السلام عليكم عندى 5 اسأله عادى الي تقدروا تجاوبوا عليه حتى لو كان سؤال واحد انا راضيه بس فيدونى
🧡
1 _ انا مش قادره اذاكر خالص بجد في حاجز كبير بينى وبين المذاكره كل سنه الحاجز بيزداد وانا ف أولى ثانوي مش عارفه امال هعمل ايه ف تالته لو فى نصائح بس انا عاوزه اذاكر لكن مفيش طاقه ارجع الطاقه ازاى؟
2 دلوقتى انا عارفه يعنى ايه حرام وحلال لكن انا بلاحظ انى ضعيفه جدا لما بتحط ف اى موقف بنسا انو حرام يعنى الارتباط مثلا بضعف ف ساعتها ازاى اقوى علاقتى بربنا واقدر اتمسك لانى مؤمنه لكن ايمان مش قوى للدرجه اعمل ايه ؟
3 ليه الإنسان ممكن يحس أنو نكره أو حياتو بلا هدف لأن بجد انا متاكده انى عايشه بلا هدف معنديش ثبات ف اتخاذ القرارات وده مدايقنى يوم احب اكون فاشون ديزاينر ويوم احب اكون دكتور وكل يوم بقرار وده مشتتنى جدا وليه انا معنديش هدف ف الحياه وازاى احطو أو اخلي ليا هدف ف الحياه ابدأ منين ؟
4 عندى مشكله وهى النميمه وبتبقي بغرض الفضفضه يعنى بنقعد انا وصحابي ونقوم نقول يلا نتكلم علي الدفعه ومش عارفه ابطل الحوار ده بجد أو ابطل أعتاب ف الناس وازاى اتوب من ده ؟
5 المراهقه فتره صعبه جدا بجد وانا مش قد اى حاجه ولا الهرمونات ولا التجارب الي فيها اتعامل معاها ازاى عشان بجد اصعب مرحله ف حياتى ونصايح ليها بقا وشكراً لو انت كملت الرساله للآخر 🧡🧡🧡🧡
عايزة اقولك حتت اني مكنتش عارفه انا حابه اشتغل اي او هدفي ف الحياة لما كنت ف سنك كانت مشكلة بالنسبالي ...بس كنت بجرب كل حاجه تيجي ف بالي واخليها هدفي لحد ما كبرت وجربت حجات كتير جدا ومجالات كتير لحد ما لاقيت نفسي ف مجال معين وبدأت أطور نفسي فيه جامد عشان ابقي ليا اسمي واكبر فيه ...لازم نسعي ونعمل اللي علينا ونحاول عشان ربنا يكرمنا ويكافئنا علي تعبنا ده مش شرط ف الحاجه اللي تعبتي فيها بس هيبقي في طريق هو الأنسب والاريح ليكي انتي
تم النشر الأربعاء، ٤ أكتوبر ٢٠٢٣
المذاكرة محتاجه اعرف منك حاجات تفصيلية شوية عن موضوع المذاكرة .. تقصدي ب ايه فيه حاجز ضد المذاكرة؟ هل مثلا بتملي بسرعة من المذاكرة؟ هل الاستيعاب ضعيف؟ هل مش بتحبي اساسا المذاكرة؟ لو بتملي بسرعة فيه طرق كتيرة تقدري انك تستخدميها علشان متمليش من المذاكرة. لو الاستيعاب ضعيف، ممكن الموضوع يبقى صحي .. محتاجه تتابعي مع دكتور وتعرفي لو عندك مثلا نقص في فياتمينات معينه. اما بقى لو مش بتحبي المذاكرة اساسا؟ هو مين قالك انك المفروض تحبيها، السؤال بقى هل فيه حد بيحب اساسا يذاكر؟ يعني هو ايه اللي بيبقى جابر حد انه يقعد بالساعتين والتلاته قدام الكتاب في حين انه ممكن يستمتع اكتر قدام فيلم ولا لعبة؟ اكيد اي حد هيختار انه يريح دماغه ومجهوده اللي ممكن يبذله في اي عمل بيقوم بيه ويختار انه ينتخ على الكنبة! بس اللي بيخلي حد يقوم من النوم علشان يروح الشغل وهو اساسا مش عايز يعمل اي حاجه ف يومه، واللي بيخلي حد يروح تمرينه وهو اساسا مش قادر ونفسه انه ينام، واللي بيخلي حد يذاكر غصب عنه علشان عنده هدف وعايز يتفوق هو احساسه ب المسؤولية والالتزام. هو انه عنده هدف .. والهدف هو الدافع اللي بيحركه، سواء كان هدف مادي او معنوي، اربطي نفسك باهداف. الضعف الديني قصاد اي شيء حرام كلنا فينا جزء اكيد ضعيف، بس كل واحد فينا بيحاول وبيجهاد نفسه علشان يبقى احسن، المهم متيسأيش من نفسك انك تبقى احسن، اي حاجه حرام قبل ما تدخلي فيها فكري .. فكري كويس الحاجه ديه عواقبها ممكن تكون ايه، سواء دنيا او اخرة بقى .. ياترى ايه اللي ممكن يحصل؟ فكري ف كل حاجه قبل ما تعمليها، وحطيها قصاد ربنا. وفطرتك السليمة هي اللي هتوجهك. ليه الانسان مشتت وبلا هدف ده طبيعي الى حد ما في سنك، انتي لسه صغيرة .. ممكن جدا توجيه فكرك يتغير من حين لاخر، يعني شوية عايزة تبقى دكتورة، شوية تانيه مهندسة، شوية تالته حاجه تاني اساسا، ده طبيعي للمرحلة اللي انتي فيها، ادي لنفسك شوية وقت، انتي عارفه ان فيه ناس لحد مثلا ال 20 سنة كمان لسه مش عافين يعملوا ايه؟ متستعجليش على حاجه ومتسبقيش الاحداث، انتي حاليا مهمتك الاساسية المذاكرة والنجاح، واحلمي .. احلمي براحتك، سواء الحلم هيكمل ولا لا، مش مهم .. المهم انتي تكتشفي نفسك. لان ديه مرحلة اكتشاف نفسك ولسه كمان يعني برضه انتي لسه صغيرة ولسه هتتعلمي وهتكشفي نفسك اكتر من كده. بالنسبة للنميمة الموضوع سهل جدا، اي حد يتكلم على حد معين، قومي خالص من الجروب، وسبيهم. حطي نفسك ديما مكان اي حد هتجيبوا سيرته هل هتحبي انه يتجاب سيرتك انتي كمان؟ اكيد لا. المراهقة ومشاكلها فترة صعبة بس حلوة، كل فترة صدقيني ففيها الحلو والوحش ... مهما كانت الفترة ديه ايه. لما تدخلي الجامعة هتقولي ياه لو ارجع تاني للفترة اللي كنت فيها ف ثانوي!!! ولما هتسيبي الجامعة هتقولي ياه لو ارجع فترة الجامعة تاني بدل الشغل ... كل فترة استمتعي بيها وبحلاوتها .. المهم تيقني يقين تام ان كل فترة فيها تجارب واهم حاجه تحاولي تطلعي ب اكتر دروس مستفادة منها. بلاش صحاب سوء. بلاش ارتباط، ولا سنه ولا وقته، والمعظم بيبقى تسلية وحب مراهقة، فبلاش احسن. بلاش سوشيال ميديا كتير، خليكي ديما على الواقع، انك ديما ماسكة الفون ده مش صح، حددي وقت معين بس له. العالم الافتراضي عالم وهمي. العبي رياضة، حتى لو هتجري نص ساعة في اليوم. وربنا معاكي ويوفقك
تم النشر الأربعاء، ٤ أكتوبر ٢٠٢٣
وعليكم السلام عليكم ورحمة الله وبركاته وبعد 1-الرجاء من حضرتك الإبتعاد و تنظيم الوقت ويمكنك أيضا تثبيت تطبيق Detox من متجر بلاى وشرح البرنامج ستجديه مُتاح على اليوتيوب إن شاء الله 2-أُوصيك فى الصلاة على أوقاتها مع وِرد يومي من القرآن الكريم حتى ولو قليل الأهم أن الوِرد يكون يوميا وأُصيك بحفظ القرآن 3-لا حضرتك كلنا لينا هدف واحد و واضح {وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ} الذَّاريَات : 56 دا هو هدفنا ف إما أن نلتزم به ونكون الفائزين أو العياذ بالله ألا نلتزم به ونسعى له ولتحديد هدفك بعد عبادة الله عز وجل أسألى نفسك ما الذى يُعيد لك الشغف ما المِهنة اللتي تُريدي العمل بها ومِثل هذه الأسئلة 4-حضرتك يجب أن تتذكري وضعي فى بالك من تغتابينه ف كأنما تُهدية حسانتك كهدية له 5-{لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡۗ﴾ ﴿رَبَّنَا وَلَا تُحَمِّلۡنَا مَا لَا طَاقَةَ لَنَا به} البَقَرَة : 286 واللهم صلِّ وسلم على نبينا محمد
تم النشر الأربعاء، ٤ أكتوبر ٢٠٢٣
حضرتك اجابه الأسئلة دا كلها حلها واحد بمعني انك لو عندك هدف ونفسك تبقي حاجه بجد لو نفسك اركب عربيه أو يكون معاك فلوس تلبس كويس اكيد هتسعي لكده وتركز علي الوصول أسأل نفسك انت نفسك في اي عاوز تبقي اي الأمر الآخر هو كلنا نفعل المعاصي ولكن خير الخطائين التوبين ولكن مع وجود الهدف ننشغل ولا نفكر في المعاصي حاول مرة ومليون حتي تصل ولا تستسلم ابدا الي نفسك وذكي نفسك دائما بذكر الله واختر لك ذكر دائما تردده وقطع وقطع وقطع علاقتك باصدقائك اسوء أصحاب النميمة الذين يعيشون مثل البعيررررر بلا هدف أخلق هدف بنفسك واسعي له غير بيئتك غير افكارك غير نفسك حتي تصل ولا تمل ستفشل مره تلو الآخر ولكن حتماً ستصل يوما ما ........🤍✨🦋
تم النشر الأربعاء، ٤ أكتوبر ٢٠٢٣
بامانة مش شايف ان دي مشاكل بمعنى متركزيش عليها على أنها مشاكل ، كل دي حجات طبيعية، خصوصا ف سنك ومرحلة الثانوي بشكل عام. إلى لازم تركزي عليه هي دروسك ومذاكرتك اول بأول. لو عملتي كدا هتلاقي وقت تبسطي نفسك فيه، غير كداالمذاكره هتتراكم عليكي ومش هتلاقي وقت لاي حاجه، ووقتها هيبقي في عندك فعلا مشكلة حقيقية
تم النشر الثلاثاء، ١٠ أكتوبر ٢٠٢٣
حلو انك فهمه مشكلتك وعرفها فين ومعترفه بيه المزكرة اعملي لنفسك وقت اظبطي فيه وقت وابدي بوقت القليل ممكن 15 دقيقه مثلا كل يوم مرتين ثلاثة هتلاقي نفسك لوحد بتزودي الوقت بس الاحسن ما نستعجلش ونزود الوقت ده بع 21 يوم أما موضوع الوتس أو المحرمات عماتا الصلاة وخلي علاقتك بربنا حلوة وحولي ديما تبعدي عن البيئة الفاسدة وقومي علي قد ما تقدري الوحش وافتكري ديما الجملة دي وانتي بتعملي كد نقاوم ما نحب ونتحمل ما نكره. أما موضوع الهدف ده فا ياريت تحولي ف الإجازة تتطوعي وهتلقي نفسك وهتفيها أكثر ممكن رسالة أو انوار
تم النشر الأربعاء، ٤ أكتوبر ٢٠٢٣
اول نصيحه اقدمها ليك البعد عن رفقاء السوء ابدا بدايه جديده دايما مع ربك اغلط برحتك لأننا بشر مش ملايكه بس بعد ما تغلط ياريت تتعلم منه حط دايما هدف قدامك عايز تحققه حتي لو عندك أهداف كتيره عايز برضه تحققها لو حققت حاجه منهم الحاجه دي هتشجعك انك تحقق الأهداف التانيه بس ابدا انت الاول في حاجه حاجه تمام متقلش مش قادر تعمل الحاجه دي ده كل وسواس النفس الضعيفة ماتسمحش لفسك الضعيفة أنها تتغلب عليك تمام الارتباط حرام ابعد عنه لأنه بي يلوث القلب والنفس ابعد عنه كل ماتميل لية افتكر ربك ودينك افتكر اهلك روح استغفر كل ما تميل ليه المراهقه مرحله جميله جدا بس لو انت استغلتها صح في انك تركز في دروسك مدرستك تقرب من ربك تحفظ قرأن تقرأ كتب يكون عندك صحاب كويسه