لو سمحت كمل قراءة و لو في ايدك نصايح او مساعدة عرفني
بدور على ثيرابيست كتير و لكن بجد اسعارهم عالية و الوقت قليل و انا مش ف مقدرتي الاسعار دي لسه طفلة 20 سنة و بعاني نفسيا من زمااااان لحد ما أثر على اعصابي و بقى ايدي و رجلي بيترعشوا بمجرد صوت عالي و خناق و بكون عايزة اقع رجلي مش مستحملة افتكرت ان الموضوع مشاكل صحية روحت لدكتور مخ و اعصاب قالي دي مشاكل نفسية و اكتئاب حاد و كذا حاجة و طغت و كتبلي ادوية بصراحة ما اخدتهاش مش عايزة ادخل الدوامة دي بس بجد انا بعاني اوي و اصلا مكسوفة من ده لان انا كنت حد بيحب الحياة و كنت بجد بشجع الناس و امنعهم من الاكتئاب و اتكلم كلام كأني ثيرابست لحد ما بقيت انا اللي محتاجه اتعالج نفسيا
،
تم النشر الأحد، ١٥ سبتمبر ٢٠٢٤
أهلاً وسهلاً بيكي اولاً لازم تعرفي ان المشاكل اللي في البيت بسبب الأب والأخوات حاجه خرجه عن أردتك ولاسف الحاجات اللي خارجه عن ارادتنا مش بنقدر نغيرها لكن ممكن نتجنبها او نحاول ان نغير من انفسنا لكي يقل تأثيرها علينا مثلا انك تعرفي ان في ابتلاءات وده الابتلاء اللي يخصك وهتأجري عليه من الله ثانيا مهم جدا انك انتي تتغيري حاولي تقربي من نفسك اكتر وتفهميها وتسالي نفسك ايه اللي بتحبيه وايه اللي بتكرهيه ومهم كمان تحاولي تشغلي وقت ابحثي عن عمل حتي ولو من البيت وفرغي مشاعرك السلبيه دايما عن طريق الكتابه وممكن بعد كده تتخلصي من الورقه بالتقطيع علشان محدش يقراها ويعملك مشكله وحاولي تتجنبي المناقشات الحاده علي قد ما تقدري وكمان اتمرني علي تمرين التنفس ٤/٤/٦ بتاخدي شهيق أربع عدادات وتكتميه أربع عدادات وتطلعيه من فمك في ٦عدادات هيفرق معاكي كتير في تفريغ الطاقه السلبيه مع الوقت وان شاء الله تتحسن حالتك النفسيه بالتدريج 🌹
تم النشر الأحد، ١٥ سبتمبر ٢٠٢٤
عزيزتي، أولاً، أود أن أقول لكِ إن ما تشعرين به هو أمر طبيعي في ظل ظروف صعبة، ولا يجب أن تشعري بالخجل من ذلك. العديد من الأشخاص يواجهون تحديات نفسية، سواء كانوا يعرفون كيف يتعاملون مع تلك المشاعر أم لا. إذا كنتِ تواجهين صعوبة في الوصول إلى معالج نفسي، فإليك بعض النصائح التي قد تساعدكِ: التواصل مع الأصدقاء والعائلة : تحدثي مع الأشخاص المقربين منكِ عن مشاعركِ. الدعم من الأهل والأصدقاء يمكن أن يُساعدكِ على الشعور بتحسن. كتابة اليوميات : قومي بتدوين مشاعركِ وأفكاركِ يومياً. هذا يمكن أن يكون وسيلة رائعة للتعبير عن نفسكِ والتفريغ عن المشاعر السلبية. تنظيم الوقت : حاولي تنظيم يومكِ بما يتناسب مع نشاطات تحبينها، كقراءة كتاب أو ممارسة هواية معينة. هذا يمكن أن يُعزز من شعوركِ بالسعادة. البحث عن موارد مجانية : هناك العديد من الموارد على الإنترنت تُقدم مشورات ودروساً حول الصحة النفسية مجاناً. ابحثي عن مقاطع فيديو تعليمية أو مقالات تساعدكِ في فهم الاكتئاب وطرقه. المشاركة في الأنشطة الاجتماعية : حاولي الانخراط في الأنشطة الاجتماعية أو التطوعية. التفاعل مع الآخرين يمكن أن يُساعد على تحسين مزاجكِ. تجنب العزلة : حاولي تجنب الانزلاق في العزلة وإذا شعرتِ برغبة في ذلك، تذكري أن تتواصلي مع من تحبي. إذا كانت لديكِ أسئلة محددة أو تحتاجين لمزيد من الدعم، فلا تترددي في البحث عن المساعدة المهنية عندما تكونين جاهزة. وأخيرًا، يجب أن تتذكري أن طريق التعافي يتطلب الوقت والصبر. كوني لطيفة مع نفسكِ.
تم النشر الأحد، ١٥ سبتمبر ٢٠٢٤
الرياضه : الرياضه احسن علاج نفسي قبل ما يكون علاج بدني لانك بتفرغ الطاقه السلبيه فيها + القرايه + انك تتكلمي مع ناس بتحبيها وتبعدي عن اي كمان او ناس بتخليكي سلبيه بسيطه جدا
تم النشر الأحد، ١٥ سبتمبر ٢٠٢٤
تكملة على الكلام نسيت اكتب اهم حاجة ان السبب في كل ده من ساعة ما اتولدت هو المفروض اللي اسمه بابا + اخواتي اعداء ليا. هي امي بس اللي معايا و انا عايزة انقذها هي لانها بجد استحملت كتير عشانا و اي وحده مكانها كانت مشيت و سابتنا
تم النشر الأحد، ١٥ سبتمبر ٢٠٢٤
لعرض السؤال في فدني اضغط هنا