أريد أنا أغير من شخصي وذاتي للأفضل مريت بظروف صعبة جدا وبحاول أقوم منها ودايما كان الشغل هو الحاجة اللي ناقصاني كنت بدور عليه وأعمل أنترفيو لمجرد أني مقعدش في البيت ومخي يبدأ يفكر ف بكرة ويتخيل سيناريوهات دي مجرد مشكلة أنا معرفتش أحلها للأسف لأن سني 31 سنة وبكالريوس نظم ومعلومات وللأسف معنديش خبرة فيه طول عمري بحب مجال هندسة ودرسته واتفصلت منه ومعرفتش أبعد عن شغله ولا هويتي اللي بدأت جواه اتعلمت الرسم المعماري وتخليص الاوراق في أي حي حكومي او مؤسسة بتصدر تراخيص ومتعلمتش غير كده ومع الوقت وكورونا ووقف مجال البناء قل الطلب والشغل ومع ذلك دي مشكلتي الأولي ومشكلتي الثانية أني كنت خاطب وفسخت ولسة مش عارف أتجاوز المرحلة الصعبة للأسف.. فنصيحة لله؟
الوقت لسه معاك والعمر كمان معاك في ناس كتير شغلها باظ من الكرونا بس تقدر تبدأ من تاني حاول ترجع علاقاتك بالناس الي كنت بتتعامل معاهم وترجع تتشغل تاني ف المجال الي بتحبه ومجال نظم المعلومات ممكن تبدا تاخد كورسات تفيدك وتتقل الcvبتاعك ف مجال تخصصك واتعلم البرامج الي بتفيد ف المجال المعماري واشتغلها كمان ممكن تستغل خبرتك ف المجال ده وتدي كورسات لطلبه الجامعه ان كان ف المجال المعماري او من مجال دراستك ف نظم معلومات وتعمل اكونت ع لينك دي ان وتحدث الcv بتاعك ف كل مجال اشتغلته او شهاده اخدتها اسعى ف كل الطرق وان شاءالله ربنا يكرمك ويوفقك وهتقدر تطور نفسك وتحسنها ان شاءالله
تم النشر السبت، ٢٥ فبراير ٢٠٢٣
ايه اللى انت عاوز تغيرة وايه اللى بالنسبالك هيكون حياة افضل وتكون راضى عن نفسك فيها؟
تم النشر السبت، ٢٥ فبراير ٢٠٢٣
لعرض السؤال في فدني اضغط هنا