مبلغ معين وطلعه لله كل فتره لمساعدة غيرك وجزاك الله كل خير ان شاء الله
تم النشر الخميس، ١٩ سبتمبر ٢٠٢٤
لازم تعرف انك ملكش ذنب في كل اللي بيحصل ده لكن كل اللي انت حاسس بيه دا شئ طبيعي ومفهاش مبالغه خالص بس بيفرق بين شخص وشخص تاني في بيقاوم الاكتئاب ويكون احسن وفي اللي بيستسلم للاكتئاب فبلاش تستسلم للاكتئاب هيدمرك وهيضيع اي تعب انت تعبته فحاول تفضف مع شخص تكون واثق فيه ومرتحله او لو مفيش تقدر تكتب كل اللي بتحس بيه او ترسمه مثلا لو بتعرف ترسم اه والله زي ما بقولك كده يمكن تكون مستغرب لكن لا اعمل بس كده وحاول مثلا تعمل حاجه انت بتحبها متخلكش تفكر في الاوضاع دي حاجه بتكون مبسوط وانت بتعملها وانت شخص ناجح مشاء الله اللهم بارك فمينفعش تضيع تعبك كل دا كده في حاجه انت ملكش زنب فيها لازم ترجع تاني وحاول تركز حتى لو هتنجز حاجه صغيره مش شرط حاجه كبيره ووحده وحده هترجع زي الاول واحسن كمان وان شاء الله ترجع كل حاجه زي ما كانت وتكون كويس
تم النشر الثلاثاء، ١٧ سبتمبر ٢٠٢٤
مساء النور، محمد. أفهم تمامًا ما تمر به، ومن الواضح أنك شاب مجتهد ومثابر، وقد حققت الكثير في مجال عملك. لكن الحياة ليست دائمًا سهلة، وقد نمر جميعًا بأوقات صعبة تؤثر على حالتنا النفسية. الاكتئاب الذي تشعر به قد يكون ناتجًا عن الضغط النفسي والتحديات التي تواجهها، بالإضافة إلى مشاعر القلق بسبب الأوضاع الاجتماعية والاقتصادية المحيطة. من المهم أن تعرف أنه ليس هناك عيب في الشعور بالتعاسة أو الإحباط. يمكن أن يشعر أي شخص بالنضال والصعوبة، خاصة في أوقات مثل هذه. إليك بعض النقاط التي قد تساعدك في التفكير: التعبير عن مشاعرك : حاول أن تتحدث مع شخص تثق به عن ما تشعر به. يمكن أن يكون ذلك صديقًا أو فردًا من العائلة أو حتى متخصصًا نفسيًا. تحديد الأهداف الصغيرة : بدلًا من التفكير في المستقبل بشكل عام، حاول تحديد أهداف صغيرة وقابلة للتحقيق يوميًا. يمكن أن تكون هذه الأهداف بسيطة مثل قراءة كتاب أو ممارسة هواية تحبها. استعادة الشغف : ابحث عن الأشياء التي كنت تستمتع بها في الماضي، وحاول العودة إليها. ربما يمكنك تجربة أنشطة جديدة لم تكن قد جربتها من قبل. ممارسة الرعاية الذاتية : تأكد من أنك تأخذ وقتًا للاعتناء بنفسك – جسديًا وعقليًا. تناول طعامًا صحيًا، وحاول ممارسة بعض الأنشطة البدنية بطريقة تناسبك. التواصل مع الآخرين : حاول أن تتفاعل مع الآخرين، حتى لو كان ذلك عبر وسائل التواصل الاجتماعي. الدعم الاجتماعي يمكن أن يكون له تأثير كبير على نفسيتك. إذا استمرت مشاعرك السلبية أو تفاقمت، فأعتقد أنه سيكون من الجيد أن تتوجه للحصول على مساعدة احترافية، حيث يمكن أن يقدم لك مختص الدعم الذي تحتاجه. تذكر أن الشعور بالضياع ليس علامة ضعف، بل هو جزء من الحياة. وأنت لست وحدك في هذا الإحساس، فالكثير من الشباب يواجهون تحديات مشابهة. خذ الأمور خطوة بخطوة، وكن لطيفًا مع نفسك.
تم النشر الثلاثاء، ١٧ سبتمبر ٢٠٢٤
ربنا يزيدك كمان وكمان لكن خليني الفت نظرك لحاجة واكيد دي حاجة بينك وبين ربنا لو مكنتش بتتصدق من مالك تصدق واحسب زكاة مالك وطلعها اول باول ولو كان عليك قديم حاول تطلعهم ولو سايب الصلاة ارجع صلي وتأكد ان مفيش حاجة اسمها فاقد الشغف بس فيه حاجة اسمها بعيد عن ربنا دايما لما بنكون متشتتين بيكون ان روحنا ناقصها القرب من ربنا والقران اسال الله ان يفك كربك ويزيح همك
تم النشر الثلاثاء، ١٧ سبتمبر ٢٠٢٤
متشكر جدا انك اكلمت في الجانب الديني لعلي اللي يقرا ياخد باله الحمد لله والفضل لله ولكن عايز اقول حاجه معلمنيش الانضباط الا الصلاة و يمكن اللي انا فيه بسبب اني يوميا فاتح ابوب رزق لناس شغالين معايه وممكن رزقي من رزقهم عارف ربنا لما بيبعت رزق بيكون فيه ارزاق ناس غيرك والحمد لله علي خلق وعلي دين يمكن مش ملتزم اووي بس مش بدخن ومش بتجاهر بالمعصبة ومتواضع وخط 100 خط تحت متواضع دي لان الغرور والكبرياء اول حاجه بتاكل الحسنات بس زي ماتقول هو ادراك زايد عن حده يعني لو انا جاهل او مغيب زي ناس كتيرة ماكنتش هحس بالوضع اللي احنا فيه واللي زاد الطين بله احداث فلسطين انا مدمر نفسيا من اللي بيحصل
تم النشر الثلاثاء، ١٧ سبتمبر ٢٠٢٤
لعرض السؤال في فدني اضغط هنا