تساعد اهلك لو طلبت حاجه منك خرج مع صحابك شويه تقعد مع اخواتك وتتكلم معاهم دايما تصاحب مامتك وبابك ركزعلي هدف وبس سيبك من كل حاجه بتبعدك عنه لان الندم لا ينفع حينها دايما حافظ عل صلاتك حتي لو بتعمل غلط كتير توب ارجع دايما اذا قفلت الأبواب جميعها في وجهك الباب الله لايقفل ابدا اذا ابتليت بمصيبه لا تقول لماذا انا ابتليت بهذه المصيبه لا بل أسأل نفسك ماذا فعلت حتي ابتلانيالله بهذه اذا كنت انت السبب اذا استغفر وحاول أن تصلح مايمكن إصلاحه لكن اذا كانت من عند الله فأعلم أنها خيرا لكل الله لايؤذي عباده ابدا بل يكثر عليهم بخيره دايما حتي لو اختلفت الطريقه اعلم دايما ان بعد الصبر جبر وبعد الحزن فرح وان كل شده مده
تم النشر الأربعاء، ٤ أكتوبر ٢٠٢٣
ازيك يا قمرر بما انك بتسال يبقا مش عجبك حالك كده بصي اول حاجه سبب انك ميكونش عنك شغف هو انك تكوني قريبه من ناس محبطه زي صحابك محدش بيشجعك علطول شايفه انك بتعمل اكبر من طاقتك وزهقتي حاسه ان مفيش حاجه جديده. انتي محتاجه اول حاجه كده تحطي قدامك هدف. زي انتي بتذكري ليه وايه الهدف اللي عايزه توصلي لي؟طيب لو معملتيش الا عليكي ايه اكتر حاجه هتزعلي عليهاا؟ لازم تحطي هدف واضح قدامك. ✔️ تاني حاجه حاولي تغيري مكان مذكرتك لمكان في شبك تقدري تفتحي الشباك يدخل طاقه ايجايبه متذكريش علي السرير اعملي لنفسك مكتب او لو مفيش اي طربيزه وكرسي حاولي تبعدي التليفون عنك متمسكيش التليفون وحطي التليفون في مكان بعيد عن ايدك استخدمي جدول يومي ✍🏻يعني اعملي جدول ودخلي في الالون كده يكون ملفت ليكي وحطي قدامك النهارده هذاكر ايه ماده سهله مع ماده صعبه وقسمي الدروس واحده واحده الا تخلصي اعملي صح عليه ده هيشجعك تكملي ابدائي وحطي الجدول اليومي حسب قدرتك واحده بواحده ثم صعبي الجدول وانتي بتذكري واحده بواحده لحد ما توصلي لهدفك وحطي اللوان تحديد قدامك واقلم ورتبي الدنيا خالي المكان منظم يفتح نفسك كده واعملي اي حاجه سخنه وحطي قران جانبك واستعيني بالله ودايما اقرئي وقولي اللهم ما سهل الا ما جعلته سهل وان شاءت لجعلت الصعب سهل بسم الله توكلت علي الله وبس هرجع واقولك عامل الصحاب بيفرق 🕳 ابعدي اي صاحبه كسوله محبطه معندهاش هدف عن يومك خاليها لما تبقي فاضيه بقا ومتحوليش تسمع لحد كل 300 صاحبه هتقولك المذكره صعبه مش عارفه بنذاكر ليه وكل ده بيتخزن في عقلك وهما شغالين مذاكره وصلي لان سر اي نجاح الصلاه واستعيني دايما بالله وادعي واحده واحده هتوصلي انتي ملكيش غير النجاح الدنيا مفيش فيها مكان للفاشل الناجح دايما الناس بتجري وراء اعملي الا عليكي وثقي بنفسك وتوكلي علي الله وربنا مش هيضيع محولاتك ولا السعي ده
تم النشر الأربعاء، ٤ أكتوبر ٢٠٢٣
أما بالنسبة للمذاكرة ف انا انصحك تفتحي اليوتيوب وتكتبقي طرق للمذاكرة الفعالة وتتفرجي ع كذا فيديو وتجربة الطريقه اللي تريحك وهيجي وقت وهتزهقي منها جددي وغيري طريقتك وربنا يوفقك يارب
تم النشر الأربعاء، ٤ أكتوبر ٢٠٢٣
لعرض السؤال في فدني اضغط هنا