كل ما اجي أتوب أحس إني مندمتش كفاية أو مندمتش نهائي أصلاً وهى أعظم أركان التوبة وده اللي بيخليني أفضل قلقانة وعندي شعور إن توبتي ناقصة ومش كاملة وبفضل أحاول أشعر بالندم وأفكر نفسي بعقاب ربنا بس بحس إن فى حاجة ناقصة كل مرة والموضوع مقلقني جامد مع إني كنت بفضل أدعي لربنا إنه يغفرلي ذنوبي ويتوب عليا ولما سمعت إن دي ممكن تكون من قسوة القلب فضلت أدعي أدعية لتطهير القلب وأطلب من ربنا إنه يشيل قسوة القلب دي مع إن كزا حد قال طلاما خدتي قرار التوبة يبقى انتي ندمانة بس أنا برضو مع كل ده وفضلت أدور وأبحث ومش لاقية حل..
هذا من وسوسة إبليس اللعين الذي لا يريد الخير لنا ، بل أقسم أن يغوينا أجمعين. ثُم يا أخت؛ إبليس لن يهدأ له بال حتّى يقنطنا وييأسنا من رحمة الله، حتى يقول الرجل: أنا فعلت وفعلت، فكيف يقبل الله مني توبتي!! بل من فعل الذنوب والخطايا كبيرها وصغيرها ثم تاب؛ لتاب الله عليه، وهو الغنيُّ عنه، سبحانه. قال تعالى: (يا عبادي الذينَ أسرفوا على أنفُسهم لا تقنطوا من رحمةِ الله إنّ اللهَ يغفرُ الذنوبَ جميعًا إنّهُ هو الغفورُ الرحيمُ)، الآي. الخلاصة يا أخت: الأصل في مذهب إبليس، بل وقرة عينه؛ أن يقنطنا من رحمة الله، فإذا عصيتِ الله فتوبي إلى الله، ولا تلتفتي لهذا اللعين، واستعذّي بالله من وسوسته.
تم النشر الخميس، ١٣ يوليو ٢٠٢٣
مبروك عليكي.. 🤍✨ طول م ربنا الهمك الدعاء اصلا دي حاجه عظيمه والاعظم انك من جواكي عاوزه تتوبي الخطوه دي مش ساهله ومش اي حد يعملها (ان الله لا يهدي من احب ولكنه يهدي من يشاء) القرار فعلا ف حد ذاته صعب وخطوه مش ساهله ولما بتدعي ربنا بيستحي يرد ايدك فاضيه ان الله حييّ كريم اه الندم ركن اساسي ف قرار التوبه بس هيجي مع الايام... ربنا زرع فيكي ده و لسه مكمله دعاء ربي مش هيقفلها ف وشك ربنا عز وجل بيقول ف حديث قدسي.. (من تقرب اليّ شبرا... تقربت اليه ذراعا.... و ان تقرب مني ذراعا تقربت اليه باعا... وان اتاني يمشي اتيته هروله)
تم النشر الخميس، ١٣ يوليو ٢٠٢٣
ده انا عارفه ان ده من علامات مغفرة الذنب وقبول التوبة باذن الله لحد اخر عمرك هتكونى لما بتفتكرى الذنب بتزعلى او بتحسي بنغزة فى قلبك ولو عديتى فى نفس المكان اللى اذنبتى فيه مثلا هتبقى متضايقة ...دى حاجات كلها تأكد ان قلبك ان شاء الله سليم انا لقيت حد سئل نفس سؤالك من 2010 https://islamweb.net/ar/consult/index.php?page=Details&id=2102103 الشيطان لما بيغلب مع حد انه يخليه يغلط بيشككه فى ان الصح اللى بيعمله مصطنع او مش مقبول .....ومع ذلك زودى اجتهادك واصرارك انك تعملى اكتر فى الدعاء والتوبة وكل حاجة هترفع من قدرك عند ربنا اكيد باذنه
تم النشر الخميس، ١٣ يوليو ٢٠٢٣
أنا آسفة جدًا لسماع أنك تشعرين بهذا القلق حيال توبتك. أفهم كيف يمكن أن يكون الندم شعورًا قويًا، ويمكن أن يكون من الصعب الشعور بالراحة إذا كنت تعتقدين أنك لم تشعرين به بما يكفي. أود أن أخبرك أن الله رحيم ومغفور، وهو يقبل توبة كل من يؤمن به ويسعى إلى التوبة. لا يهم كم من الوقت مضى منذ ارتكاب الذنب هناك بعض الأشياء التي يمكنك القيام بها لمحاولة تليين قلبك. أولاً، حاول أن تقضي المزيد من الوقت في الصلاة والقرآن. سيساعدك هذا على التواصل مع الله ومعرفة رحمته ورأفته. ثانيًا، حاول أن تكون أكثر رحمة ورأفة تجاه الآخرين. سيساعدك هذا على تطوير طبيعتك الحقيقية. أخيرًا، حاول أن تفعل المزيد من الخير في العالم. سيساعدك هذا على تذكر أن الله يحب أولئك الذين يفعلون الخير. فيما يلي بعض الأدعية التي يمكنك الدعاء بها: "اللهم إني أتوب إليك من كل ذنب أذنبته، كبيره وصغيره، علانيه وسرية. اللهم إني أسألك أن تغفر لي ذنبي، وأن تزيل قسوة قلبي، وأن تجعلني من المتقين. اللهم إني أسألك أن تتقبل توبتي، وأن ترحمني، وأن ترزقني التوبة النصوح." "اللهم إني أستغفرك من كل ذنب أذنبته، عمدًا أو سهوًا، عالمًا أو جاهلًا. اللهم إني أسألك أن تغفر لي ذنبي، وأن تزيل قسوة قلبي، وأن تجعلني من المتقين. اللهم إني أسألك أن تتقبل توبتي، وأن ترحمني، وأن ترزقني التوبة النصوح."
تم النشر الخميس، ١٣ يوليو ٢٠٢٣
ديه مجرد وسواس مش اكتر .. ممكن تقولي لي من وجهة نظرك ايه معنى التوبة؟ او ازاي الواحد يتوب اكتر من اللي انتي عملتيه؟
تم النشر الجمعة، ١٤ يوليو ٢٠٢٣
بصي ممكن تكوني ملقتيش الشيخ الصح الي يندمك علي كل الاخطاء الي عملتيها في حياتك و يخليكي من اعماق قلبك عايزة تتوبي بجد والله لو اقدر اعمل شير لكل الدورات الصغيرة الي عندي الي هتفيدك دي كنت بعتالك هاتي رقمك او اي حاجة اقدر اتواصل بيها معاكي و اوعدك هقدر اساعدك و انصحك تدخلي اكاديمية ميراث و كوكب بنات لانهم ناس لطاف اوي و معلوماتهم موثوقة و احلي حاجة الدورات الي بيعملوها بجد الموضوع سنل انتي بس محتاجة تدخلي شوية جروبات دينية و تسمعي كذة محاضرة و انتي شكلك اصلا بنت لطيفة جدا و فيه جوا قلبك خير ربنا يوفقك يارب و يكون في عونك و يقويكي
تم النشر الخميس، ١٣ يوليو ٢٠٢٣
لاتيأس من رحمة الله
تم النشر الجمعة، ١٤ يوليو ٢٠٢٣
لعرض السؤال في فدني اضغط هنا