هل أوافق على الزواج من ابن خالي مع رفض أمي له وأحاول إقناعها أم أرفضه مجددًا؟

Question

السلام عليكم انا في حيره من أمري و محتاجه آخد رايكم في حاجه، ابن خالتي اتقدم لي كتير على مر الوقت و كل مره كنت بقول لأ لأني مش شايفاه اكتر من اخ و لان أمي رافضه الموضوع و جايباها فيا علشان شكلها قدام خالتي و قدامه و كدا كان دايما بيوسط ناس في الموضوع دا وأخر مرة كان من كذا شهر زي ٩ شهور مثلا كلمني بنفسه و قالي انه بيحبني و اني حلمه و قالي قولي بس انك موافقه وانا هحل كل حاجه تانيه و ساعتها انا بردو رفضت بس علشان خايفه من امي لأنها رافضه ولان الموضوع من كذا جهه صعب اوي مامته الي هي خالتي انا والله بحبها جدا بس هي شخصيه بتاعت حوارات اوي و احنا بنتجنبها دايما و غير أنه عندها 6 بنات و هو يعتبر ولدها الوحيد في ولد تاني بس دا عنده سنتين هو كشخص كويس جدا بس أمه و اخواته عقبة. المهم أنه لمح تاني للموضوع و انا من اخر مره وانا مياله جدا للموضوع، الاكيد أنه هيتكلم تاني في الموضوع الفتره دي هل أحارب علشانه و اتمسك فيه و نبقى نعدي كل حاجه وحشه سوا؟ ولا اسمع كلام مامتي؟ هي رافضه رفض تام علشان عاوزه حد احسن وانا بالنسبالي مستواه كويس لكن هي عاوزه حد احسن. خايفه اثق فيه و اقف قدامهم في الاخر يخذلني اي العمل بس هو حتى الآن بيحاول و بيعمل كتير كل شويه يجي و يجيب حاجات كتيره معاه لو طلبت منه اي حاجه مش بيتاخر فيه و جدع جدا معانا كلنا مبقتش عارفه افكر لو جي و كلمني أقوله اني موافقه ولا اقنع امي ولا الموضوع مش حلو اصلا ولا اي

Accepted Answer

فى البداية أنا مقدر مشاعر ابن خالتك ناحيتك وعارف إنه متعلق بيكى من خلال كلامك وعرضك للمشكلة هنا لكن بقولها وهقولها وهفضل أرددها ديما بلاش جواز أقارب ارجوكى بلاااااااااااش الاقارب صلة فقط لكن لا زواج ولا مشاركة فى تجارة أو غيره ولا مشاركة سر ولا اى اختلاط اخر معهم فى مجالات الحياة وفى دايما مثل مصري بيقول (الأقارب مصائب) فاسمعى كلام مامتك هيا شايفه وعارف لك الصح من الغلط 🌸🌸

Answer

السلام عليكم ورحمه الله مبدئيا يا فندم اوعي تخالفي أهلك ابدا ابدا لأنهم هم اللي هيبقوا لك طول حياتك الزوج مع أشد احترامي للأزواج ممكن يستغنى عنك في أي وقت، لو عمل مشاكل معك اللي هيقف لك أهلك، فاوعي تخالفي أهلك. امال ايه اللي يحصل لازم يكون اهلك موافقين مش موافقين يبقى خلاص الموضوع منتهي ومتدخليش فيه ده رقم واحد ثاني شيء الأهل بيشوفوا اللي حضرتك مش بتشوفيه، أنت لسه صغيرة مشفتيش الحياة بعد الزواج عاملة إزاي، الحياة بعد الزواج مش زوج بس، ده زوج وأهل واخوات، تفاصيل كتير قوي. اللي شايف الكلام ده مامتك شايفه ان ممكن تكون حماتك اللي هي عمتك تقريبا بتاعة مشاكل فمش هتخليك تستقري في حياتك ده اللي يعني ده اللي أنا متأكد منه الانسان اللي بيتزوج مش بيتزوج واحد بس بيتزوج عيله كامله فاوعي تقفي قدام اهلك وإن شاء الله ربنا يعوضك خير.

Answer

وعليكم السلام ورحمة الله وبركاته، أختي العزيزة، يبدو أنك تواجهين موقفًا معقدًا ومليئًا بالتحديات، وأتفهم تمامًا الحيرة التي تشعرين بها. إن الزواج من الأقارب قد يكون له فوائده وتحدياته في الوقت ذاته، ولذلك من المهم أن تأخذي القرار الصحيح بناءً على ما تشعرين به وما يراعي مصلحة أسرتك. تذكري أولاً، أن مشاعر الحب والتعلق التي تشعرين بها تجاه ابن خالتك أمر مهم. ولكن، في نفس الوقت، من المهم أن تتفكري في عدة جوانب: رغبات الأسرة : إذا كانت والدتك رافضة تمامًا لهذا الاقتراح لسبب أو لآخر، فمن الحكمة أن تتفهمي موقفها. حاولي أن تعملي على فتح حوار معها بخصوص أسباب رفضها وكيف تشعرين تجاه ابن خالتك. التوافق والاستقرار : فكري في مستقبلكما معًا، هل لديكما أهداف وقيم متشابهة؟ هل تشعرين بالراحة معه؟ من المهم أن يكون هناك توافق على مختلف الأصعدة. صفاته الشخصية : إذا كان ابن خالتك يحترمك ويدعمك، فهذا أمر إيجابي. ولكن، أيضًا تأكدي من أنك تستطيعين التواصل معه بصدق ووضوح حول مخاوفك وتوقعاتك. تقدير الذات : لا تتخلي عن مشاعرك أو آمالك في حياة مليئة بالحب والاحترام. إذا كنتِ تشعرين أن هذا الشخص قد يكون شريك حياة جيد، يجب أن تتحدثي عن ذلك. في النهاية، القرار يجب أن يأتي منك ومع النظر إلى مشاعر والدتك والمصالح المشتركة. يمكنكِ محاولة التحدث مع والدتك والبحث عن نقاط تقارب لحل الخلاف وفهم وجهات النظر والخروج بحل يرضي جميع الأطراف. لو احتجت للمزيد من المساعدة، لا تترددي في طلب المشورة من أفراد من عائلتك أو أصدقائك الذين تثقين بهم. أسأل الله أن ييسر لكِ الأمر ويهديلك طريق الصواب.

هل أوافق على الزواج من ابن خالي مع رفض أمي له وأحاول إقناعها أم أرفضه مجددًا؟

اجتماعية

زواج

سؤال من احد أعضاء فدني

تم النشر الأحد، ١٢ يناير ٢٠٢٥

3 إجابة

14 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك