عاوزا اعرف كل التفاصيل عن تعلم البرمجه من لغاتها واي معناها واي هي طرق تعلمها وازاي ابدا فيها واكون محترفه فيها كويس ؟
مرحبًا ممكن تبدأي بقناة المهندس محمد أبو هدهود أما الاحتراف عن طريق القراءة فيها وخصوصًا باللغة الإنجليزية سواء من المواقع أو الكتب و تنفيذ مشاريع متنوعة وحل مشكلات كتير بالتوفيق
تم النشر الثلاثاء، ٢٣ يوليو ٢٠٢٤
لغات البرمجة زيها زي لغات المحادثات العادية بين البشر، ليها قواعد معينة شبه النحو لازم تعرفيها تستخدميها صح، ومع الوقت هتقدري تعرفي مصطلحات وكلمات أكتر. في حالة لغات البرمجة، الكلمات والمصطلحات هي الاوامر إللي هاينفذها البرنامج. وزي لغات البشر، اللغة بتموت بدون ممارسة وبتلاقي صعوبة اننا نفتكر الكلمة أو المصطلح أو حتى القاعدة اللغوية. شخصيا، بعتبر إن البرمجة ممارسة أكتر منها تعليم تلقيني، لكن لكل شخص أسلوبه الأنسب في التعلم. وتاني، زي لغات البشر، أفضل طريقة بتعلمها عاجلا أو آجلا هاتكون التطبيق العملي واستخدامها. اللغة الأكثر شيوعا حاليا للمبتدئين وحتى الأطفال في الإبتدائي في بعض الدول هي بايثون Python، ودي لغة مرنة جدا تقدر تعمل بيها تطبيقات ويب تطبيقات سطح مكتب زي البرامج إللي بنعمل لها install على ويندوز وكمان مواقع نت وألعاب. بايثون كمان في مقدمة لغات البرمجة المستخدمة في الذكاء الصناعي وعلوم البيانات. ممكن تبدأي من كورس CS50 أو CS50P ومتاحين مجانا على موقع www.edx.org الكورس دة من جامعة هارفارد. الكورس هايبدأ معاكي على برنامج بيخليكي تعملي ألعاب بسيطة من غير ما تكتبي كود عشان تفهمي أساسيات البرمجة وبعض مفاهميها وبعدين هايوصل إنك تحلي شوية مسائل بلغة بايثون. الكورسات دي مصممة للناس إللي عمرها ما كتبت كود برمجي ولا تعرف حاجة عن البرمجة. وبتسمح للطلاب والمدرسين يتفاعلوا ويساعدوا بعض في مجتمع صغير متعاون. يعني مش هتكوني وحدك في المشوار دة. الكورس مجاني، بس لو عاوزة ممكن تدفعي فلوس عشان تاخدي شهادة معتمدة إنك خلصتي الكورس. في ميزة تانية كمان، الشهادات دي ممكن تتحسب من ضمن نظام الساعات المكتسبة في الدراسات الاكاديمية لو عاوزة مؤهل عالي يحتوي الكورس دة. يعني مثلا، الكورس دة عبارة عن منهج مادة في الماجستير المصغر لعلوم الحاسب الآلي في جامعة ما، لو أخدتي الشهادة تقدري تقولي للجامعة إنك خلصتي المادة دي من هارفارد من خلال edx وماتدخليش امتحان تاني فيها. مش هاستفيض هنا آكتر في الموضوع دة لأنه موضوع لوحده. أخيرا، في بعض المجالات والتطبيقات محتاجة لغات مساعدة، زي إنك تعملي مواقع ويب مثلا، هاتلاقي نفسك محتاجة جافا سكريبت Javascript وHTML مثلا. أكتر من لغة برمجة ممكن تعمل حاجات مختلفة مع بعض في تطبيق أو برنامج واحد. يعني ممكن تشتغلي بلغة بايثون مع جزء بواحدة من عائلة لغات C, C++, C# أو جافا )جافا غير جافاسكريبت(.
