خلافات زوجية وخيانة، كيف تتصرف صديقتي في هذه المشكلة؟

Question

ليا صاحبتي متزوجه من سنتين زوجها محامي ولكن لم يكن يصرف على البيت ودائما يريد والد زوجته أن يتوالي هو مصاريف البيت وخلافات دائما لان والده يريد أن يجعل والد زوجته أنه يعمله مشروع أو يصرف على البيت او يكتب له ملك من ممتلكات والد زوجته أما كده أما يطلعهم بفضيحه ودا اللي حصل فعلا خانها مع بنت خالتها ودفع لناس علشان يقولوا أنها ماشيه وحش والحمد لله الناس اتقوا ربنا ورفضوا وهي رفعت عليه قواضي علشان تنطلق ومش عارفه اعمل ايه هو وأهله ناس لا يعرفوا دين ولا اخلاق وللاسف هي معاها منو طفله سنه وهي عاقده مع اهلها بقالها ست شهور ف اي العمل مع واحد زي دا ؟ واسفه للاطاله

Accepted Answer

كنت أعوّل على أهلها بصراحة لكنني وجدت لكِ ردًا تخبري فيه أنهم لم يساندوها. طيب الحل هنا على شقين بالتوازي. الشق الأول عدم الاستسلام والمتابعة مع المحامي والبحث عن كافة الطرق التي تمكنها من حقوقها وحقوق طفلتها. الشق الثاني اللجوء للحكم العدل وكثرة الدعاء في أوقات الإجابة، والتصدق بنية الجبر ونيل الحق والعوض. انصحيها بقراءة سورة البقرة، ستخفف من ألم قلبها وستشعرها بالسكينة والأمان. ذكريها دائمًا أن السيدة عائشة وهي أم المؤمنين سمعت عن عفافها ما تكره، وبكت حتى ظنت من شدة البكاء أنها ستموت. ذكريها أن الله مطلع وأن الظالم لا تؤخر عقوبته، ذكريها أن الله معها وحسبها الله ونعم الوكيل. حاولي أن تشغليها بشيء نافع، كأن تحاول العمل من البيت أو تلعب التمارين الرياضية، شاركيها اهتماماتها واذكريها في دعائك. الله المستعان.

Answer

السلام عليكم ورحمه الله اولا ربنا يعينها و يقويها علي اللي جاي، قوليها خلينا متفقين أن خراب البيوت صعب و مليان خسائر ولكن في هذه الحاله هو مكسب ، كملي في طريقك و اتكلمي مع المحامي بتاعك و اختاري محامي ثقه و يكون شاطر جدا هيساعدك انك تاخدي حقوقك و خليه يلف هو مسيره يرجع يطلب التفاوض لما يتحكم عليه، ساعتها انتي تفاوضي و خدي كل حقوقك و خليكي قويه. 🔹 الضعف و التنازل مش هيجيلك حقك، خليكي قويه ،، طيب تبقي قويه ازاي ؟؟؟ انك تشوفي حقوقك فين و تطالبي بيها و تاخديها و كلام الناس ولا تسمعي له. الله يعينها و يوفقها

Answer

شكرا لحضرتك علي المشاركة شكرا ليكي علي اهتمامك بشئون صاحبتك وحرصك علي مساعدتها الحياة الزوجية حياة خاصه بالطرفين مهما حد تدخل بتكون الصورة ناقصه لانه استحاله تكوني عارفه كل تفاصيل الطرفين وايه حصل بالظبط وهيا لجأت للقضاء لحل مشاكلها مع زوجها انتي دورك معاها الدعم والمسانده وتوعيتها بالاهتمام بصحتها النفسية والجسدية والاهتمام بتربية طفلتها اوقات كتير من صدمة المشكلة الشخص بينغمس فيها بدون ادراك منه لنفسه وحياته وأدواره ايه وايه ممكن يخليه احسن دور الصاحب هنا يرجعه لدنيته تاني يكون مصدر امان بالنسبالي بدون ماندخل فتفاصيل كتير حصلت ونعيد ونزيد فالماضي بدون فايده غير اجترار الألم والوجع النفسي وربنا يعينك ع الدور ده ويجعله في ميزان حسناتك 🌷

خلافات زوجية وخيانة، كيف تتصرف صديقتي في هذه المشكلة؟

اجتماعية

سؤال من احد أعضاء فدني

تم النشر الخميس، ٢٥ يوليو ٢٠٢٤

6 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك