السلام عليكم
مشكلتي إن بتعب من التعامل مع الناس أو إن اشوف ناس نفسيتي بتتعب و مبعرفش اتعامل ولا اتكلم ولا بحب اتكلم مع ناس خالص
لو نزلت يوم عشان درس بيبقى اليوم مرهق لأعلى درجه حتى الخروج مبحبهوش إلا لو كان لمكان مفهوش بشر خالص
مبعرفش و مبقدرش اتعامل حتى ف البيت دايماً بحب اقعد لوحدي و بحب لما يكون محدش ف البيت بقضي احسن وقت ف حياتي ببقا فرحانه ونا لوحدي اكتر بكتير من ونا مع صحابي او عيلتي
بقالي٥ سنين على الحال ده بقضي كل الأجازه في البيت مبحبش اخرج و لو خرجت بندم ، انا عندي صحاب بس حتى دول مببقاش عايزه اشوفهم و ببقا عايزه ابعد عنهم دايماً
بالنسبالي اقعد ٣ ساعات اتفرج ع جبل بتبقا اسعد لحظات حياتي اكتر من إني اتجمع مع صحابي و اخرج
حتى الثيرابست مش هقدر اروحله عشان اي حد مبعرفش احكيلو حاسه ب ايه و لو حكيت انا حاسه ب ايه بنهار بشكل مش عادي لدرجه ببقا مش عارفه اتكلم
الموضوع ده مسببلي مشكله خصوصاً إن انا في ثانوي يعني محتاجه أنزل دروس و اتعامل ، حاولت في الدروس و بلاقي نفسي بمشي من كل المدرسين و بقعد ف البيت في الأخر
و حاولت اشوف نادي اتمرن في او انمي موهبتي فيه اول مدخلت النادي حسيت ب خوف و قلق عشان بيبقا زحمه و لقيت ان في ناس كتير ونا بتعب من كدا
و حتى السوشيال ميديا انا مبحبهاش مبحبش غير القاعده لوحدي برسم أو بخترع حاجه و بقرأ روايات او بتفرج على الجبل و البحر و العصافير من البلكونه
الحاجه الوحيده الي بحب اتعامل معاها و بحبها اكتر من اي بني ادم هي القطط و الكلاب بحب الحيوانات اوي و بتعلق بيهم بشكل كبير يعني قطتي لما تعبت انا اكتئبت اكتئاب شديد و طلعت منو بصعوبه على الرغم من إن حد من عيلتي كان تعبان ف فتره بس كان عادي مزعلتش ولا عملت اي حاجه
و بردو التعلق بالحيوانات ده عاملي مشكله عشان اعمارها قليله ونا لما بتعلق بيها بيجيلي حاله انهيار و بفضل اعيط كتير جدا و بتعب لما هي بتموت
يا ريت بجد لو حد عندو حل لمشكلتي يفدني
وعليكم السلام انتى شخصية رقيقة وهادية بس عندك افكار وتصورات عن الناس بشكل عام مخلياكى مصنفاهم اذى فطبيعى عقلك دايما هياخدك بعيد عن الاذى ( ده ممكن الطبيب النفسي يصنفه نوع من الرهاب الاجتماعى ) تعديل الافكار هنا ممكن يساعدك كتير التعميم عموما مش صح فاحنا هنقول ان فى انواع بشر مزعجين لكن فى ناس زيك بردوا هاديين فى ناس تافهيين وفى ناس مبدعين وهكذا كل الموضوع ان طول ما انتى قافله على نفسك صعب تقابلى اللى شبهك اصلا الناس اللى حواليكى انتى مش مجبره تكونى علاقتك بيهم عميقة ..يكفى تتعاملى معاهم فى اى نقطه تلاقيها مشتركه ..حتى لو النقطة دى حاجة صغيره اوى
تم النشر الأحد، ٢٢ سبتمبر ٢٠٢٤
وعليكم السلام ورحمة الله وبركاته. أشكرك على مشاركتك لمشاعرك وتجربتك، وذلك يعكس شجاعة كبيرة منك. من الواضح أن ما تمرين به يؤثر على حياتك اليومية وكيفية تعاملك مع الآخرين، وهذا شيء يمكن أن يكون مزعجًا ومحبطًا. مما ذكرته، يبدو أنك تجدين المزيد من الراحة عند التواجد بمفردك أو مع الحيوانات، وهو أمر شائع جدًا لدى بعض الأشخاص. وقد تكون لديك درجة من القلق الاجتماعي أو التوتر عند التعامل مع المواقف الاجتماعية. أود أن أقدم لك بعض النصائح العملية التي قد تساعدك في التحسن: ابدئي بخطوات صغيرة : حاولي مشاركة مشاعرك مع شخص مقرب، حتى إذا كانت محادثة قصيرة، يمكنك أن تختاري بيئة مريحة لذلك. مارسي أنشطة فردية : تابعي ممارسة أنشطتك المفضلة كالرسم أو القراءة، فقد تساعدك هذه الأنشطة على الهدوء. تواصل مع الحيوانات : من الرائع أنك تجدين طاقة إيجابية في التعامل مع الحيوانات. حاولي الاستمرار في ذلك، حيث يمكن أن يكون لديهم تأثير مهدئ. فكري في الذهاب إلى مختص نفسي : على الرغم من القلق الذي تشعرين به تجاه التحدث مع أحدهم، إلا أن المعالجين النفسيين محترفون ومدربون على التعامل مع مثل هذه الحالات ويساعدونك على التعبير عن مشاعرك بصورة أفضل. اجعلي تجاربك الاجتماعية تدريجية : مثلًا، يمكنك تحديد موعد مع صديق واحد في مكان بعيد عن الزحام، ثم زيادته تدريجياً عندما تشعرين بأنك مستعدة. لا تترددي في البحث عن الدعم، فالتغيير يحتاج إلى وقت وصبر، والأهم هو أن تكوني لطيفة مع نفسك خلال هذه العملية. الله يوفقك ويسهل أمورك.
تم النشر السبت، ٢١ سبتمبر ٢٠٢٤
حلو أنك هاديه، ببساطه خلي علاقتك سطحيه معاهم وتقدري تحكي معاهم انك لا تحبي صوت العالي والكلام الكتير عشان يتعاملو معاكي كويس هاي حدودك شخصيه، لا تطولي المحادثه تكون سطحيه أفضل وتعاملي بسلاسه وبهدوء حاولي تهدي نفسك بتنفس شهيق زفير براحه وبهدوء وتواصل مع البشر ضروري عشان احنا كائنات اجتماعيه لازم نتواصل نحتاج هذا الشيئ بس تواصل ع حدودك انتِ وبراحتك وفي ناس مثل اهتماماتك او نفس تفكيرك ربما، بنسبه لشغله تعلق ب الحيوانات أفضل أنك تكتبي مشاعرك بورقه او دفتر تكتبي الي انتِ حاسه بيه وتتقبلي فكره رحيلهم ويفضل أنك تخلي أشيائهم بصندوق مش اقولك تنسيهم انا بقولك تقبل وتخطي ودعيهم وخلي عندك فكره براسك أنك لو بكيتي كدا انتِ بتأذيهم عشانك صديقتهم وهم مش عايزينك تبكي او يشوفوكي حزينه حاولي تتقبلي فكره رحيلهم وتودعيهم بكل مشاعرك وبكل كلمه انتِ عايزه تقوليها أحسمي قرارك ب أن خلاص تودعيهم وتنهي الموضوع ويكون لهم ذكرى بحياتك، ولا تخلي أشيائهم أمامك عشان متحزني أكتر بدل ما تحزني نفسك أكتر شوفي حاجه بتلهيكي زي رسم الكتابه التأمل الاسترخاء حاجه بتحبي تعمليها بتهدي نفسك فيها في نغمات هاديه بعتقد انها حتعجبك تطبيق loona فيه كدا نغمات خفيفه وهاديه بتساعدك ع الأسترخاء اذا كان يعجبك او حابه تجربي تقدري تسمعيها، وممكن أنك تحطيلك هوايه مثل زراعه وتعتني ب زهور الي عندك هوايه مفيده جميله اتمنى لك توفيق بحياتك تقدري تشوفي طبيبه نفسيه او تشوفي مقاطع ع اليوتيوب تساعد وتنمي مهارات تواصل وبلاش فكره الخوف دي عشانهم بشر زيك زيهم متكبريش حجمهم فقط كلام سطحي معاهم وبس واذا مره زحمه بس خذيلك زاويه او اي مكان تقدري تكوني فيه حرفيآ غير عنهم واذا كان صوتهم مزعج وعالي تقدري تجيبي سدادات الأذن مفيده وبتقلل صوت وتمتصه بتفيدك وافضل لما تشعري بضغط والقلق تستخدمي طريقه التنفس العميق شهيق زفير ببطئ وبراحه وتركزي ع تنفسك وتنظمي افكارك كويس بتوفيق ليكي .
تم النشر الأحد، ٢٢ سبتمبر ٢٠٢٤
فيه حاجة معينة مخلياكي حابة تقعدي لوحدك؟ أم هو شعور كدا من الطفولة؟ أم ظهر فاجأة بدون سبب؟ أنا هخمن إن الشعور دا ظهر فجأة ودا هيكون بسبب فترة المراهقة لإنك قولتي انك في ثانوي، والفترة دي بتبقى تغير هرمونات وتغيرات تانية بتسبب حساسية شوية عند الشخص وبتخليه يعزل نفسه عشان يداري التغيير دا وهيتعود على العزلة دي بدون مايحس. فالحل في الحالة دي انك توعي نفسك وتثقفي نفسك عشان تعرفي ان دي حاجات عادية بتحصل لكل إنسان ومفيش داعي نخاف منها ونداريها دي حاجة عادية جدا وابني ثقتك في نفسك وماتفكريش في كلام الناس هيقولوا عنك ايه؛ انتي مهما كنتي الناس هتتكلم برده فماتفكريش في كلامهم عنك لإن دا هيخليكي تعتزلي اكتر، واخرجي واتكلمي واتعاملي وروحي دروسك عادي وثقي في نفسك تاني وماتسمحيش لحد يحاول يقلل من ثقتك بنفسك.
تم النشر الأحد، ٢٢ سبتمبر ٢٠٢٤
أنتي عندك مشكلة اسمها الرهاب الإجتماعي
تم النشر الأحد، ٢٢ سبتمبر ٢٠٢٤
بصي انا معرفش بس ممكن عدم ارتياحك دة يكون ناتج انك لما كنتي بتختلطي مع اهلك و اصحابك كان بيحصل حاجات تضايقك زي مثلا تتكلمي فحد يقلل من كلامك او ان حد يعمل اي حاجة تضايقك و مش بتريحك فغصب عنك بقيتي تتجنبي القاعدة معاهم انا نعرفش طبعا دة صح ولا غلط بس بخمن يعمي السبب و لو دة فعلا السبب اتكلمي قولي للقدامك "حسب مكانة الشخص" لو حد قريب اوي زي اهلك اتكلمي و قولي مش بحب كذا عادي فهماني
تم النشر الأحد، ٢٢ سبتمبر ٢٠٢٤
حاولت بس بحس إن بتعب من الكلام معاهم و بحس إني مرتاحه ونا ساكته و بعيده و ده عامل مشكله ، أنا للأسف مضطررره اتعامل ف يوم من الأيام سواء ف جامعه او حتى ف الشغل في المستقبل و انا مبعرفش اتعامل خالص مع حد و خايفه من كدا
تم النشر السبت، ٢١ سبتمبر ٢٠٢٤
عسل والله بصي بلاش تضغطي نفسك يعني اعملي علاقات في حدود ضيقه مثلا صديقه واحده واهل بيتك
تم النشر السبت، ٢١ سبتمبر ٢٠٢٤
لعرض السؤال في فدني اضغط هنا