تم النشر الأربعاء، ٢٤ يوليو ٢٠٢٤
مرحبًا، ربنا يوفقك وتقدري تحققي هدفك وتتفوقي فيه إن شاء الله. حددي هدفك أولا من تعلم البرمجة لأن تحديد الهدف ووضعه أمامك يشجعك تواصلي الطريق مهما شعرت بملل خلاله. إن شاء الله المبرمجين في فدني يقدروا يفيدوكِ أكتر من خبرتهم بس ممكن ترجعي للسؤال ده عن تعلم البرمجة فيه ردود مفيدة وروابط مهمة تساعدك إن شاء الله. بالتوفيق. https://www.fedni.net/q/74283382/كيفيه-تعلم-البرمجه#answers
تم النشر الاثنين، ٢٢ يوليو ٢٠٢٤
خلينا نبدأ من الأول كده ونمشي خطوة خطوة عشان نبقى نغطّي كل اللي يتعلق بموضوع البرمجة بشكل كامل. أول حاجة: يعني إيه برمجة؟ البرمجة هي عملية كتابة تعليمات وأوامر لجهاز الكمبيوتر بلغة معينة عشان يعمل حاجة معينة. يعني بنكتب كود بيقول للكمبيوتر يعمل خطوات معينة عشان يوصل لنتيجة معينة. لغات البرمجة: فيه كتير لغات برمجة، وكل واحدة ليها استخدامها. تعالي نتكلم عن أشهرها: Python (بايثون): من أسهل اللغات اللي ممكن تبدأي بيها، قوية جداً وبتستخدم في تطبيقات ويب، علوم البيانات، والذكاء الاصطناعي. JavaScript (جافاسكريبت): مهمة جداً لو ناوية تعملي مواقع ويب؛ بتشتغلي بيها في الواجهة الأمامية (front-end) وكمان الواجهة الخلفية (back-end) باستخدام Node.js. Java (جافا): قوية ومستخدمة في تطبيقات أندرويد، ومدعومة بشكل قوي في سوق العمل. C++ و C#: لغات أساسية وقوية؛ بتستخدميها في تطوير الألعاب وبرامج الحاسوب. Ruby (روبي): بسيطة وتستخدم في تطوير الويب باستخدام إطار Ruby on Rails. إزاي أبدأ؟ تعرفي على الأساسيات: اختاري لغة برمجة وبدي فيها، هنقول مثلاً بايثون. دورات ومصادر تعلم أونلاين: مواقع زي Coursera, edX, Udacity, و Khan Academy بيقدموا كورسات مجانية ومدفوعة. كتبي كود بنفسك: التعلم عن طريق التطبيق هو أفضل حاجة، حاولي تعملي مشاريع بسيطة في البداية. انضمام لمجتمع البرمجة: فيه منتديات ومجموعات على Facebook و LinkedIn وكده، بيكون فيهم ناس بيساعدوا ويدعموا. إزاي أبقى محترفة؟ تعلمي أدوات وإطارات العمل: حاجة زي Django أو Flask لو شغالة بايثون للويب، أو React أو Angular لو بتشتغلي جافاسكريبت. عمل مشاريع عملية: اشتغلي على مشاريع حقيقية، دي أحسن طريقة تكتسبي بيها خبرة. التدريب العملي: ممكن تدوري على تدريب مهني أو انترنشيب في شركات. مواكبة التحديثات: تكنولوجيا المعلومات مجال بيتغير بسرعة، فلازم تبقي دايماً على اطلاع بأحدث التقنيات والأخبار. مراجعة وتعلم من أخطاءك: مش معنى إنك بتغلط إنك فاشلة، التعلم من الأخطاء بيفيدك كتير. يعني ببساطة، الموضوع عاوز صبر ومثابرة. إنتي قدها وعندك القدرة تتعلمي وتتقدمي. لو عندك أي أسئلة تانية أو محتاجة نصايح أكتر، أنا هنا عشان أساعدك، يا فاطمة.
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا